എറണാകുളം ജില്ലയിലെ ഇലക്ഷന്‍ ഡെപ്യൂട്ടി കളക്ടറെ സ്ഥലം മാറ്റിയതിനെതിരെ യു.ഡി.എഫ് മുഖ്യ തെരഞ്ഞെടുപ്പ് ഓഫീസര്‍ക്ക് പരാതി നല്‍കി. തൃക്കാക്കര ഉപതെരഞ്ഞെടുപ്പ് പ്രഖ്യാപിച്ചതിന് പിന്നാലെ എറണാകുളം – കോഴിക്കോട് ഇലക്ഷന്‍ ഡെപ്യൂട്ടി കളക്ടര്‍മാരെ പരസ്പരം മാറ്റുകയായിരുന്നു.
വിളകൾക്ക് നാശം വരുത്തുകയും അനിയന്ത്രിതമായി വർദ്ധിക്കുകയും ചെയ്യുന്ന കാട്ടുപന്നികൾ ഉൾപ്പെടെയുള്ള വന്യമൃഗങ്ങളെ ക്ഷുദ്രജീവിയായി പ്രഖ്യാപിക്കാൻ അധികാരം നൽകണമെന്ന് സംസ്ഥാന സർക്കാർ കേന്ദ്ര സർക്കാരിനോട് ആവശ്യപ്പെട്ടു. നേരത്തെയും കേരളം ഇതേ ആവശ്യം ഉന്നയിച്ചിട്ടുണ്ട്.
തിരുവനന്തപുരത്ത് ഭക്ഷണപ്പൊതിയിൽ പാമ്പിന്റെ തൊലി കണ്ടെത്തിയ സംഭവവുമായി ബന്ധപ്പെട്ട് നെടുമങ്ങാട്ടെ ഹോട്ടലുകളിൽ ആരോഗ്യവകുപ്പ് പരിശോധന നടത്തി. പല ഹോട്ടലുകളിൽ നിന്നും പഴകിയ എണ്ണ പിടിച്ചെടുത്തു. ലൈസൻസ് പുതുക്കാത്ത ഹോട്ടലുകൾക്ക് അടിയന്തര നോട്ടീസ് നൽകിയിട്ടുണ്ട്.
കെ.എസ്.ഇ.ബി മാനേജ്മെന്റും ഇടത് സംഘടനകളും തമ്മിലുളള പ്രശ്നം പരിഹരിച്ചു. കെ.എസ്.ഇ.ബി.യിൽ സംഘടനാ പ്രവർത്തനങ്ങൾക്ക് വിലക്കില്ലെന്ന് ഊർജ്ജവകുപ്പ് സെക്രട്ടറി ഉറപ്പുനൽകിയതോടെയാണ് പ്രശ്നം പരിഹരിച്ചത്. സ്ഥലംമാറ്റപ്പെട്ട ഉദ്യോഗസ്ഥരെ സൗകര്യപ്രദമായ സ്ഥലത്തേക്ക് മാറ്റുമെന്ന് സംഘടനകൾക്ക് ഉറപ്പ് നൽകിയതായാണ് വിവരം.
പാലക്കാട് എലപ്പുള്ളിയിലെ പോപ്പുലർ ഫ്രണ്ട് നേതാവ് സുബൈറിന്റെ കൊലപാതകത്തിൽ മൂന്ന് പേർ കൂടി അറസ്റ്റിൽ. ഇതോടെ സുബൈർ വധക്കേസിൽ അറസ്റ്റിലായവരുടെ എണ്ണം ഒമ്പതായി. കൊലപാതകത്തിന്റെ ഗൂഢാലോചനയിൽ പങ്കാളികളായ ഗിരീഷ്, സുചിത്രൻ, ജിനീഷ് എന്നിവരാണ് അറസ്റ്റിലായത്.
റോഡരികിൽ അനധികൃതമായി സ്ഥാപിച്ച കൊടിമരങ്ങളും തോരണങ്ങളും നീക്കം ചെയ്യുന്നതിനുള്ള മാർഗനിർദേശങ്ങൾ സർക്കാർ പുറത്തിറക്കി. ഈ മാർഗനിർദേശങ്ങൾ അടിയന്തിരമായി നടപ്പാക്കേണ്ടതുണ്ടെന്ന് മന്ത്രി എം.വി ഗോവിന്ദൻ മാസ്റ്റർ പറഞ്ഞു.
മെയ് 8 മുതൽ 10 വരെ സംസ്ഥാനത്ത് ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. ഉച്ചയ്ക്ക് 2 മണിക്കും 10 മണിക്കും ഇടയിൽ ഇടിമിന്നലിന് സാധ്യതയുള്ളതിനാൽ ഈ സമയത്ത് പൊതുജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ…
കാസർകോട് പ്ലസ് വൺ വിദ്യാർത്ഥിനി ദേവനന്ദ ഷവർമ കഴിച്ച് ഭക്ഷ്യവിഷബാധയേറ്റ് മരിച്ച സംഭവത്തിൽ വർഷം മുഴുവൻ ഫുഡ് സ്റ്റാളുകളിൽ മിന്നൽ പരിശോധന നടത്താൻ ഹൈക്കോടതി ഉത്തരവിട്ടു. ഇതിനായി തദ്ദേശ സ്വയംഭരണ സ്ഥാപനങ്ങളും ഭക്ഷ്യസുരക്ഷാ വകുപ്പും ഒരുമിച്ച് പ്രവർത്തിക്കണമെന്നും കോടതി നിർദ്ദേശിച്ചു.
കെ.എസ്.ആർ.ടി.സിക്ക് വിപണി വിലയ്ക്ക് ഡീസൽ നൽകാനുള്ള സിംഗിൾ ബെഞ്ചിന്റെ ഇടക്കാല ഉത്തരവ് റദ്ദാക്കിയ ഹൈക്കോടതി ഡിവിഷൻ ബെഞ്ചിനെതിരെ സർക്കാർ സുപ്രീംകോടതിയെ സമീപിക്കും. ഇടക്കാല ഉത്തരവ് റദ്ദാക്കണമെന്ന് ആവശ്യപ്പെട്ട് എണ്ണക്കമ്പനികൾ നൽകിയ അപ്പീലിലാണ് ഹൈക്കോടതി ഡിവിഷൻ ബെഞ്ച് വിധി പ്രസ്താവിച്ചത്.
തൃക്കാക്കരയിലെ ഇടത് സ്ഥാനാർത്ഥി നിർണയത്തിൽ മേജർ ആർച്ച് ബിഷപ്പ് കർദിനാൾ ജോർജ് ആലഞ്ചേരിക്കും സഭാ നേതൃത്വത്തിനും പങ്കുണ്ടെന്ന വാർത്തകൾ നിഷേധിച്ച് സഭാ നേതൃത്വം. ഇത് ചില നിക്ഷിപ്ത താൽപര്യക്കാരുടെ ബോധപൂർവ്വമായ പ്രചാരണമാണെന്നും വസ്തുതാപരമായി തെറ്റാണെന്നും സീറോ മലബാർ മീഡിയ കമ്മീഷൻ പറഞ്ഞു.