തിരുവനന്തപുരം വിഴിഞ്ഞത്ത് നിന്ന് മത്സ്യബന്ധനത്തിൻ പോയ മൂന്ന് മത്സ്യത്തൊഴിലാളികൾ തമിഴ്നാട്ടിലെ തെങ്ങപട്ടണത്ത് സുരക്ഷിതമായി എത്തി. കടലിൽ പോയ മുഹമ്മദ് ഹനീഫ (60), മീരാ സാഹിബ് (45), അൻവർ (43) എന്നിവരെയാണ് വിഴിഞ്ഞത്ത് തീരദേശ പൊലീസും മത്സ്യത്തൊഴിലാളികളും ചേർന്ന് രക്ഷപ്പെടുത്തിയത്.
മന്ത്രി വീണാ ജോർജും ഡെപ്യൂട്ടി സ്പീക്കർ ചിറ്റയം ഗോപകുമാറും തമ്മിലുള്ള പോരാട്ടത്തിൽ സി.പി.എം. ജില്ലാ സെക്രട്ടറി പക്ഷം പിടിച്ചത്തിനെതിരെ സി.പി.ഐ നേതൃത്വം. ഈ വിഷയത്തിൽ മൗനം പാലിക്കുന്നത് പാർട്ടിയുടെ ദൗർബല്യം ആയി ആരും കാണേണ്ടെന്ന് സി.പി.ഐ. ജില്ലാ സെക്രട്ടറി എ.പി.ജയൻ പറഞ്ഞു.
തൃക്കാക്കര ഉപതിരഞ്ഞെടുപ്പിൽ എ.എ.പി-ട്വന്റി-20 പ്രഖ്യാപിച്ച ജനക്ഷേമ സഖ്യത്തിന്റെ നിലപാട് ഉടൻ പ്രഖ്യാപിക്കുമെന്ന് സാബു എം. ജേക്കബ്. ഇരുപാർട്ടികളും തമ്മിൽ ധാരണയായെന്നും അധികാരത്തിനായി തർക്കമില്ലെന്നും അച്ചടക്കം കർശനമായി നടപ്പാക്കാനുള്ള നേതൃത്വം തങ്ങൾക്കുണ്ടെന്നും അദ്ദേഹം പറഞ്ഞു.
സൈലന്റ് വാലി സൈരന്ദ്രിയിൽ കാണാതായ വനപാലകനെ കണ്ടെത്താൻ നാളെ വരെ വനത്തിൽ തിരച്ചിൽ തുടരും. പ്രത്യേക സംഘമാണ് അന്വേഷണം ഏകോപിപ്പിക്കുന്നത്. രാജനുവേണ്ടിയുള്ള തിരച്ചിൽ തമിഴ്നാട് വനമേഖലയിലേക്കും വ്യാപിപ്പിച്ചിട്ടുണ്ട്.
സംസ്ഥാനത്ത് ഗ്രാമീണ മേഖലയിലെ കിണറുകൾ ഉൾപ്പെടെ 70 % കുടിവെള്ള സ്രോതസ്സുകളിലും കോളിഫോം ബാക്ടീരിയയുടെ സാന്നിധ്യമുണ്ടെന്ന് കണ്ടെത്തൽ. വാട്ടർ അതോറിറ്റിയുടെ ഗുണനിലവാര നിയന്ത്രണ വിഭാഗം 401,300 സാമ്പിളുകൾ പരിശോധിച്ചപ്പോൾ 280,900 സാമ്പിളുകൾ കോളിഫോം ബാക്ടീരിയ മൂലം മലിനമാണെന്ന് കണ്ടെത്തി.
സംസ്ഥാനത്ത് കനത്ത മഴയുണ്ടാകുമെന്ന മുന്നറിയിപ്പിന്റെ പശ്ചാത്തലത്തിൽ ദുരന്ത നിവാരണ സേന കേരളത്തിലെത്തും. എൻ.ഡി.ആർ.എഫിന്റെ അഞ്ച് സംഘങ്ങളാണ് കേരളത്തിലെത്തുക. ഇന്ന് എറണാകുളം, ഇടുക്കി, തൃശൂർ, കോഴിക്കോട്, കണ്ണൂർ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്.
എസ്.ഡി.പി.ഐയെയും പോപ്പുലർ ഫ്രണ്ടിനെയും നിരോധിക്കാൻ സംസ്ഥാന സർക്കാർ ശുപാർശ ചെയ്യണമെന്ന് ആർ.എസ്.എസ് നേതാവ് കുമ്മനം രാജശേഖരൻ. അവ നിരോധിത സംഘടനകളല്ലാത്തതിനാൽ, നിയമനടപടികൾ സ്വീകരിക്കുന്നതിൽ കോടതിക്ക് പരിമിതികളുണ്ടെന്നും അദ്ദേഹം പറഞ്ഞു.
തൃക്കാക്കര ഉപതിരഞ്ഞെടുപ്പിൽ മുഖ്യമന്ത്രി പിണറായി വിജയൻ ക്യാമ്പ് ചെയ്ത് പ്രചാരണം നടത്തുന്ന വിഷയത്തിൽ പ്രതികരണവുമായി മുതിർന്ന കോൺഗ്രസ് നേതാവ് രമേശ് ചെന്നിത്തല. മുഖ്യമന്ത്രി നടത്തുന്ന പ്രചാരണത്തിലൂടെ തൃക്കാക്കരയിൽ മാറ്റം കൊണ്ടുവരാൻ കഴിയില്ലെന്ന് രമേശ് ചെന്നിത്തല വ്യക്തമാക്കി.
സിൽവർ ലൈൻ പദ്ധതിയിൽ സംസ്ഥാന സർക്കാരിനെ വിമർശിച്ച് ട്വൻറി 20 ചീഫ് കോർഡിനേറ്റർ സാബു എം ജേക്കബ്. കെ.എസ്.ആർ.ടി.സിയെ എങ്ങനെ പരിപാലിക്കണമെന്ന് അറിയാത്തവരാണ് കോടികളുടെ സിൽവർ ലൈൻ പദ്ധതിയുമായി വരാൻ പോകുന്നത്. (സിൽവർ ലൈൻ പ്രൊജക്റ്റിനെതിരെ സാബു എം ജേക്കബ്)
കേരളം പിടിക്കാൻ പാർട്ടി പ്രവർത്തകർക്ക് കർശന നിർദേശവുമായി ഡൽഹി മുഖ്യമന്ത്രിയും ആം ആദ്മി പാർട്ടി നേതാവുമായ അരവിന്ദ് കെജ്രിവാൾ. ഒൻപത് വർഷം നീണ്ട പ്രവർത്തനങ്ങൾ വലിയ ചലനം സൃഷ്ടിക്കാത്ത സാഹചര്യത്തിൽ നേതാക്കൾക്കും പ്രവർത്തകർക്കും കൃത്യമായ ലക്ഷ്യം നൽകി ഫലം കണ്ടെത്താനാണ് നീക്കം.