തൃക്കാക്കര ഉപതിരഞ്ഞെടുപ്പിൽ ഇടത് പക്ഷത്തെ പിന്തുണയ്ക്കുമെന്നും എൽഡിഎഫ് സ്ഥാനാർത്ഥി ജോ ജോസഫിന് വേണ്ടി പ്രചാരണത്തിനിറങ്ങുമെന്നും പറഞ്ഞ കെ വി തോമസിനെ വിമർശിച്ച് പത്മജ വേണുഗോപാൽ. തോമസിനെ അടുത്തറിയുന്ന ഒരു വ്യക്തിയെന്ന നിലയിൽ ഇങ്ങനെ പെരുമാറിയതിൽ തനിക്ക് അതിശയിക്കാനില്ലെന്ന് പത്മജ പറഞ്ഞു.
രാഷ്ട്രീയ പാർട്ടികളുടെ ഇടപെടലാണ് ജാതിയും മതവും എല്ലാവരിലേക്കും എത്തിക്കുന്നതെന്നും പ്രശ്നങ്ങൾ സൃഷ്ടിക്കുന്നതെന്നും മല്ലിക സുകുമാരൻ. താനൊരു കോൺഗ്രസുകാരി ആണെന്നും. എന്നാൽ, മുൻകാലങ്ങളിൽ പറഞ്ഞതുപോലെ കോൺഗ്രസ് ഒരു “മഹത്തായ പ്രസ്ഥാനം” ആണെന്ന് തനിക്ക് അഭിപ്രായമില്ലെന്നും മല്ലിക പറഞ്ഞു.
കെ.എസ്.ആർ.ടി.സിയിലെ ശമ്പള പ്രതിസന്ധിയിൽ മുഖ്യമന്ത്രി പിണറായി വിജയൻ ഇടപെടണമെന്ന ആവശ്യം യൂണിയനുകൾ ശക്തമാക്കി. കെ.എസ്.ആർ.ടി.സിയിലെ പ്രശ്നങ്ങൾ പരിഹരിക്കേണ്ട ചുമതലയുള്ള ഗതാഗത മന്ത്രി ആ ഉത്തരവാദിത്തം മറന്നിട്ടുണ്ടെങ്കിൽ മുഖ്യമന്ത്രി തൻ്റെ കടമ നിറവേറ്റണമെന്ന് ഐ.എൻ.ടി.യു.സി ആവശ്യപ്പെട്ടു.
മണിക്കൂറുകള്‍ നീണ്ട രക്ഷാപ്രവര്‍ത്തനം വിഫലം. കൊല്ലം തഴുത്തലയില്‍ കിണറ്റില്‍ കുടുങ്ങിയ മുട്ടക്കാവ് സ്വദേശി സുധീറിനെ രക്ഷിക്കാനായില്ല. 25 മണിക്കൂറോളം നീണ്ട പരിശ്രമത്തിനൊടുവില്‍ വ്യാഴാഴ്ച ഉച്ചയ്ക്കു ശേഷം രണ്ടുമണിയോടെ മൃതദേഹം പുറത്തെടുത്തു.
പി.സി ജോർജിനെ വെണ്ണലയിലെ പ്രസംഗത്തിന് ക്ഷണിച്ചതിൽ ഗൂഡാലോചനയുണ്ടെന്ന് കൊച്ചി കമ്മിഷണർ സി.എച്ച് നാഗരാജു. നിലവിൽ ഒരു സംഭവം ഉണ്ടായിരിക്കെ അത് ആവർത്തിക്കാൻ സാധ്യതയുണ്ടെന്ന് അറിഞ്ഞാണ് പ്രസംഗത്തിലേക്ക് ക്ഷണിച്ചതെന്നും സംഭവത്തിൽ കൂടുതൽ അന്വേഷണം ആവശ്യമാണെന്നും അദ്ദേഹം പറഞ്ഞു.
പൊതുചടങ്ങിൽ അവാർഡ് വിതരണം ചെയ്യാൻ പത്താംക്ലാസ് വിദ്യാർത്ഥിയെ ക്ഷണിച്ചതിലുള്ള സമസ്ത നേതാവിൻറെ പ്രതികരണത്തെ അപലപിച്ച് ആരോഗ്യമന്ത്രി വീണാ ജോർജ്. ഈ നടപടി ഒരു പരിഷ്കൃത സമൂഹത്തിൻ യോജിച്ചതല്ലെന്നും പെൺകുട്ടിയുടെ അംഗീകാരം വാങ്ങേണ്ടത് അവരാണെന്നും മറ്റാരും അത് വാങ്ങരുതെന്നും മന്ത്രി പറഞ്ഞു.
പത്താംക്ലാസ് വിദ്യാർത്ഥിയെ പൊതുവേദിയിൽ അവാർഡ് നൽകാൻ ക്ഷണിച്ചത്തിനെതിരെ സമസ്ത നേതാവ് പ്രതികരിച്ച സംഭവത്തിൽ നേതാവിനെതിരെ ബാലാവകാശ കമ്മീഷൻ കേസെടുത്തു. പരിപാടിയുടെ സംഘാടകൻ എന്ന നിലയിൽ സമസ്ത സെക്രട്ടറിയോട് രണ്ടാഴ്ചയ്ക്കകം വിശദീകരണം നൽകാൻ കമ്മീഷൻ ആവശ്യപ്പെട്ടിട്ടുണ്ട്.
സ്റ്റേജിൽ പെൺകുട്ടിയെ അപമാനിച്ച സമസ്തയ്ക്കെതിരെ രൂക്ഷവിമർശനവുമായി ഗവർണർ ആരിഫ് മുഹമ്മദ് ഖാൻ. പെൺകുട്ടിയെ സ്റ്റേജിലേക്ക് വിളിച്ചുവരുത്തി അപമാനിച്ചുവെന്നും ഇതിനെതിരെ നടപടിയെടുക്കണമെന്നും പ്രതികരിക്കാത്ത രാഷ്ട്രീയ നേതാക്കളെ ഓർത്ത് ലജ്ജിക്കുന്നുവെന്നും അദ്ദേഹം പറഞ്ഞു.
മാവേലിക്കര ആത്മബോധോദയ സംഘം സംഘടിപ്പിച്ച പരിപാടിയിൽ ആരോഗ്യമന്ത്രി വീണാ ജോർജ് വേദി മാറിയെത്തി. മാവേലിക്കര കൊറ്റാർക്കാവ് പരിപാടിക്ക് പകരം ഗോവ ഗവർണർ പി.എസ്. ശ്രീധരൻ പിള്ള ഉദ്ഘാടനം ചെയ്ത ചെറുകോലിലെ പരിപാടിയിലേക്കാണ് മന്ത്രി വീണാ ജോർജിനെ പൊലീസ് സംഘം എത്തിച്ചത്.
കൊല്ലം കൊട്ടിയം തഴുത്തലയിൽ കിണറ്റിൽ കുടുങ്ങിയ തൊഴിലാളിയെ കണ്ടെത്തി. മുട്ടക്കാവ് സ്വദേശി സുധീറാണ് ഇന്നലെ ഉച്ചയോടെ കിണറ്റിനുള്ളിൽ കുടുങ്ങിയത്. ഇയാളുടെ ആരോഗ്യനില പരിശോധിച്ചു വരികയാണ്.കിണറ്റിൽ റിംഗ് ഇറക്കുന്നതിനിടെയുണ്ടായ അപകടത്തിൽ സുധീർ കിണറ്റിനുള്ളിൽ കുടുങ്ങുകയായിരുന്നു.