ലോകാത്ഭുതങ്ങളിലൊന്നായ താജ്മഹൽ വീണ്ടും തുറക്കണമെന്ന ഹർജിയിൽ രൂക്ഷ വിമർശനവുമായി രംഗത്തെത്തി അലഹബാദ് ഹൈക്കോടതി . താജ്മഹലിലെ അടച്ചിട്ടിരിക്കുന്ന 20 മുറികൾ തുറക്കണമെന്നാവശ്യപ്പെട്ടുള്ള ഹർജി പരിഗണിക്കുകയായിരുന്നു കോടതി. ബിജെപി നേതാവ് രജനീത് സിംഗിനെയാണ് കോടതി വിമർശിച്ചത്.
താജ്മഹലിന്റെ അടച്ചിട്ട 20 മുറികൾ തുറക്കണമെന്ന് ആവശ്യപ്പെട്ട് ബിജെപി നേതാവ് രജനീഷ് സിംഗ് സമർപ്പിച്ച ഹർജി അലഹബാദ് ഹൈക്കോടതിയുടെ ലഖ്നൗ ബെഞ്ച് തള്ളി. പൊതുതാൽപര്യ ഹർജികൾ സമർപ്പിക്കാനുള്ള അവകാശം പരിഹാസ്യമാക്കരുതെന്ന് കോടതി പറഞ്ഞു.
ദേശീയ-അന്തർദ്ദേശീയ തലത്തിൽ ബാറ്ററി കമ്പനി തുടങ്ങാനൊരുങ്ങി ടാറ്റ ഗ്രൂപ്പ്. ഭാവിയിൽ ആഗോളതലത്തിൽ കൂടുതൽ സജീവമാകാനുള്ള മാറ്റത്തിൻറെ ഭാഗമായാണ് ഈ നീക്കം. സിഐഐ ബിസിനസ് ഉച്ചകോടിയിലാണ് ടാറ്റാ സൺസ് ചെയർമാൻ എൻ ചന്ദ്രശേഖരൻ ഇക്കാര്യം അറിയിച്ചത്. .
എൽഐസിയുടെ പ്രാരംഭ ഓഹരി വിൽപ്പനയിൽ ഇടപെടാൻ വിസമ്മതിച്ച് സുപ്രീം കോടതി. ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് ഓഹരി വിൽപ്പന സ്റ്റേ ചെയ്യണമെന്ന ഹർജി തള്ളി. ഭേദഗതിയെ ചോദ്യം ചെയ്തുള്ള ഹർജിയും ധനകാര്യ ബില്ലുമായി ബന്ധപ്പെട്ട ഹർജികളും പരിഗണിക്കും.
സുപ്രീം കോടതിയിൽ രാജ്യദ്രോഹ നിയമത്തിനെതിരായ നിയമപോരാട്ടം മുന്നിൽ നിന്ന് നയിച്ച പ്രമുഖ അഭിഭാഷകൻ കപിൽ സിബൽ നാളെ കോൺഗ്രസ്സ് ചിന്തൻ ശിവീറിൽ നിന്ന് വിട്ടുനിൽക്കും. കോൺഗ്രസിൽ സമൂലമായ മാറ്റം കൊണ്ടുവരുകയെന്ന ലക്ഷ്യത്തോടെയാണ് നാളെ മുതൽ ചിന്തൻ ഷിബിരം നടക്കുന്നത്.
ഇന്ത്യയിലെ കോവിഡ്-19 കേസുകളുമായി ബന്ധപ്പെട്ട് ആരോഗ്യ മന്ത്രാലയത്തിന്റെ ഏറ്റവും പുതിയ റിപ്പോർട്ടുകൾ പുറത്ത്. കഴിഞ്ഞ 24 മണിക്കൂറിനിടെ 2827 പുതിയ കേസുകളാണ് രാജ്യത്ത് റിപ്പോർട്ട് ചെയ്തത്. ഇതോടെ ഇന്ത്യയിലെ ആകെ രോഗബാധിതരുടെ എണ്ണം 43,113,413 ആയി ഉയർന്നു.
ഇന്ത്യാ ഗവൺമെന്റിൻ്റെ വിവിധ തപാൽ ഓഫീസുകളിൽ ഗ്രാമീൺ ഡാക് സേവക്, പോസ്റ്റ് മാസ്റ്റർ, അസിസ്റ്റൻറ് ബ്രാഞ്ച് പോസ്റ്റ് മാസ്റ്റർ തസ്തികകളിലായി 38,926 ഒഴിവുകൾ. 2,203 ഒഴിവുകളാണ് കേരളത്തിലുള്ളത്. അടിസ്ഥാന യോഗ്യത പത്താം ക്ലാസാണ്. പ്രാദേശിക ഭാഷ, ഗണിതശാസ്ത്രം, ഇംഗ്ലീഷ് എന്നിവ പഠിച്ചിരിക്കണം.
കോവിഡ്-19 രോഗമുക്തി നേടിയവരിൽ പകുതിയിലധികം പേരും രണ്ട് വർഷം കഴിഞ്ഞിട്ടും ഒരു രോഗലക്ഷണമെങ്കിലും കാണിക്കുന്നതായി പഠനം. അന്താരാഷ്ട്ര മെഡിക്കൽ ജേണലായ ലാൻസെറ്റിലാണ് പഠനം പ്രസിദ്ധീകരിച്ചത്.രോഗമുക്തി നേടിയവരിൽ രോഗത്തിന്റെ സ്വാധീനം ദീർഘകാലം നിലനിൽക്കുമെന്ന് പഠനം വിശദീകരിക്കുന്നു.
ചാരക്കേസിൽ ഇന്ത്യൻ വ്യോമസേന ഉദ്യോഗസ്ഥനെ ഡൽഹി ക്രൈംബ്രാഞ്ച് അറസ്റ്റ് ചെയ്തു. ഉത്തർപ്രദേശിലെ കാൺപൂർ സ്വദേശിയായ ദേവേന്ദ്ര ശർമ്മയെ തിങ്കളാഴ്ചയാണ് ക്രൈംബ്രാഞ്ച് കസ്റ്റഡിയിലെടുത്തത്. ഉദ്യോഗസ്ഥന്റെ ഭാര്യയുടെ ബാങ്ക് അക്കൗണ്ടിൽ സംശയാസ്പദമായ സാമ്പത്തിക ഇടപാടുകൾ നടന്നതായും പൊലീസ് കണ്ടെത്തിയിട്ടുണ്ട്.
ഓണ്‍ലൈന്‍ ഗെയിമിംഗ് വ്യവസായത്തെ 18 ശതമാനം ചരക്ക് സേവന നികുതി (ജിഎസ്ടി) സ്ലാബിൽ ഉൾപ്പെടുത്തണമെന്നാവശ്യം. വൈദഗ്ധ്യം അടിസ്ഥാനമാക്കിയുള്ള ഓൺലൈൻ ഗെയിമിംഗ് വ്യവസായം ഏറ്റവും ഉയർന്ന 28 ശതമാനം നികുതി നിരക്കിൽ ഉൾപ്പെടുത്തുന്നതിനുപകരം 18 ശതമാനം ജിഎസ്ടി സ്ലാബിൽ നിലനിർത്തണമെന്ന് ആവശ്യം.