തൃക്കാക്കര ഉപതെരഞ്ഞെടുപ്പിൽ ബിജെപി സ്ഥാനാർഥിയായി എ എൻ രാധാകൃഷ്ണനെ പ്രഖ്യാപിച്ചു. എ എൻ രാധാകൃഷ്ണൻ ബിജെപി സംസ്ഥാന വൈസ് പ്രസിഡന്‍റാണ്. ശക്തമായ പോരാട്ടം ലക്ഷ്യമിട്ടാണ് സംസ്ഥാനത്തെ മുതിർന്ന നേതാവിനെ തന്നെ ബിജെപി ഉപതെരഞ്ഞെടുപ്പിൽ സ്ഥാനാർഥിയായി നിയോഗിച്ചതെന്ന് കരുതപ്പെടുന്നു.
നീലഗിരിയിലെ കുടിവെള്ളം ഇനി ഗ്ലാസ് കുപ്പികളിലായിരിക്കും. ജില്ലയെ പ്ലാസ്റ്റിക് മുക്തമാക്കുന്നതിന്റെ ഭാഗമായാണ് പ്ലാസ്റ്റിക് കുടിവെള്ള കുപ്പികൾ നീക്കം ചെയ്യുന്നത്. പ്ലാസ്റ്റിക് മാലിന്യങ്ങൾ പരിസ്ഥിതിക്ക് ഭീഷണിയാണ്. ഇതോടെ ജില്ലയിലുടനീളം പ്ലാസ്റ്റിക്കിന്റെ ഉപയോഗം ജില്ലാ ഭരണകൂടം നിരോധിച്ചു.
റിഫ മെഹ്നുവിൻറെ മരണത്തിലെ ദുരൂഹത നീക്കാനുള്ള അടുത്ത നീക്കത്തിലാണ് അന്വേഷണ സംഘം. പോസ്റ്റുമോർട്ടം റിപ്പോർട്ടിന്റെ പ്രാഥമിക വിവരങ്ങൾ തിങ്കളാഴ്ചയോടെ പൊലീസിന് ലഭിക്കും. കോഴിക്കോട് മെഡിക്കൽ കോളേജിലെ പോസ്റ്റുമോർട്ടത്തിന് ശേഷം റിഫയുടെ ആന്തരികാവയവങ്ങൾ രാസപരിശോധനയ്ക്ക് അയച്ചിട്ടുണ്ട്.
കല്ലറയിൽ മീൻ കഴിച്ച ഒരു കുടുംബത്തിലെ മൂന്ന് പേരെ ആശുപത്രിയിൽ പ്രവേശിപ്പിച്ചു. പഴയ മാർക്കറ്റിൽ നിന്ന് വാങ്ങിയ മത്സ്യം കഴിച്ച് അവശരായവരെയാണ് ആശുപത്രിയിൽ പ്രവേശിപ്പിച്ചത്.ആരോഗ്യ വകുപ്പിനെ അറിയിച്ചിട്ടും ഇവർ സ്ഥലത്തെത്തിയില്ലെന്നും പരാതിയുണ്ട്.
തൃക്കാക്കര ഉപതിരഞ്ഞെടുപ്പിലെ സ്ഥാനാർത്ഥിയെ ഔദ്യോഗികമായി പ്രഖ്യാപിക്കുന്നതിന് മുമ്പ് തന്നെ ബിജെപി പ്രചാരണം തുടങ്ങി. എ എൻ രാധാകൃഷ്ണന് പ്രചാരണം ആരംഭിക്കാൻ പാർട്ടി നേതൃത്വം നിർദേശം നൽകിയതായാണ് വിവരം. കേന്ദ്രതീരുമാനം വൈകുന്ന പശ്ചാത്തലത്തിലാണ് പാർട്ടി സംസ്ഥാന നേതൃത്വത്തിൻ്റെ നിർദേശം.
ദുരൂഹസാഹചര്യത്തിൽ മരിച്ച വ്ളോഗർ റിഫാ മെഹ്നുവിന്റെ മൃതദേഹം പോസ്റ്റുമോർട്ടത്തിന് ശേഷം പാവണ്ടൂർ ജുമാമസ്ജിദ് സ്മാശാനത്തിൽ ഖബറടക്കി. ഫോറൻസിക് വിഭാഗം മേധാവി ഡോ.ലിസയുടെ നേതൃത്വത്തിലായിരുന്നു പോസ്റ്റ്മോർട്ടം. മാർച്ച് ഒന്നിനാണ് റിഫയെ ദുബായിലെ ഫ്ളാറ്റിൽ മരിച്ച നിലയിൽ കണ്ടെത്തിയത്.
ലൈഫ് പദ്ധതി പ്രകാരം ഇതുവരെ 2,79,465 വീടുകൾ നിർമ്മിച്ചതായി തദ്ദേശ സ്വയംഭരണ, എക്സൈസ് വകുപ്പ് മന്ത്രി എം വി ഗോവിന്ദൻ. ജനറൽ വിഭാഗത്തിൽ 1,81,118 വീടുകളും പട്ടികജാതി വിഭാഗത്തിൽ 66,665 വീടുകളും പട്ടികവർഗ വിഭാഗത്തിൽ 25,015 വീടുകളും നിർമിച്ചുനൽകിയിട്ടുണ്ട്.
ബിവറേജസ് കോർപ്പറേഷനിൽ ബയോമെട്രിക് പഞ്ചിംഗ് ഏർപ്പെടുത്തി ഉത്തരവിറക്കി. കോർപ്പറേഷൻറെ ആസ്ഥാന മന്ദിരത്തിലാണ് ഇത് ആദ്യം നടപ്പാക്കിയത്. 270 കടകളിലും 23 വെയർഹൗസുകളിലും മെഷീൻ സ്ഥാപിക്കുന്നതിനുള്ള ജോലികൾ പുരോഗമിക്കുകയാണെന്ന് അധികൃതർ അറിയിച്ചു.
പ്രളയത്തിൽ നിന്ന് ജില്ലയെ രക്ഷിക്കാൻ രൂപകൽപ്പന ചെയ്ത ഓപ്പറേഷൻ ജലധാര പദ്ധതിയുടെ പൂർത്തീകരണം മെയ് 15ന് മുമ്പ് പൂർത്തിയാക്കണമെന്ന് തിരുവനന്തപുരം ജില്ലാ കളക്ടർ നവജ്യോത് ഖോസ നിർദ്ദേശം നൽകി. ജില്ലയിലെ പ്രധാന നദികളിൽ കാലവർഷത്തിന് മുന്നോടിയായി അടിഞ്ഞുകൂടിയ ചെളിയും മറ്റ് അവശിഷ്ടങ്ങളും…
കാസർകോട് ചെറുവത്തൂരിൽ നിന്ന് ശേഖരിച്ച ഷവർമ സാമ്പിളിന്റെ ഭക്ഷ്യസുരക്ഷാ പരിശോധനാ ഫലം പ്രസിദ്ധീകരിച്ചു. ചിക്കൻ ഷവർമയിൽ സാൽമൊണെല്ല, ഷിഗെല്ല എന്നീ രോഗകാരികളുടെയും കുരുമുളക് പൊടിയിൽ സാൽമൊണെല്ലയുടെയും സാന്നിദ്ധ്യം കണ്ടെത്തിയതായി ആരോഗ്യമന്ത്രി വീണാ ജോർജ് പറഞ്ഞു.