യുഎന്നിന്റെ വേൾഡ് ഫുഡ് പ്രോഗ്രാമിന്റെ റിപ്പോർട്ട് പ്രകാരം അഫ്ഗാനിസ്ഥാനിലെ ജനസംഖ്യയുടെ പകുതിയോളം പേർ കടുത്ത പട്ടിണി അനുഭവിക്കുന്നു. അഫ്ഗാനിസ്ഥാനിലെ കടുത്ത സാമ്പത്തിക പ്രതിസന്ധി വരാനിരിക്കുന്ന ദശലക്ഷക്കണക്കിന് ആളുകളുടെ ജീവിതത്തെ സാരമായി ബാധിച്ചുവെന്നും റിപ്പോർട്ടിൽ പറയുന്നു.
വെസ്റ്റ് ബാങ്കിൽ ഇസ്രായേൽ നടത്തിയ വെടിവെപ്പിൽ ഒരു മാധ്യമ പ്രവർത്തക കൊല്ലപ്പെട്ടു. ഇസ്രയേൽ നടത്തിയ പരിശോധനയ്ക്കിടെയുണ്ടായ വെടിവെപ്പിൽ അൽ ജസീറ മാധ്യമപ്രവർത്തക ഷിരീൻ അബു അഖ്ലെഹ് കൊല്ലപ്പെട്ടു. ബുധനാഴ്ച രാവിലെയാണ് സംഭവം നടന്നതെന്ന് പലസ്തീൻ ആരോഗ്യ വകുപ്പ് അറിയിച്ചു.
കടുത്ത സാമ്പത്തിക പ്രതിസന്ധിയെ തുടർന്ന് വലിയ പ്രതിഷേധങ്ങൾക്ക് സാക്ഷ്യം വഹിക്കുന്ന ശ്രീലങ്കയിലേക്ക് ഇന്ത്യ സൈന്യത്തെ അയയ്ക്കുമെന്ന റിപ്പോർട്ടുകൾ തള്ളി കൊളംബോയിലെ ഇന്ത്യൻ ഹൈക്കമ്മീഷൻ. ശ്രീലങ്കയ്ക്ക് പൂർണ പിന്തുണ നൽകുമെന്ന് ഇന്ത്യ വ്യക്തമാക്കിയതിന് പിന്നാലെയാണ് സൈന്യത്തെ അയയ്ക്കില്ലെന്ന വിശദീകരണം.
അടുത്ത അഞ്ച് വർഷത്തിനുള്ളിൽ ആഗോള താപനില 1.5 ഡിഗ്രിയിൽ കൂടുതൽ ഉയരും. യുകെയിലെ ദേശീയ കാലാവസ്ഥാ കേന്ദ്രമായ മെറ്റ് ഓഫീസിൻറെ റിപ്പോർട്ട് പ്രകാരം 2022-26ൽ റെക്കോർഡ് താപനില രേഖപ്പെടുത്തുമെന്ന് പ്രതീക്ഷിക്കുന്നു. 2015ൽ ആഗോള താപനിലയിൽ ശരാശരി ഒരു ഡിഗ്രിയിലധികം വർദ്ധനവുണ്ടായത് ഒരു…
ചൈനീസ് പ്രസിഡൻറ് ഷി ജിൻ പിങ് മസ്തിഷ്ക രോഗത്തിന് ചികിത്സ തേടിയതായി റിപ്പോർട്ട്. മസ്തിഷ്കത്തെ ബാധിക്കുന്ന ‘സെറിബ്രല്‍ അന്യൂറിസം’ എന്ന രോഗാവസ്ഥയാണ് അദ്ദേഹത്തെ ബാധിച്ചിരിക്കുന്നത് എന്നാണ് റിപ്പോർട്ട്. ശസ്ത്രക്രിയ നടത്തുന്നതിനു പകരം പരമ്പരാഗത ചൈനീസ് ചികിത്സാ രീതി പിന്തുടരാനാണ് പ്രസിഡന്റിന്റെ തീരുമാനം.
അമേരിക്കൻ ചിത്രകാരൻ ആൻഡി വാർഹോൾ വരച്ച ഹോളിവുഡ് സുന്ദരി മെർലിൻ മൺറോയുടെ ഛായാചിത്രത്തിന് 1,507 കോടി രൂപ. ഒരു അമേരിക്കൻ കലാസൃഷ്ടിക്ക് ലഭിക്കാവുന്ന ഏറ്റവും ഉയർന്ന തുകയാണിത്. 1964ലാണ് വാർഹോൾ ‘ഷോട്ട് സെയ്ജ് ബ്ലൂ മെര്‍ലിന്‍’ എന്നറിയപ്പെടുന്ന പെയിൻറിംഗ് വരച്ചത്.
ശ്രീലങ്കയിൽ സ്ഥിതിഗതികൾ അതീവഗുരുതരമായ സാഹചര്യത്തിൽ പ്രതിഷേധക്കാരെ കണ്ടാൽ ഉടൻ വെടിയുതിർക്കാൻ നിർദ്ദേശം. പൊതുമുതൽ നശിപ്പിക്കുകയോ കൊള്ളയടിക്കുകയോ ചെയ്യുന്നത് ശ്രദ്ധയിൽപ്പെട്ടാൽ വെടിവയ്ക്കാൻ നിർദ്ദേശം നൽകിയിട്ടുണ്ട്. കൊളംബോയിലെ തെരുവുകളിൽ നൂറുകണക്കിന് സൈനികരെ വിന്യസിച്ചതിന് പിന്നാലെയാണ് ഉത്തരവ്.
മുൻ അമേരിക്കൻ പ്രസിഡൻറ് ഡൊണാൾഡ് ട്രംപിനെ ട്വിറ്ററിൽ തിരിച്ചെത്താൻ അനുവദിക്കുമെന്ന് എലോൺ മസ്ക്. ക്യാപിറ്റോള്‍ ആക്രമണത്തിന് ശേഷം ട്വിറ്ററിൽ നിന്ന് ട്രംപിനെ വിലക്കിയത് പുനഃപരിശോധിക്കുമെന്ന് മസ്ക് അറിയിച്ചു. താൻ ട്വിറ്റർ സ്വന്തമാക്കിയിട്ടില്ല, അതിനാൽ ഉടനെ വിലക്ക് നീക്കാനാവില്ലെന്നും മസ്ക് പറഞ്ഞു.
ഇറുകിയ ജീൻസും ചായം പൂശിയ മുടിയും നിരോധിച്ച് ഉത്തരകൊറിയ. 20നും 30നും ഇടയിൽ പ്രായമുള്ള യുവതികളെ ലക്ഷ്യമിട്ടാണ് വിചിത്രമായ ഈ നിയമം പുറപ്പെടുവിച്ചത്. പാശ്ചാത്യ രീതികൾ രാജ്യത്ത് നിന്ന് പൂർണ്ണമായും തുടച്ചുനീക്കുകയാണ് ഇത്തരം നിയമങ്ങളുടെ ലക്ഷ്യം. നിയമം ലംഘിക്കുന്നവർക്ക് കടുത്ത ശിക്ഷയും…
ലോകത്തിലെ ഏറ്റവും മൂല്യമുള്ള കമ്പനിയായി സൗദി അരാംകോ. സൗദി എണ്ണക്കമ്പനിയായ അരാംകോ ആപ്പിളിനെ പിന്തള്ളിയാണ് ലോകത്തിലെ ഏറ്റവും മൂല്യവത്തായ കമ്പനിയായി മാറിയത്. കമ്പനിയുടെ വിപണി മൂല്യം 2.464 ട്രില്യൺ ഡോളറാണ്. ഉയർന്ന എണ്ണ വില അരാംകോയുടെ സാധ്യതകളെ പിന്തുണയ്ക്കുന്നതിൽ ഒരു പ്രധാന…