മുഖ്യമന്ത്രി പിണറായി വിജയൻ തൃക്കാക്കരയിൽ ക്യാമ്പ് ചെയ്ത് പ്രചാരണം ഏകോപിപ്പിക്കുന്നതിൽ ആശങ്കയില്ലെന്ന് യു.ഡി.എഫ് സ്ഥാനാർത്ഥി ഉമാ തോമസ്. പി.ടി തോമസിനെതിരെ മുഖ്യമന്ത്രി നടത്തിയ സൗഭാഗ്യ പരാമർശത്തിന് ജനങ്ങൾ മറുപടി നൽകുമെന്നും ഉമ പറഞ്ഞു.
തൃക്കാക്കര ഉപതിരഞ്ഞെടുപ്പിൽ ട്വൻറി-20യിൽ നിന്ന് വോട്ട് തേടി എൽ.ഡി.എഫ്. എല്ലാ കക്ഷിളുടേയും വോട്ട് വേണമെന്നും സ്വാഭാവികമായും ട്വന്റി ട്വന്റി ഉള്‍പ്പെടെയുള്ള പാര്‍ട്ടികള്‍ എല്‍.ഡി.എഫിന് വോട്ട് ചെയ്യുമെന്നാണ് പ്രതീക്ഷിക്കുന്നതെന്നും മന്ത്രി പി.രാജീവ് പറഞ്ഞു.
ഈ വർഷം സംസ്ഥാനത്ത് മിന്നൽ പ്രളയത്തിന് ഇടയാക്കുന്ന മേഘവിസ്ഫോടനം ഉണ്ടായേക്കാമെന്ന് പഠനം. കൊച്ചി കുസാറ്റിലെ ശാസ്ത്രസംഘത്തിന്റെ കണ്ടെത്തൽ നേച്ചർ മാഗസിനിൽ പ്രസിദ്ധീകരിച്ചു. കുസാറ്റ് കാലാവസ്ഥാ കേന്ദ്ര ഡയറക്ടർ ഡോ.അഭിലാഷിന്റെ നേതൃത്വത്തിലായിരുന്നു പഠനം.
ചെന്നൈയിൽ നിന്നുള്ള ഇൻഡിഗോ വിമാനം കണ്ണൂർ വിമാനത്താവളത്തിലെ റൺവേയിൽ ലാൻഡ് ചെയ്ത് വീണ്ടും പറന്നു. വലിയ ശബ്ദവും കുലുക്കവും കാരണം യാത്രക്കാർ പരിഭ്രാന്തരായി. വിമാനം ലാൻഡ് ചെയ്യുന്നതിൽ ‘അണ്‍സ്റ്റെബിലൈസ്ഡ് അപ്രോച്ച്’ എന്ന പ്രശ്നം ഉണ്ടായെന്ന് കിയാൽ അധികൃതർ പറഞ്ഞു.
കേരളത്തിൽ ബദൽ രാഷ്ട്രീയത്തിന്റെ സാധ്യതകൾ ആരായാൻ ഡൽഹി മുഖ്യമന്ത്രി അരവിന്ദ് കെജ്രിവാൾ കൊച്ചിയിലെത്തി. ആം ആദ്മി പാർട്ടിയും ട്വൻറി 20യും ചേർന്ന് പ്രവർത്തിക്കാനുള്ള തീരുമാനം ഇന്ന് ഉണ്ടായേക്കും. അരവിന്ദ് കെജ്രിവാളും സാബു ജേക്കബും ചേർന്ന് തീരുമാനം പ്രഖ്യാപിക്കും.
സംസ്ഥാന സർക്കാരിന്റെ നൂറ് ദിന കർമ്മ പദ്ധതിയുടെ ഭാഗമായി ലൈഫ് മിഷനിൽ നിർമിച്ച വീടുകളുടെ താക്കോൽദാനം മെയ് 17ന് നടക്കും. 20,808 വീടുകളുടെ താക്കോൽദാനമാണ് നടക്കുക. മുഖ്യമന്ത്രി പിണറായി വിജയന്‍ സംസ്ഥാനതല ഉദ്ഘാടനം നിര്‍വഹിക്കും.
മുൻ അഡ്വക്കറ്റ് ജനറൽ സി.പി.സുധാകര പ്രസാദ് (81) അന്തരിച്ചു. ഓൾ ഇന്ത്യ ലോയേഴ്സ് യൂണിയൻ സംസ്ഥാന പ്രസിഡന്റും അഖിലേന്ത്യാ വൈസ് പ്രസിഡന്റുമാണ്. വി.എസ്. അച്യുതാനന്ദന്റെയും ഒന്നാം പിണറായി സർക്കാരിന്റെയും കാലത്ത് അഡ്വക്കേറ്റ് ജനറലായിരുന്നു. സർവീസ് ഭരണഘടനാ കേസുകളിൽ വിദഗ്ദ്ധനായിരുന്നു അദ്ദേഹം.
ഐപിഎല്ലില്‍ സണ്‍റൈസേഴ്‌സ് ഹൈദരാബാദിനെ പരാജയപ്പെടുത്തി കൊല്‍ക്കത്ത നൈറ്റ് റൈഡേഴ്‌സ്. 54 റണ്‍സിനായിരുന്നു കൊല്‍ക്കത്തയുടെ ജയം. ഈ തോല്‍വി ഹൈദരാബാദിന്റെ പ്ലേ ഓഫ് പ്രതീക്ഷകൾക്കൊരു തിരിച്ചടിയാണ്. ഒരു മത്സരം മാത്രം ശേഷിക്കെ കൊല്‍ക്കത്തയുടെ നില സുരക്ഷിതമല്ല.
രാഹുൽ ഗാന്ധി കോൺഗ്രസ്സ് അധ്യക്ഷനാകാൻ വേദിക്ക് സമീപം യജ്ഞം നടത്തിയ ചിന്തൻ ശിബിരിനെ രൂക്ഷമായി വിമർശിച്ച് എ എ റഹീം എം പി. യോഗയല്ല യാഗമാണ് അവർക്കുള്ള പരിഹാരമെന്ന് റഹീം പരിഹസിച്ചു. തങ്ങൾ കാലഹരണപ്പെട്ടവരാണെന്ന് കോൺഗ്രസ് ഓരോ നിമിഷവും തെളിയിക്കുന്നെന്നും അദ്ദേഹം…
കേരളത്തിൽ മഴ കനക്കുന്നു. കനത്ത മഴ മുന്നറിയിപ്പിന്റെ പശ്ചാത്തലത്തിൽ ദുരന്ത നിവാരണ അതോറിറ്റിയുടെ പ്രത്യേക നിർദേശങ്ങൾ പാലിച്ച് അടിയന്തര പ്രാധാന്യത്തോടെ സുരക്ഷാ ക്രമീകരണങ്ങൾ ഏർപ്പെടുത്താൻ തദ്ദേശ സ്വയംഭരണ സ്ഥാപനങ്ങളോട് തദ്ദേശ സ്വയംഭരണ വകുപ്പ് മന്ത്രി എം.വി ഗോവിന്ദൻ ആവശ്യപ്പെട്ടു.