ഇടുക്കിയിൽ ചട്ടങ്ങൾ ലംഘിച്ച് പ്രവർത്തിച്ചിരുന്ന പത്ത് ഹോട്ടലുകൾ ഭക്ഷ്യസുരക്ഷാ വകുപ്പ് അടച്ചുപൂട്ടി. ജില്ലയിലെ വിവിധ സ്ഥലങ്ങളിൽ നടത്തിയ പരിശോധനയിൽ അരലക്ഷം രൂപ പിഴയും ചുമത്തി. വൃത്തിഹീനമായ അന്തരീക്ഷത്തിൽ പ്രവർത്തിക്കുകയും ലൈസൻസ് ഇല്ലാത്തതുമായ സ്ഥാപനങ്ങൾക്കെതിരെയാണ് നടപടി.
ഹജ്ജ് ക്വാട്ടയുടെ പേരിൽ പ്രധാനമന്ത്രി നരേന്ദ്ര മോദിയെ പുകഴ്ത്തിയ ബിജെപി നേതാവ് അബ്ലുല്ലക്കുട്ടിയുടെ പ്രസംഗത്തിനെതിരെ സമൂഹമാധ്യമങ്ങളിൽ ട്രോളുകൾ നിറയുന്നു. മോദിയുടെ ഇടപെടൽ കൊണ്ടാണ് കൂടുതൽ ആളുകള്‍ക്ക് ഹജ്ജ് നിര്‍വഹിക്കാൻ കഴിഞ്ഞതെന്നായിരുന്നു അബ്ലുല്ലക്കുട്ടി പറഞ്ഞത്.
ബി.ജെ.പി ദേശീയ അദ്ധ്യക്ഷൻ ജെ.പി നദ്ദയുടെ പ്രസ്താവന നിരുത്തരവാദപരമാണെന്ന് സി.പി.എം പി.ബി അംഗം എം.എ ബേബി പറഞ്ഞു. ഇസ്ലാമിക തീവ്രവാദികളെ സർക്കാർ സഹായിക്കുന്നുവെന്നത് വസ്തുതയല്ലെന്നും നദ്ദയുടെ പ്രസ്താവന തെളിയിക്കാൻ തെളിവുണ്ടെങ്കിൽ അത് പുറത്തുവിടട്ടെയെന്നും എം.എ ബേബി പറഞ്ഞു.
താൻ രാജിവെച്ചെന്ന വാർത്തകൾ തള്ളി സംസ്ഥാനത്തെ ഐ.ടി പാർക്കുകളുടെ സി.ഇ.ഒ ജോൺ എം തോമസ്. കരാർ കാലാവധി തീരുന്നതിന് മുമ്പ് രാജ്യം വിടാനുള്ള ആഗ്രഹം താൻ സർക്കാരിനെ അറിയിച്ചിട്ടുണ്ടെന്നും അദ്ദേഹം പറഞ്ഞു. യുഎസിലുള്ള കുടുംബത്തോടൊപ്പം ചേരാൻ പോകുകയാണെന്ന് ജോൺ എം തോമസ്…
ബംഗാൾ ഉൾക്കടലിൽ രൂപം കൊണ്ട ന്യൂനമർദ്ദം ശക്തി പ്രാപിക്കുന്നതായി കേന്ദ്ര കാലാവസ്ഥാ വകുപ്പ് അറിയിച്ചു. തെക്ക് കിഴക്കൻ ബംഗാൾ ഉൾകടലിൽ രൂപപ്പെട്ട ന്യുന മർദ്ദം, ശക്തി കൂടിയ ന്യുനമർദ്ദമായി മാറിയതായും കാലാവസ്ഥാ നിരീക്ഷണ കേന്ദ്രം വ്യക്തമാക്കി.
സംസ്ഥാനത്ത് ഗാർഹിക ലൈംഗിക പീഡനം കുറയുന്നു. 2019-2020 വർഷത്തെ കുടുംബാരോഗ്യ സർവ്വേയെ അടിസ്ഥാനമാക്കിയാണ് ഈ വിവരങ്ങൾ. കേന്ദ്ര സർക്കാരിന്റെ അഞ്ചാമത്തെ കുടുംബാരോഗ്യ സർവ്വേ റിപ്പോർട്ടാണ് ഇപ്പോൾ പുറത്തുവന്നിരിക്കുന്നത്. നാലാമത്തെ കുടുംബാരോഗ്യ സർവ്വേ 2015-16 കാലയളവിൽ പുറത്തിറക്കിയിരുന്നു.
കോൺഗ്രസിൽ സമൂല മാറ്റം വേണമെന്ന് മുൻ പ്രതിപക്ഷ നേതാവും എംഎൽഎയുമായ രമേശ് ചെന്നിത്തല. രാജസ്ഥാനിൽ ആരംഭിക്കുന്ന ചിന്തന്‍ ശിബിരിന്റെ ഭാഗമായി ഡൽഹിയിൽ ചേർന്ന ഉപസമിതി യോഗത്തിലാണ് ചെന്നിത്തല ഈ നിർദ്ദേശം മുന്നോട്ടുവച്ചത്. മുകുള്‍ വാസ്നിക് നേതൃത്വം നല്‍കുന്ന ഉപസമിതിയിലെ അംഗമാണ് അദ്ദേഹം.
താര സംഘടന അമ്മയില്‍ നിന്ന് രാജിവെക്കുന്നുവെന്നത് ഉറച്ച തീരുമാനമെന്ന് നടന്‍ ഹരീഷ് പേരടി. ‘അമ്മ’യ്ക്കുള്ളില്‍ നിന്നുകൊണ്ട് പോരാടാം എന്നത് ഭംഗിവാക്ക് മാത്രമാണെന്നും അങ്ങനെയുള്ള പോരാട്ടം സംഘടനയ്ക്കുള്ളിൽ നിന്നുകൊണ്ട് സാധ്യമാകില്ലെന്നും ഹരീഷ് പേരടി പറഞ്ഞു.
എൽഡിഎഫ് സ്ഥാനാർത്ഥിയെ ചുറ്റിപ്പറ്റിയുള്ള വിവാദങ്ങളിൽ പ്രതികരണവുമായി സിപിഎം പോളിറ്റ് ബ്യൂറോ അംഗം എ വിജയരാഘവൻ. ജോ ജോസഫ് സിപിഐഎം അംഗമാണെന്നും ഒന്നും പറയാനില്ലാത്തതിനാലാണ് സഭയുമായി ബന്ധപ്പെട്ട ആരോപണങ്ങൾ ഉന്നയിക്കുന്നതെന്നും അദ്ദേഹം ആരോപിച്ചു.
തൃക്കാക്കര ഉപതിരഞ്ഞെടുപ്പിലെ എൽ.ഡി.എഫ് സ്ഥാനാർത്ഥി നിർണയവുമായി ബന്ധപ്പെട്ട വിവാദങ്ങളിൽ കോൺഗ്രസിനെതിരെ രൂക്ഷവിമർശനവുമായി പി.വി അൻവർ എം.എൽ.എ. ആറൻമുളയിൽ പ്രയോഗിച്ച അതേ തന്ത്രങ്ങളാണ് തൃക്കാക്കരയിലും യു.ഡി.എഫ് ഇപ്പോൾ പ്രയോഗിക്കുന്നതെന്ന് അൻവർ ആരോപിച്ചു.