വൈവാഹിക ബലാത്സംഗത്തെ ക്രിമിനൽ കുറ്റകരമാക്കണമെന്ന് ആവശ്യപ്പെട്ട് സമർപ്പിച്ച പൊതുതാൽപര്യ ഹർജികളിൽ ഡൽഹി ഹൈക്കോടതി ഇന്ന് വിധി പറയും. 15 വയസിൽ താഴെയല്ലാത്ത ഭാര്യയുമായി ലൈംഗിക ബന്ധത്തിൽ ഏർപ്പെടുന്നത് കുറ്റകരമല്ലെന്ന വ്യവസ്ഥയെയാണ് ഹർജിക്കാർ ചോദ്യം ചെയ്തത്.
രാജ്യദ്രോഹക്കുറ്റം ഭരണഘടനാവിരുദ്ധമായി പ്രഖ്യാപിക്കണമെന്നാവശ്യപ്പെട്ടുള്ള പൊതുതാൽപര്യ ഹർജികൾ ഇന്ന് വീണ്ടും സുപ്രീംകോടതിയിൽ. കൊളോണിയൽ നിയമത്തിന്റെ പുനഃപരിശോധന പൂർത്തിയാകുന്നതുവരെ സെക്ഷൻ 124 എയുടെ പ്രയോഗം തടയാൻ കഴിയുമോ എന്ന കോടതിയുടെ ചോദ്യത്തിന് കേന്ദ്രം ഇന്ന് മറുപടി നൽകിയേക്കും.
ഡൽഹിയിലെ കുടിയൊഴിപ്പിക്കൽ നടപടികളിൽ പ്രതിഷേധം ശക്തമാക്കാൻ പ്രതിപക്ഷ പാർട്ടികൾ. ഇടതുപാർട്ടികളായ സി.പി.ഐ(എം), സി.പി.ഐ, ആർ.എസ്.പി എന്നിവയുടെ ആഭിമുഖ്യത്തിൽ ഇന്ന് ലഫ്റ്റനൻറ് ജനറൽ അനിൽ ബായ്ജാലിന്റെ ഔദ്യോഗിക വസതിയിലേക്ക് മാർച്ച് നടത്തും.
അസാനി ചുഴലിക്കാറ്റ് ആന്ധ്രാപ്രദേശ് തീരത്തോട് അടുക്കുന്ന സാഹചര്യത്തിൽ വിശാഖപട്ടണത്ത് നിന്നുള്ള എല്ലാ വിമാന സർവീസുകളും ബുധനാഴ്ച വരെ റദ്ദാക്കി. ജാഗ്രതാ നിർദേശത്തിൻറെ ഭാഗമായാണ് തീരുമാനം. നിലവിലെ സാഹചര്യം കണക്കിലെടുത്ത് ആന്ധ്രാപ്രദേശ് തീരത്ത് റെഡ് അലർട്ട് പ്രഖ്യാപിച്ചിട്ടുണ്ട്.
ചാണകത്തിൽ നിന്ന് പ്രകൃതി വാതകം ഉത്പാദിപ്പിക്കാനുള്ള തയ്യാറെടുപ്പിലാണ് ഉത്തർപ്രദേശ്. ഉത്തർ പ്രദേശിലെ ബറേലിയിൽ ഗ്യാസ് പ്ലാൻറ് സ്ഥാപിക്കും. ചാണകം ശേഖരിക്കാൻ കർഷകർക്ക് കിലോയ്ക്ക് 1.5 രൂപ നൽകും. ഇത് കർഷകർക്ക് നല്ല വരുമാനം കൊണ്ടുവരുമെന്ന് യുപി സർക്കാർ അവകാശപ്പെടുന്നു.
ബാങ്ക് ഇതര സാമ്പത്തിക സ്ഥാപനങ്ങളെ നിയന്ത്രിക്കാൻ കേരള സർക്കാരിന് കഴിയില്ലെന്ന് സുപ്രീം കോടതി വിധി. ഇതോടെ ഈ ധനകാര്യ സ്ഥാപനങ്ങൾക്ക് കേരള മണി ലെന്റേർസ് ആക്ട് ബാധകമാകില്ല. ആർബിഐ നിയമ ഭേദഗതി പ്രകാരം രജിസ്റ്റർ ചെയ്ത ബാങ്ക് ഇതര ധനകാര്യ സ്ഥാപനങ്ങൾക്ക്…
സർക്കാരിതര സംഘടനകൾക്ക് വിദേശ ധനസഹായം ലഭിച്ചതിലെ അഴിമതി മറച്ചുവയ്ക്കാൻ കൈക്കൂലി വാങ്ങിയ കേസിൽ സർക്കാർ ഉദ്യോഗസ്ഥർ ഉൾപ്പെടെ നിരവധി പേരെ സി.ബി.ഐ അറസ്റ്റ് ചെയ്തു. വിദേശ ഫണ്ട് തിരിമറി നടത്തിയെന്നാരോപിച്ച് രാജ്യത്തിൻറെ വിവിധ ഭാഗങ്ങളിൽ സി.ബി.ഐ റെയ്ഡ് നടത്തുകയും 10 പേരെ…
കോവിഡിനെതിരായ പോരാട്ടത്തിൽ ലോകത്തിന് ഇന്ത്യ മാതൃകയാവുകയാണെന്ന് ബിജെപി ദേശീയ അധ്യക്ഷൻ ജെപി നദ്ദ. മുൻപ് കൊവിഡിനെതിരെ പോരാടാൻ ഇന്ത്യ മറ്റ് രാജ്യങ്ങളുടെ സഹായം തേടിയിരുന്നുവെങ്കിലും ഇന്ന് പ്രധാനമന്ത്രിയുടെ നേതൃത്വത്തിൽ ഇന്ത്യ ലോകത്തെ സഹായിക്കുകയാണെന്നും നദ്ദ പറഞ്ഞു.
ബീഹാറിലെ സുൽത്താൻഗഞ്ചിൽ നിർമ്മാണത്തിലിരിക്കുന്ന പാലം തകർന്നതിന് കാരണം കാറ്റാണെന്ന ഉദ്യോഗസ്ഥൻറെ പ്രതികരണം തന്നെ അത്ഭുതപ്പെടുത്തുന്നതായി കേന്ദ്രമന്ത്രി നിതിൻ ഗഡ്കരി. പാലം തകരാനുള്ള കാരണം ചോദിച്ചപ്പോൾ ശക്തമായ കാറ്റിനെ കാരണമാണെന്നാണ് ഉദ്യോഗസ്ഥരുടെ വിശദീകരണം.
ആന്ധ്രാപ്രദേശ് മുഖ്യമന്ത്രി വൈ.എസ്.ജഗൻ മോഹൻ റെഡ്ഡിയുടെ ബന്ധു അറസ്റ്റിൽ. വൈഎസ്ആർ കോൺഗ്രസിന്റെ പ്രാദേശിക നേതാവ് കൂടിയായ വൈ.എസ് കൊണ്ട റെഡ്ഡിയാണ് പിടിച്ചുപറിക്കേസിൽ അറസ്റ്റിലായത്. മുഖ്യമന്ത്രിയുടെ നിർദേശപ്രകാരം നടത്തിയ അന്വേഷണത്തിലാണ് ബന്ധു പിടിയിലായതെന്ന് പൊലീസ് പറഞ്ഞു.