കൊച്ചി മെട്രോയുടെ തൂണുകൾക്കിടയിലുള്ള പൂന്തോട്ടത്തിൽ കഞ്ചാവ് ചെടി. ചെടി കണ്ടെത്തിയയാൾ വിവരമറിയിച്ചതിനെ തുടർന്ന് എക്സൈസ് ഉദ്യോഗസ്ഥർ എത്തി ചെടി നീക്കം ചെയ്യുകയായിരുന്നു. പാലാരിവട്ടം മെട്രോ സ്റ്റേഷൻ സമീപം മെട്രോ പില്ലർ 516നും 517നും ഇടയിലുള്ള പ്രദേശത്താണ് കഞ്ചാവ് ചെടി കണ്ടെത്തിയത്.
സ്വിഗ്ഗി തങ്ങളുടെ പിക്ക്-അപ്പ്, ഡ്രോപ്പ്-ഓഫ് സർവീസായ ജിനി, പ്രധാന മെട്രോ സിറ്റികളിൽ ഉടനീളം താൽക്കാലികമായി നിർത്തിവച്ചതായി റിപ്പോർട്ട്. വിതരണ തൊഴിലാളികളുടെ കുറവ് കാരണമാണ് സർവീസ് നിർത്തിവെച്ചിരിക്കുന്നത്.
ഒ.എൻ.വി കൾച്ചറൽ അക്കാദമിയുടെ ഒ.എൻ.വി സാഹിത്യ പുരസ്കാരം കഥാകൃത്ത് ടി.പത്മനാഭന്. കഥാസാഹിത്യത്തിന് അദ്ദേഹം നൽകിയ സമഗ്രസംഭാവനയ്ക്കുള്ള അംഗീകാരമായാണ് പുരസ്കാരം. ഒപ്പം രണ്ട് വർഷത്തെ ഒഎൻവി യുവ കവി അവാർഡുകളും പ്രഖ്യാപിച്ചു. 2021ൽ അരുൺ കുമാർ അന്നൂരും 2022 ൽ അമൃത ദിനേശും…
നിപ വൈറസിനെതിരായ പ്രതിരോധ പ്രവർത്തനങ്ങൾ ശക്തിപ്പെടുത്താൻ നിർദേശം നൽകിയതായി ആരോഗ്യമന്ത്രി വീണാ ജോർജ് അറിയിച്ചു. കോഴിക്കോട്, എറണാകുളം ജില്ലകളിൽ നിപ നേരത്തെ വന്നിട്ടുണ്ടെങ്കിലും മറ്റ് ജില്ലകൾക്കും ജാഗ്രതാ നിർദ്ദേശം നൽകിയിട്ടുണ്ട്.
യുവ ഫ്രഞ്ച് സ്ട്രൈക്കർ എംബാപ്പെ റയൽ മാഡ്രിഡിലേക്ക് മടങ്ങും. ഇതുമായി ബന്ധപ്പെട്ട് റയൽ മാഡ്രിഡുമായി താരം ചർച്ചകൾ നടത്തിവരികയാണെന്നും ഉടൻ തന്നെ കരാർ ഒപ്പിടുമെന്നും റിപ്പോർട്ട് ഉണ്ട്. ലീഗ് വൺ സീസൺ അവസാനത്തോടെ റയൽ മാഡ്രിഡിലേക്കുള്ള നീക്കം ഔദ്യോഗികമായി പ്രഖ്യാപിക്കുമെന്നും റിപ്പോർട്ട്…
ശ്രീലങ്കയിൽ രാഷ്ട്രീയവും സാമ്പത്തികവുമായ സ്ഥിരത പുനസ്ഥാപിക്കാൻ ഇന്ത്യ പൂർണ പിന്തുണ വാഗ്ദാനം ചെയ്തു. പ്രധാനമന്ത്രി മഹിന്ദ രാജപക്സെ രാജിവെച്ചതോടെ ശ്രീലങ്കയിലെ സർക്കാർ അനുകൂല, സർക്കാർ വിരുദ്ധ സമരങ്ങൾ പ്രതിഷേധമായി മാറിയിരിക്കുകയാണ്. സർക്കാർ സ്ഥാപനങ്ങൾക്കും ഔദ്യോഗിക വസതികൾക്കും നേരെ ആക്രമണം ശക്തമാണ്.
ഗോവ ഗവർണർ പി.എസ് ശ്രീധരൻ പിള്ളയുമായി നടൻ മോഹൻലാൽ കൂടിക്കാഴ്ച നടത്തി. ഇന്ന് രാവിലെയാണ് ശ്രീധരൻ പിള്ളയുടെ മുഖ്യാതിഥിയായി മോഹൻലാൽ രാജ്ഭവനിലെത്തിയത്. നിർമ്മാതാവ് ആൻറണി പെരുമ്പാവൂരും സജീവ് സോമനും മോഹൻലാലിനൊപ്പം ഉണ്ടായിരുന്നു.
രാജ്യദ്രോഹക്കുറ്റം ചുമത്താൻ അധികാരം നൽകുന്ന സെക്ഷൻ 124 എ പുനഃപരിശോധന, പൂർത്തിയാകുന്നതുവരെ മരവിപ്പിച്ചു കൂടെയെന്ന് സുപ്രീം കോടതി. നിലപാട് നാളെ അറിയിക്കാൻ സുപ്രീം കോടതി കേന്ദ്ര സർക്കാരിന് നിർദേശം നൽകി. രാജ്യദ്രോഹക്കുറ്റം ദുരുപയോഗം ചെയ്യപ്പെടുകയാണെന്ന് സുപ്രീം കോടതി നിരീക്ഷിച്ചു.
മാഞ്ചസ്റ്റർ യുണൈറ്റഡ് 50 മില്യൺ പൗണ്ടിന് വാങ്ങിയ വാൻ ബിസാക്കയെ, ക്രിസ്റ്റൽ പാലസിന് വിൽക്കാൻ ഒരുങ്ങുകയാണ് യുണൈറ്റഡ് ഇപ്പോൾ. ഈ സീസണിലെ വാൻ ബിസാക്കയുടെ മോശം പ്രകടനമാണ് അദ്ദേഹത്തിന് ടീമിൽ ഭാവിയില്ലെന്ന് ക്ലബ് തീരുമാനിക്കാൻ കാരണം.
വിപണി വിലയ്ക്ക് ഡീസൽ ലഭ്യമാക്കണമെന്നാവശ്യപ്പെട്ട് കെഎസ്ആർടിസി സുപ്രീം കോടതിയെ സമീപിച്ചു. അധികവില ഈടാക്കുന്നത് സാമ്പത്തിക പ്രതിസന്ധി രൂക്ഷമാക്കുമെന്ന് കെഎസ്ആർടിസി ചൂണ്ടിക്കാട്ടി. ഇങ്ങനെ പോയാൽ കെഎസ്ആർടിസി അടച്ചുപൂട്ടേണ്ടി വരുമെന്നും സുപ്രീം കോടതിയിൽ നൽകിയ അപ്പീലിൽ പറയുന്നു.