തൃക്കാക്കരയിലെ യു.ഡി.എഫ് സ്ഥാനാർത്ഥിയായ ഉമാ തോമസിന് തിരഞ്ഞെടുപ്പിൽ കെട്ടിവക്കാനുള്ള തുക ഡോ. എം.ലീലാവതി നൽകും. ഇന്ന് രാവിലെയാണ് ഉമ തോമസ് എം ലീലാവതിയെ വീട്ടിലെത്തി സൻദർശിച്ചത്. അപ്പോഴാണ് ലീലാവതി ടീച്ചര്‍ തിരഞ്ഞെടുപ്പിന് പണം നൽകുമെന്ന് പ്രഖ്യാപിച്ചത്.
വിപണി വിലയിൽ കെഎസ്ആർടിസിക്ക് ഇന്ധനം നൽകാനുള്ള ഉത്തരവ് റദ്ദാക്കിയ ഹൈക്കോടതി വിധിക്കെതിരെ സുപ്രിംകോടതിയിൽ കേരളം ഇന്ന് അപ്പീൽ നൽകിയേക്കും. പൊതുവിപണിയെക്കാൾ അധിക വില നൽകി കോർപ്പറേഷന് ഇന്ധനം വാങ്ങേണ്ട സ്ഥിതിയാണ്. ഡീസലിന് അധിക വില നൽകേണ്ടി വരുന്നതോടെ സാമ്പത്തിക പ്രതിസന്ധി കൂടുതൽ…
പാചക വാതക വില വീണ്ടും വർധിപ്പിച്ചു. ഗാർഹിക സിലിണ്ടറിന് 50 രൂപയാണ് വർധിപ്പിച്ചത്. പുതിയ വില 1,006.50 രൂപയാണ്. 14.2 കിലോഗ്രാം ഗാർഹിക സിലിണ്ടറിന് 956.50 രൂപയാണ് ഇപ്പോഴത്തെ വില. വാണിജ്യ സിലിണ്ടറുകളുടെ വില കഴിഞ്ഞയാഴ്ച വർദ്ധിപ്പിച്ചിരുന്നു.
കേരളത്തിലെ 110 ഹോട്ടലുകൾ അടച്ചുപൂട്ടാൻ ഉത്തരവ്. ഭക്ഷ്യസുരക്ഷാ വകുപ്പ് നടത്തിയ പരിശോധനയെ തുടർന്നാണ് നടപടി. ലൈസൻസോ രജിസ്ട്രേഷനോ ഇല്ലാത്ത 61 കടകളും 49 വൃത്തിഹീനമായ കടകളും ഉൾപ്പെടെ കേരളത്തിൽ 110 ഹോട്ടലുകളാണ് അടച്ചുപൂട്ടിയത്.
ദുബായിൽ ദുരൂഹസാഹചര്യത്തിൽ മരിച്ച വ്ളോഗർ റിഫ മെഹ്നുവിൻറെ മൃതദേഹം ശനിയാഴ്ച പുറത്തെടുത്ത് പോസ്റ്റ്മോർട്ടം നടത്തും. മാർച്ച് ഒന്നിന് പുലർച്ചെയാണ് റിഫയെ ദുബായിലെ ജാഫീലിയയിലെ വസതിയിൽ തൂങ്ങിമരിച്ച നിലയിൽ കണ്ടെത്തിയത്. മൃതദേഹം വീട്ടിലെത്തിച്ച് പുലർച്ചെ മൂന്ന് മണിയോടെ കബറടക്കുകയായിരുന്നു.
ഒരു സംസ്ഥാനത്തെ സംവരണം മറ്റൊരു സംസ്ഥാനത്തുള്ളവര്‍ക്ക് നല്‍കാനാകില്ലെന്ന സുപ്രധാന നിരീക്ഷണവുമായി സുപ്രിംകോടതി. ഇത് സംബന്ധിച്ച ഹൈക്കോടതി ഉത്തരവ് സുപ്രീം കോടതി ശരിവച്ചു. സംസ്ഥാനത്തെ മുസ്ലിം സംവരണത്തിലൂടെ കണ്ണൂർ സർവകലാശാലയിൽ നിയമിതനായ കർണാടക സ്വദേശിയുടെ നിയമനം ഹൈക്കോടതി റദ്ദാക്കിയിരുന്നു.
തൃക്കാക്കരയിലെ ഇടതുപക്ഷ സ്ഥാനാർത്ഥി നിർണയം സംശയാസ്പദമെന്ന് കെപിസിസി പ്രസിഡന്റ് കെ സുധാകരൻ. എല്ലാവർക്കും അറിയാവുന്ന അരുൺ കുമാറിനെ മാറ്റി ആർക്കും അറിയാത്ത ജോ ജോസഫിനെ മത്സരിപ്പിക്കുമ്പോൾ സംശയം തോന്നുമെന്ന് സുധാകരൻ പറഞ്ഞു.
സംസ്ഥാന സർക്കാരിനെതിരെ രൂക്ഷവിമർശനവുമായി ബിജെപി ദേശീയ അധ്യക്ഷൻ ജെപി നദ്ദ. പിണറായി സർക്കാർ ഇസ്ലാമിക തീവ്രവാദത്തെ സഹായിക്കുകയാണെന്നും കേരളം ഇസ്ലാമിക തീവ്രവാദത്തിന്റെ വിളനിലമായി മാറിയെന്നും നദ്ദ പറഞ്ഞു. കഴിഞ്ഞ 3 വർഷത്തിനിടെ നടന്ന 1019 കൊലപാതകങ്ങളിൽ 83 എണ്ണം സംഘടിത കൊലപാതകങ്ങളാണെന്നും…
ലൗ ജിഹാദ് വിവാദത്തിൽ കേരള സർക്കാരിനോട് റിപ്പോർട്ട് തേടി ദേശീയ ന്യൂനപക്ഷ കമ്മീഷൻ. സംസ്ഥാനത്ത് ലൗ ജിഹാദ് നടക്കുന്നുണ്ടെന്ന ആരോപണത്തിലാണ് ദേശീയ ന്യൂനപക്ഷ കമ്മീഷൻ സർക്കാരിനോട് റിപ്പോർട്ട് തേടിയിരിക്കുന്നത്.
സംസ്ഥാനത്ത് ഭക്ഷ്യസുരക്ഷാ വകുപ്പ് നടത്തുന്ന പരിശോധനയിൽ അപാകത കണ്ടെത്തിയാൽ വിട്ടുവീഴ്ചയ്ക്കില്ലെന്നും കർശന നടപടി സ്വീകരിക്കുമെന്നും ആരോഗ്യമന്ത്രി വീണാ ജോർജ്. ഭക്ഷ്യവസ്തുക്കളിലെ മായം കണ്ടെത്തുന്നതിനായി ‘നല്ല ഭക്ഷണം രാജ്യത്തിന്റെ അവകാശം’ എന്ന പേരിൽ ഭക്ഷ്യസുരക്ഷാ വകുപ്പ് പുതിയ കാമ്പയിൻ ആരംഭിച്ചു.