ഉത്തരേന്ത്യൻ സംസ്ഥാനങ്ങളിൽ ഉഷ്ണതരംഗം അതിരൂക്ഷം. രാജസ്ഥാനിലെ നാല്ല് ജില്ലകളിൽ ഇന്ന് റെഡ് അലർട്ട് പ്രഖ്യാപിച്ചു. ഡൽഹിയിലും പഞ്ചാബിലും ഓറഞ്ച് അലർട്ട് പ്രഖ്യാപിച്ചിട്ടുണ്ട്. 1951 ന് ശേഷം ഡൽഹി കണ്ട ഏറ്റവും ചൂടേറിയ വേനൽക്കാലമാണിത്.
തെലങ്കാന മുഖ്യമന്ത്രി കെ ചന്ദ്രശേഖർ റാവുവിനെ കടന്നാക്രമിച്ച് കേന്ദ്ര ആഭ്യന്തരമന്ത്രി അമിത് ഷാ. തെലങ്കാനയെ പശ്ചിമ ബംഗാളാക്കി മാറ്റാൻ ചന്ദ്രശേഖർ റാവു ശ്രമിക്കുന്നുവെന്ന് അമിത് ഷാ ആരോപിച്ചു.തെലങ്കാനയിൽ പ്രജാ സംക്രമ യാത്രയിൽ സംസാരിക്കുകയായിരുന്നു അദ്ദേഹം.
മുണ്ട്ക തീപിടുത്തക്കേസിൽ എഫ്ഐആർ പുറത്തുവിട്ട് ഡൽഹി പോലീസ്. 100ലധികം തൊഴിലാളികൾ ജോലി ചെയ്യുന്ന നാൽ നില കെട്ടിടത്തിൽ വരുന്നവർക്കും പോകുന്നവർക്കും ഒരു ഗേറ്റ് മാത്രമേ ഉണ്ടായിരുന്നുള്ളൂവെന്നും കെട്ടിടത്തിൽ അഗ്നിശമന ഉപകരണങ്ങൾ ഉണ്ടായിരുന്നില്ലെന്നും പൊലീസ് എഫ്ഐആറിൽ പറയുന്നു.
രാജ്യത്തുടനീളം മുസ്ലീങ്ങൾ ആക്രമിക്കപ്പെടുകയാണെന്ന് ജമ്മു കശ്മീർ മുൻ മുഖ്യമന്ത്രി ഒമർ അബ്ദുള്ള. ഇക്കാരണത്താൽ ജനങ്ങൾ ജമ്മു കശ്മീരിൽ നിന്ന് പുറത്തുപോകാൻ ഭയപ്പെടുന്നെന്നും രാജ്യത്ത് ഒരു പ്രത്യേക സമുദായത്തിനെതിരെ മാത്രമാണ് ആക്രമണങ്ങൾ നടക്കുന്നതെന്നും അദ്ദേഹം പറഞ്ഞു.
കേന്ദ്രസര്‍വകലാശാലകളിലേക്കുള്ള പൊതുപരീക്ഷയായ കോമൺ യൂണിവേഴ്സിറ്റി എൻട്രൻസ് ടെസ്റ്റിന് (സി.യു.ഇ.ടി) 8 ലക്ഷത്തോളം അപേക്ഷകരുള്ളതായി യു.ജി.സി. ചെയര്‍മാന്‍ ജഗദീഷ് കുമാർ. ജൂലായ് ആദ്യവാരം നടക്കുന്ന പരീക്ഷയിലേക്ക് മേയ് 22 വരെ അപേക്ഷ സമര്‍പ്പിക്കാം.
ഒരു നേതാവിന് തുടർച്ചയായി രണ്ട് തവണ മാത്രമേ രാജ്യസഭാ സീറ്റ് നൽകാവൂ എന്ന് കോണ്‍ഗ്രസ് ചിന്തന്‍ ശിബിരത്തില്‍ ശുപാർശ. മുതിർന്ന നേതാക്കൾ യുവാക്കളുടെ പ്രാതിനിധ്യത്തെ സ്വാഗതം ചെയ്യുന്നുണ്ടെങ്കിലും പലരും ആശങ്കാകുലരാണ്. രാഹുൽ ഗാന്ധി ഉടൻ തന്നെ പാർട്ടി അധ്യക്ഷനായി ചുമതലയേൽക്കണമെന്നാണ് ഭൂരിഭാഗവും…
ബിപ്ലവ് കുമാർ ദേബ് രാജിവച്ചതിനെ തുടർന്ന് ബിജെപി സംസ്ഥാന അധ്യക്ഷനായ മണിക് സാഹ പുതിയ ത്രിപുര മുഖ്യമന്ത്രിയായി നിയമിതനാകും. കഴിഞ്ഞ മാസമാണ് സാഹ രാജ്യസഭാ എംപിയായി ചുമതലയേറ്റത്. കോൺഗ്രസ് നേതാവായിരുന്ന സാഹ, 2016ലാണ് ബിജെപിയിൽ ചേർന്നത്.
ഇന്ത്യയിലെ സാമ്പത്തിക സ്ഥിതി ആശങ്കാജനകമാണെന്നും നയങ്ങളിൽ മാറ്റം വരുത്തേണ്ട സമയമായെന്നും കോൺഗ്രസ് നേതാവ് പി.ചിദംബരം. 8 വർഷമായി ഇഴഞ്ഞുനീങ്ങുന്ന വളർച്ചാ നിരക്കാണ് ഈ സർക്കാരിൻറെ മുഖമുദ്ര. കോവിഡ് പ്രതിസന്ധിക്ക് ശേഷം സമ്പദ്വ്യവസ്ഥയെ പുനരുജ്ജീവിപ്പിക്കാനുള്ള ശ്രമങ്ങൾ സർക്കാർ ഉപേക്ഷിച്ചതായും ചിദംബരം പറഞ്ഞു.
പ്രാദേശിക പാർട്ടികളുമായുള്ള കോൺഗ്രസ്സ് സഖ്യത്തിന് ജയ്പൂരിലെ ചിന്തൻ ശിബിരിൽ മികച്ച പിന്തുണ. ദേശീയ തലത്തിൽ ബി.ജെ.പിയെ പരാജയപ്പെടുത്താൻ പ്രാദേശിക തലത്തിലുള്ള സഖ്യങ്ങൾ പ്രധാനമാണെന്ന് നേതാക്കൾ അഭിപ്രായപ്പെട്ടു.
അമൃത്സറിലെ ഗുരു നാനാക് ദേവ് ആശുപത്രിയിൽ വൻ തീപിടുത്തം. തീ മൂന്ന് നിലകളിലേക്കും വ്യാപിച്ചു. നിരവധി രോഗികളും സന്ദർശകരും കുടുങ്ങിക്കിടക്കുന്നതായാണ് റിപ്പോർട്ട്. പാർക്കിങ് സ്ഥലത്തെ ട്രാൻസ്ഫോർമറിൽ നിന്നാണ് തീ പടർന്നത്. ആശുപത്രി ജീവനക്കാർ ഉടൻ തന്നെ രോഗികളെ സുരക്ഷിത സ്ഥാനത്തേക്ക് മാറ്റിയിട്ടുണ്ട്.