കോഴിക്കോട് പറമ്പിൽ ബസാറിലെ മോഡൽ ഷഹാനയുടെ മരണവുമായി ബന്ധപ്പെട്ട് അറസ്റ്റിലായ ഭർത്താവ് സജാദിനെ ഇന്ന് കോടതിയിൽ ഹാജരാക്കും. അതിനുശേഷം പ്രതികളുമായി പൊലീസ് തെളിവെടുപ്പ് നടത്തിയേക്കും. ലൈംഗിക പീഡനം, ആത്മഹത്യാ പ്രേരണ എന്നീ കുറ്റങ്ങൾ ചുമത്തിയാണ് സജാദിനെ അറസ്റ്റ് ചെയ്തത്
500 രൂപയ്ക്ക് മുകളിലുള്ള കുടിവെള്ള ബില്ലുകൾ ജൂൺ 15ന് ശേഷം ഓൺലൈനായി അടച്ചാൽ മതിയെന്ന് കേരള വാട്ടർ അതോറിറ്റി അറിയിച്ചു. ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിൻറെ ഭാഗമായാണ് തീരുമാനം. യുപിഐ ആപ്ലിക്കേഷനുകൾ വഴിയും അക്ഷയ കേന്ദ്രങ്ങൾ വഴിയും കുടിവെള്ള ചാർജ് ഓൺലൈനായി അടയ്ക്കാം.
5,000 കോടി രൂപ വരെ താൽക്കാലിക വായ്പ എടുക്കാൻ സംസ്ഥാനത്തിന് കേന്ദ്ര ധനമന്ത്രാലയം അനുമതി നൽകി. ഇതോടെ സംസ്ഥാനം നേരിടുന്ന സാമ്പത്തിക പ്രതിസന്ധിക്ക് താൽക്കാലിക പരിഹാരമുണ്ടാകും. അഡ്ഹോക് ബോറോയിങ്ങ് എന്നറിയപ്പെടുന്ന ഈ രീതിയിലൂടെ എടുത്ത വായ്പ പിന്നീട് വായ്പാ പരിധി നിശ്ചയിക്കുമ്പോൾ…
സാമുദായിക സംഘർഷങ്ങൾ തടയാൻ അതീവ ജാഗ്രത പുലർത്തണമെന്ന് സംസ്ഥാന പോലീസ് മേധാവി അനിൽകാന്ത്. സാമുദായിക സംഘർഷവും മതസ്പർദ്ധയും വളർത്തുന്ന തരത്തിൽ സോഷ്യൽ മീഡിയയിൽ സന്ദേശങ്ങൾ പ്രചരിപ്പിക്കുന്നത് തടയണം. ഇത്തരക്കാരെ കണ്ടെത്തി നിയമനടപടികൾ സ്വീകരിക്കാൻ ജില്ലാ പോലീസ് മേധാവിമാർ ശ്രദ്ധിക്കണമെന്നും അദ്ദേഹം പറഞ്ഞു.
ട്വൻറി-20 സംഘടിപ്പിക്കുന്ന പൊതുയോഗത്തിൽ പങ്കെടുക്കാൻ ഡൽഹി മുഖ്യമന്ത്രി അരവിന്ദ് കെജ്രിവാൾ ശനിയാഴ്ച കേരളത്തിലെത്തും. ശനിയാഴ്ച രാത്രി 7.10ന് എയർ വിസ്താര വിമാനത്തിലാണ് കെജ്രിവാൾ കൊച്ചിയിലെത്തുക. ഞായറാഴ്ച വൈകീട്ട് കിഴക്കമ്പലത്തെ ട്വൻറി-20 ഭക്ഷ്യ സുരക്ഷാ മാർക്കറ്റും ഗോഡ്സ് വില്ലയും അദ്ദേഹം സന്ദർശിക്കും.
മോഡൽ ഷഹാനയുടേത് തൂങ്ങിമരണം തന്നെയെന്ന് പോസ്റ്റ്‌മോർട്ടത്തിൽ പ്രാഥമിക നിഗമനം. രാസപരിശോധനയ്ക്കായി സാമ്പിളുകൾ ശേഖരിച്ച ശേഷം ഷഹാനയുടെ മൃതദേഹം ബന്ധുക്കൾക്ക് കൈമാറി. സംഭവവുമായി ബന്ധപ്പെട്ട് ഭർത്താവ് സജാദിനെ പൊലീസ് ചോദ്യം ചെയ്തു.
ഗവർണർ ആരിഫ് മുഹമ്മദ് ഖാന്റെ പുതിയ ഔദ്യോഗിക കാർ രാജ്ഭവനിലെത്തി. മാസങ്ങൾക്ക് മുമ്പ് പുതിയ ബെൻസ് കാർ വാങ്ങാൻ ഗവർണർക്ക് സർക്കാർ അനുമതി നൽകിയിരുന്നു. ബ്ലാക്ക് കളർ ബെൻസ് ജിഎൽഇ ക്ലാസ് വാഹനത്തിന് സർക്കാർ 85.11 ലക്ഷം രൂപ അനുവദിച്ചു. ഈ…
എസ്.ഡി.പി.ഐക്കും പോപ്പുലർ ഫ്രണ്ടിനുമെതിരെ രൂക്ഷവിമർശനവുമായി ഹൈക്കോടതി. ഇരുവരും ഗുരുതരമായ കുറ്റകൃത്യങ്ങളിൽ ഉൾപ്പെട്ട സംഘടനകളാണെന്ന് ഹൈക്കോടതി വിമർശിച്ചു. പാലക്കാട് സഞ്ജിത്ത് വധക്കേസ് സി.ബി.ഐക്ക് വിടണമെന്നാവശ്യപ്പെട്ടുള്ള ഹർജിയിലാണ് കോടതി ഗുരുതരമായ നിരീക്ഷണം നടത്തിയത്.
ഗുണ്ടകളുടെ ആക്രമണത്തെ തുടർന്ന് തായ്ലൻഡിൽ ചിത്രീകരണം നിർത്തിവെച്ചു. ലിഞ്ചു എസ്തപൻ സംവിധാനം ചെയ്യുന്ന ‘ആക്ഷൻ 22’ൻറെ ഷൂട്ടിംഗാണ് തടഞ്ഞത്. 2018 ൽ തായ്ലൻഡിലെ ഒരു ഗുഹയിൽ നിന്ന് ഒരു കുട്ടിയെ രക്ഷപ്പെടുത്തിയ സംഭവത്തെ ആസ്പദമാക്കിയുള്ള ഒരു മലയാളചലച്ചിത്രമാണ് ആക്ഷൻ 22.
കെ.എസ്.ആർ.ടി.സി ശമ്പള പ്രതിസന്ധിയിൽ സംസ്ഥാന സർക്കാർ ഇതുവരെ പരിഹാരം കണ്ടിട്ടില്ല. വെള്ളിയാഴ്ച ചേർന്ന മന്ത്രിസഭാ യോഗത്തിൽ വിഷയം ചർച്ച ചെയ്തില്ല. ശമ്പളം ലഭിക്കാൻ ഇടപെടണമെന്നാവശ്യപ്പെട്ട് എ.ഐ.ടി.യു.സി മുഖ്യമന്ത്രിക്ക് കത്തയച്ചിരുന്നെങ്കിലും വിഷയം പരിഗണിച്ചിരുന്നില്ല.