തൃക്കാക്കരയിലെ എൻഡിഎ സ്ഥാനാർത്ഥി എഎൻ രാധാകൃഷ്ണന് വേണ്ടി സജീവമായി പ്രചാരണത്തിനിറങ്ങുമെന്ന് ശോഭാ സുരേന്ദ്രൻ. ഒരു വർഷത്തിലേറെയായി ബിജെപി സംസ്ഥാന നേതൃത്വവുമായി ഇടഞ്ഞ് നിൽക്കുന്ന ശോഭാ സുരേന്ദ്രൻ ബിജെപി സംസ്ഥാന ഭാരവാഹികളുടെ യോഗത്തിൽ പങ്കെടുക്കാൻ കൊച്ചിയിൽ എത്തിയപ്പോഴായിരുന്നു പ്രതികരണം.
സംസ്ഥാനത്ത് സ്വർണ വിലയിൽ ഇന്ന് ഇടിവ്. ഇന്നലെ പവൻ 360 രൂപയോളം ഉയർന്ന സ്വർണ വില ഇന്ന് കുത്തനെ ഇടിഞ്ഞു. ഒരു ദിവസം കൊണ്ട് 600 രൂപയാണ് വില കുറഞ്ഞത്. ഇതോടെ ഒരു പവൻ സ്വർണത്തിന്റെ വിപണി വില 37,160 രൂപയായി…
കല്ലുവാതുക്കൽ മദ്യദുരന്തക്കേസിലെ പ്രതി മണിച്ചനെ മോചിപ്പിക്കാൻ സർക്കാർ ഗവർണറോട് ശുപാർശ ചെയ്തു. ഗവർണർ അനുമതി നൽകിയാൽ മദ്യദുരന്തക്കേസിലെ പ്രതികൾ ജയിൽ മോചിതനാകും. മണിച്ചനിൽ നിന്ന് പ്രതിമാസ അലവൻസ് വാങ്ങിയതുമായി ബന്ധപ്പെട്ട് രാഷ്ട്രീയ നേതാക്കൾക്കും ഉദ്യോഗസ്ഥർക്കുമെതിരെ ആരോപണങ്ങൾ ഉയർന്നിരുന്നു.
ദുബായിൽ ദുരൂഹസാഹചര്യത്തിൽ മരിച്ച വ്ലോഗറും ആൽബം താരവുമായ റിഫ മെഹ്നുവിൻറെ ഭർത്താവ് മെഹ്നാസിനെതിരെ ലുക്കൗട്ട് നോട്ടീസ് പുറപ്പെടുവിച്ചു. ആവർത്തിച്ച് ആവശ്യപ്പെട്ടിട്ടും ഇയാൾ ഹാജരായില്ലെന്ന് പൊലീസ് പറഞ്ഞു. മെഹ്നാസിനെതിരെ ജാമ്യമില്ലാ വകുപ്പുകൾ പ്രകാരമാണ് കേസെടുത്തിരിക്കുന്നത്.
സമസ്ത വേദിയിൽ പെൺകുട്ടിയെ അപമാനിച്ച സംഭവം കേരളത്തിന അപമാനകരമാണെന്ന് കേന്ദ്ര വിദേശകാര്യ സഹമന്ത്രി വി മുരളീധരൻ. ഇങ്ങനെയൊരു സംഭവം ഉണ്ടായിട്ടും മുഖ്യമന്ത്രിയോ വിദ്യാഭ്യാസ മന്ത്രിയോ കെ.പി.സി.സി പ്രസിഡന്റോ എന്തുകൊണ്ട് ശബ്ദമുയർത്തിയില്ലെന്ന് വി.മുരളീധരൻ ചോദിച്ചു.
കെ.വി തോമസിനെ പുറത്താക്കിയത് മനപ്പൂർവ്വം എടുത്ത തീരുമാനമെന്ന് കോൺഗ്രസ്സ് ദേശീയ ജനറൽ സെക്രട്ടറി കെ.സി വേണുഗോപാൽ. കോൺഗ്രസ്സ് അദ്ദേഹത്തോടൊപ്പം ഇല്ലെങ്കിൽ എന്താണ് കെ വി തോമസ് എന്നും അത് വരും ദിവസങ്ങളിൽ മനസ്സിലാകുമെന്നും വേണുഗോപാൽ പറഞ്ഞു.
തന്നെ കോൺഗ്രസിൽ നിന്ന് പുറത്താക്കിയതായി അറിയിപ്പ് ലഭിച്ചിട്ടില്ലെന്ന് കെ.വി തോമസ്. പാർട്ടിയിൽ നിന്ന് പുറത്താക്കാൻ ഒരു സംവിധാനമുണ്ടെന്നും അത് തീരുമാനിക്കേണ്ടത് എഐസിസിയാണെന്നും ഞാൻ ഇപ്പോഴും എഐസിസിയിലും കെപിസിസിയിലും ഉണ്ടെന്നും അദ്ദേഹം പറഞ്ഞു.
മോൻസൺ മാവുങ്കലിനെതിരായ കേസിൽ ചോദ്യം ചെയ്യലിന് ഹാജരാകാൻ നടൻ മോഹൻലാലിന് ഇ ഡി നോട്ടീസ് അയച്ചു. പുരാവസ്തു തട്ടിപ്പിലൂടെ കോടിക്കണക്കിന് രൂപ തട്ടിയെടുത്തയാളാണ് മോൺസൺ. ഇ.ഡി. കൊച്ചി റീജിയണൽ ഓഫീസിൽ അടുത്തയാഴ്ച ഹാജരാകണം. മോൻസൺ കേസിന് പുറമെ മറ്റൊരു കേസിലും മോഹൻലാലിന്റെ…
കഴിഞ്ഞ തവണ ചെയ്ത തെറ്റ് തിരുത്താൻ തൃക്കാക്കരയിലെ ജനങ്ങൾക്ക് അവസരം ലഭിച്ചുവെന്ന് പറഞ്ഞ മുഖ്യമന്ത്രി പിണറായി വിജയനെതിരെ രൂക്ഷവിമർശനവുമായി കോൺഗ്രസ്. പി.ടി.യുടെ നാവിന്റെ ചൂട് അറിഞ്ഞത് കൊണ്ടാണ് പിണറായിക്ക് അങ്ങനെ തോന്നിയത് എന്ന് രാഹുൽ മാങ്കൂട്ടത്തിൽ പ്രതികരിച്ചു.
ഒറ്റമൂലിയുടെ രഹസ്യം തട്ടിയെടുക്കാൻ നാട്ടു വൈദ്യനെ കൊലപ്പെടുത്തിയ കേസിലെ മുഖ്യപ്രതി ഷൈബിൻ അഷ്റഫിന്റെ ഭാര്യയും പ്രതിയാകാൻ സാധ്യത. വൈദ്യൻ ഷബ ഷെരീഫിനെ കൊലപ്പെടുത്തിയ ദിവസം താൻ വീട്ടിലുണ്ടായിരുന്നതായി ഭാര്യ പൊലീസിനോട് പറഞ്ഞു.