സംസ്ഥാനത്ത് ശക്തമായ മഴയ്ക്ക് സാധ്യതയുണ്ടെന്ന കേന്ദ്ര കാലാവസ്ഥാ വകുപ്പിന്റെ മുന്നറിയിപ്പിനെ തുടർന്ന് തയ്യാറെടുപ്പുകൾ ശക്തമാക്കാൻ മുഖ്യമന്ത്രിയുടെ നിർദ്ദേശപ്രകാരം ചീഫ് സെക്രട്ടറി അടിയന്തര യോഗം വിളിച്ചു. റെഡ്, ഓറഞ്ച് അലേർട്ടുകളുള്ള ജില്ലകളിലെ കളക്ടർമാരും വിവിധ സുരക്ഷാ വകുപ്പുകളും യോഗത്തിൽ പങ്കെടുക്കും.
പോക്സോ കേസിൽ അറസ്റ്റിലായ മുൻ അധ്യാപകൻ കെ വി ശശികുമാറിനെ ജുഡീഷ്യൽ കസ്റ്റഡിയിൽ വിട്ടു. ശശികുമാറിനെ മഞ്ചേരി പോക്സോ കോടതിയിൽ ഹാജരാക്കി. ഇയാൾക്കെതിരെ ലൈംഗികാരോപണം ഉന്നയിച്ച് പൂർവവിദ്യാർഥികൾ പൊലീസിൽ പരാതി നൽകിയിരുന്നു.
പ്രായമായ പെണ്കുട്ടികളെ പൊതുരംഗത്ത് പ്രവേശിക്കുന്നതിൽ നിന്ന് തടയുന്നതിൽ നിരവധി നേട്ടങ്ങളുണ്ടെന്ന് സമസ്തയ്ക്ക് മനസ്സിലാകുന്നുണ്ടെന്ന് എം.ടി അബ്ദുല്ല മുസ്ലിയാർ. സ്ത്രീകൾ പുരുഷൻമാർക്കൊപ്പം പൊതുസ്ഥലത്ത് ഇരിക്കുന്ന രീതി സമസ്തയ്ക്കില്ലെന്നും അബ്ദുല്ല മുസ്ലിയാർ പറഞ്ഞു.
മുതിർന്ന കോൺഗ്രസ് നേതാവ് കെ വി തോമസിനെതിരെ ചെറിയാൻ ഫിലിപ്പ്. ബോൾഗാട്ടി പാലസ് വിൽക്കാൻ കെ വി തോമസ് കരാറിൽ ഏർപ്പെട്ടതായി ചെറിയാൻ ഫിലിപ്പ് ആരോപിച്ചു. തോമസ് ടൂറിസം മന്ത്രിയായിരിക്കെ 2003ൽ മലേഷ്യൻ കമ്പനിയുമായി വിൽപ്പനയ്ക്ക് കരാർ ഉണ്ടാക്കിയെന്നാണ് ആരോപണം.
തൃക്കാക്കരയിലെ സഖ്യം പ്രഖ്യാപിക്കാനുള്ള തീരുമാനം നാളെ ഉണ്ടാകുമെന്ന് ട്വൻറി 20 ചീഫ് കോ-ഓർഡിനേറ്റർ സാബു എം ജേക്കബ്. നിലപാട് എന്ത് തന്നെയായാലും നാളെ പരസ്യമായി പ്രഖ്യാപിക്കുമെന്നും ഇരുമുന്നണികളുടെയും ജീവൻമരണ പോരാട്ടമാണിതെന്നും സാബു എം ജേക്കബ് പറഞ്ഞു.
മഴ മൂലം തൃശൂർ പൂരം വെടിക്കെട്ട് വീണ്ടും മാറ്റിവെച്ചു. കനത്ത മഴയെ തുടർന്ന് തൃശൂരിൽ യെല്ലോ അലർട്ട് പ്രഖ്യാപിച്ച പശ്ചാത്തലത്തിലാണ് തീരുമാനം. ഇന്ന് വൈകിട്ട് 6.30നാണ് വെടിക്കെട്ട് നടത്താൻ തീരുമാനിച്ചിരുന്നത്. മഴ സാഹചര്യം പൂർണമായി മാറിയ ശേഷം മാത്രം വെടിക്കെട്ട് നടത്താമെന്നാണ്…
തൃക്കാക്കര മണ്ഡലത്തിൻറെ ഇതുവരെയുള്ള ചരിത്രം നോക്കേണ്ടെന്നും ശക്തമായ നടപടിയിലൂടെ എതിരാളികളുടെ കുത്തക പിടിച്ചെടുത്ത രീതി തൃക്കാക്കരയിലും ആവർത്തിക്കാമെന്നും മുഖ്യമന്ത്രി പിണറായി വിജയൻ. അട്ടിമറിക്കാൻ കഴിയാത്ത മണ്ഡലമല്ല ഇതെന്നും തൃക്കാക്കരയിലെ വിജയം അസാധ്യമല്ലെന്നും അദ്ദേഹം പറഞ്ഞു.
മന്ത്രി വീണാ ജോർജിനെതിരെ ഡെപ്യൂട്ടി സ്പീക്കർ ചിറ്റയം ഗോപകുമാർ പരാതി നൽകി. സി.പി.എം സംസ്ഥാന സെക്രട്ടറിക്കും എൽ.ഡി.എഫ് കൺവീനർക്കുമാണ് പരാതി നൽകിയത്. ആരോഗ്യമന്ത്രി വീണാ ജോർജിനെതിരെ പരസ്യമായി പറഞ്ഞ കാര്യങ്ങളാണ് പരാതിയുടെ ഉള്ളടക്കം. ചിറ്റയം ഗോപകുമാറിനെതിരെ വീണാ ജോർജും പരാതി നൽകിയിരുന്നു.
അവാർഡ് വിവാദം സമസ്തയുടെ നിലപാടായി കാണാനാവില്ലെന്ന് മന്ത്രി എം വി ഗോവിന്ദൻ പറഞ്ഞു. ചില വ്യക്തികൾ പറയുന്നത് സംഘടനയുടെ നിലപാടായി കാണേണ്ടതില്ലെന്നും ഒറ്റപ്പെട്ട സംഭവങ്ങൾ തിരുത്താൻ ബഹുജന സമ്മർദ്ദം ഉണ്ടാകണമെന്നും അദ്ദേഹം പറഞ്ഞു.
ഗുജറാത്ത് മോഡൽ ഡാഷ്ബോർഡ് സംവിധാനം കേരളത്തിലും നടപ്പാക്കിയേക്കും. ഗുജറാത്ത് മോഡൽ ഭരണനിർവഹണം നടപ്പാക്കാൻ ചീഫ് സെക്രട്ടറി റിപ്പോർട്ട് സമർപ്പിച്ചിട്ടുണ്ട്. ക്ലിഫ് ഹൗസിൽ സി എം ഡാഷ്ബോർഡ് സംവിധാനം സ്ഥാപിക്കണമെന്ന റിപ്പോർട്ട് മുഖ്യമന്ത്രി ചീഫ് സെക്രട്ടറിക്ക് കൈമാറി.