ഒരു സർവകലാശാലയ്ക്ക് നന്നായി പ്രവർത്തിക്കാൻ അറിയില്ലേയെന്ന് സുപ്രീം കോടതി. ജസ്റ്റിസ് യു യു ലളിത് അധ്യക്ഷനായ ബെഞ്ചാണ് മഹാത്മാഗാന്ധി സർവകലാശാലയോട് ഇക്കാര്യം ചോദിച്ചത്. വളഞ്ഞ വഴിയിലൂടെ ജീവനക്കാരെ പിരിച്ചു വിടാനാണ് സർവകലാശാല ശ്രമിക്കുന്നതെന്ന് സുപ്രീം കോടതി ആരോപിച്ചു.
അസാനി ചുഴലിക്കാറ്റ് ആന്ധ്രാ തീരത്തോട് അടുക്കുമ്പോൾ കേരളത്തിലും മഴ കനക്കുന്നു. കോട്ടയം, എറണാകുളം, ഇടുക്കി, മലപ്പുറം ജില്ലകളിൽ 12നും ആലപ്പുഴ, എറണാകുളം, ഇടുക്കി ജില്ലകളിൽ 13നും കാലാവസ്ഥ വകുപ്പ് യെല്ലോ അലേർട്ട് പ്രഖ്യാപിച്ചു. സംസ്ഥാനത്ത് ഒറ്റപ്പെട്ട കനത്ത മഴയാണ് പ്രവചിച്ചിരിക്കുന്നത്.
പെൺകുട്ടിയെ സമസ്ത വേദിയിൽ നിന്ന് വിലക്കിയ സംഭവത്തെ വിമർശിച്ച് മാത്യു. ടി. തോമസ് എം.എൽ.എ. പെൺകുട്ടിയായത് കൊണ്ട് മാത്രം ഇത്തരം മ്ളേച്ഛത പാടേണ്ടതുണ്ടോയെന്നും ആ കുഞ്ഞു മനസ്സ് വേദനിച്ചില്ലേയെന്നും എം.എൽ.എ ഫേസ്ബുക്ക് പോസ്റ്റിൽ ചോദിച്ചു.
സമസ്ത വേദിയില്‍ വിദ്യാര്‍ഥിനിയെ അപമാനിച്ച സംഭവത്തിൽ പ്രതികരിച്ച് വനിതാ കമ്മീഷൻ ചെയർപേഴ്സൺ അഡ്വ.പി.സതിദേവി. പഠന മികവിനുള്ള പുരസ്കാരം സ്വീകരിക്കുന്നതിൽ നിന്ന് പെൺകുട്ടിയെ വിലക്കാനുള്ള മതനേതൃത്വത്തിന്റെ നീക്കം ഒരു പരിഷ്കൃത സമൂഹത്തിൻ യോജിച്ചതല്ലെന്ന് അവർ പറഞ്ഞു.
പോക്സോ കേസിലെ പ്രതിയും മുനിസിപ്പൽ കൗൺസിലറുമായ കെ വി ശശികുമാറിനെതിരെ കൂടുതൽ ആരോപണങ്ങളുമായി പൂർവവിദ്യാർഥി സംഘടന. കൂടുതൽ വിദ്യാർത്ഥികൾ ആരോപണവുമായി രംഗത്തെത്തിയതായി സംഘടനാ പ്രതിനിധികൾ വാർത്താസമ്മേളനത്തിൽ പറഞ്ഞു. ആരോപണത്തെ തുടർന്ന് ഇയാളെ ബ്രാഞ്ച് അംഗത്വത്തിൽ നിന്ന് സിപിഎം സസ്പെൻഡ് ചെയ്തു.
ഹോട്ടലുകളിലും സ്ഥാപനങ്ങളിലും ഭക്ഷ്യപരിശോധന തുടരുമെന്ന് ആരോഗ്യമന്ത്രി വീണാ ജോർജ്. ജ്യൂസ് കടകളിൽ പ്രത്യേക പരിശോധന നടത്തുമെന്നും ആരോഗ്യ സ്ക്വാഡിന്റെ അവലോകന യോഗം ചേരുമെന്നും ചെക്ക് പോസ്റ്റുകളിൽ ശക്തമായ പരിശോധനയാണ് നടക്കുന്നതെന്നും മന്ത്രി പറഞ്ഞു.
ഇന്ത്യയിൽ വയാകോം 18 ലാലിഗ വ്യൂവർഷിപ്പിൽ ഏറ്റവും മുന്നിൽ കേരളമെന്ന് ലാലിഗ അധികൃതർ. ലാലിഗയിലെ മൊത്തം ഇന്ത്യൻ പ്രേക്ഷകരുടെ 23 ശതമാനവും കേരളത്തിൽ നിന്നുള്ളവരാണ്. ലാലിഗ മത്സരങ്ങളുടെ തത്സമയ കവറേജിൻറെ 42 ശതമാനവും കേരളത്തിൽ നിന്നാണ്.
തൃശൂർ പൂരത്തിന്റെ ഭാഗമായുള്ള വെടിക്കെട്ട് വീണ്ടും മാറ്റിവെച്ചു. തൃശ്ശൂർ നഗരത്തിൽ കനത്ത മഴ തുടരുന്ന സാഹചര്യത്തിലാണ് വെടിക്കെട്ട് മാറ്റിയത്. ഞായറാഴ്ച വൈകീട്ട് വെടിക്കെട്ട് നടത്താൻ കഴിയുമോ എന്നാണ് ഇപ്പോൾ പരിശോധിക്കുന്നത്. ബുധനാഴ്ച വൈകിട്ട് 7 മണിക്ക് നടത്താനായിരുന്നു നേരത്തെ തീരുമാനിച്ചിരുന്നത്.
ഞായറാഴ്ച വരെ സംസ്ഥാനത്ത് ഒറ്റപ്പെട്ട കനത്ത മഴ തുടരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് ആറ് ജില്ലകളിലും നാളെ നാല് ജില്ലകളിലും യെല്ലോ അലർട്ട് പ്രഖ്യാപിച്ചു. ഇടിമിന്നലിനും ശക്തമായ കാറ്റിനും സാധ്യതയുണ്ട്. അതേസമയം,ആന്ധ്രാപ്രദേശ് തീരത്തേക്ക് നീങ്ങുന്ന അസനി ചുഴലിക്കാറ്റിന്റെ ശക്തി…
ഇന്ത്യൻ ബാസ്കറ്റ്ബോൾ താരം കെ സി ലിതാരയുടെ മരണത്തിൽ സിബിഐ അന്വേഷണം ആവശ്യപ്പെട്ട് പട്ന ഹൈക്കോടതിയിൽ ഹർജി. ഹൈക്കോടതിയുടെ മേൽനോട്ടത്തിൽ അന്വേഷണം വേണമെന്നതാണ് ആവശ്യം. കോച്ച് രവി സിങ്ങിന്റെ ശാരീരികവും മാനസികവുമായ പീഡനത്തെ തുടർന്നാണ് ലിതാര ആത്മഹത്യ ചെയ്തതെന്നാണ് ഹർജിയിലെ ആരോപണം.