രാജ്യസഭയിൽ ഒഴിവുള്ള സീറ്റുകളിലേക്കുള്ള തിരഞ്ഞെടുപ്പ് തീയതികൾ തിരഞ്ഞെടുപ്പ് കമ്മീഷൻ പ്രഖ്യാപിച്ചു. 15 സംസ്ഥാനങ്ങളിലെ 57 രാജ്യസഭാ സീറ്റുകളിലേക്കുള്ള തിരഞ്ഞെടുപ്പ് തീയതികൾ പ്രഖ്യാപിച്ചു. തിരഞ്ഞെടുപ്പ് വിജ്ഞാപനം മെയ് 24ന് പുറപ്പെടുവിക്കും. വോട്ടെടുപ്പും വോട്ടെണ്ണലും ജൂൺ 10ന് നടക്കും.
ഉക്രേനിയൻ വിംഗർ ആൻഡ്രി യാർമോലെങ്കോ വെസ്റ്റ് ഹാം വിടാനൊരുങ്ങുന്നു. ജൂണിൽ കരാർ കാലാവധി അവസാനിക്കുമ്പോൾ യാർമോലെങ്കോ വെസ്റ്റ് ഹാം വിടും. 2018ലാണ് യാർമോലെങ്കോ ഡോർട്ട്മുണ്ടിൽ നിന്ന് വെസ്റ്റ് ഹാമിലേക്ക് മാറിയത്. 18 മില്യൺ ഡോളറാണ് അന്ന് വെസ്റ്റ് ഹാം താരത്തിനായി ചെലവഴിച്ചത്.
മദ്രസകൾ ക്ലാസുകൾ ആരംഭിക്കുന്നതിന് മുമ്പ് ദേശീയഗാനം ആലപിക്കണമെന്ന് ഉത്തർപ്രദേശ് സർക്കാർ. ക്ലാസുകൾ ആരംഭിക്കുന്നതിന് മുമ്പ് എല്ലാ വിദ്യാർത്ഥികളും അധ്യാപകരും ദേശീയഗാനം ആലപിക്കണമെന്നാണ് ഉത്തരവ്. ഉത്തർപ്രദേശ് ന്യൂനപക്ഷകാര്യ മന്ത്രി ഡാനിഷ് ആസാദ് അൻസാരിയാണ് ഉത്തരവ് പുറപ്പെടുവിച്ചത്.
പത്താംക്ലാസ് വിദ്യാർത്ഥിനിയെ അവാർഡ് സ്വീകരിക്കാൻ ക്ഷണിച്ച് സ്ത്രീവിരുദ്ധ പരാമർശങ്ങൾ നടത്തിയ സമസ്ത നേതാവിനെതിരെ രൂക്ഷവിമർശനവുമായി ആരോഗ്യമന്ത്രി വീണാ ജോർജ്. സമസ്ത നേതാവ് നടത്തിയ പരാമർശങ്ങൾ അപലപനീയമാണ്. ഇത് ഒരു പരിഷ്കൃത സമൂഹത്തിന് യോജിച്ചതല്ലെന്നും വീണാ ജോർജ് പറഞ്ഞു.
കോയമ്പത്തൂരിൽ പഴക്കടകളിൽ ഭക്ഷ്യസുരക്ഷാ വകുപ്പ് നടത്തിയ റെയ്ഡിൽ രാസവസ്തുക്കൾ കലർന്ന 12,000 കിലോ മാമ്പഴം പിടികൂടി. 2,350 കിലോ മുസമ്പിയും പിടിച്ചെടുത്തു. ജില്ലാ കളക്ടർ ജി.എസ്. സമീറൻറെ നിർദ്ദേശ പ്രകാരമാണ് പരിശോധന നടത്തിയത്. രാവിലെ മുതൽ തുടർച്ചയായി നടത്തിയ പരിശോധനയിൽ 45…
നിപ പ്രതിരോധ പ്രവർത്തനങ്ങളുടെ ഭാഗമായി വിവിധ വകുപ്പുകളെ ഉൾപ്പെടുത്തി പ്രത്യേക നിപ ആക്ഷൻ പ്ലാൻ തയ്യാറാക്കുമെന്ന് ആരോഗ്യമന്ത്രി വീണാ ജോർജ്. ആരോഗ്യം, മൃഗസംരക്ഷണം, വനം, റവന്യൂ തുടങ്ങി വിവിധ വകുപ്പുകളെ ഏകോപിപ്പിച്ചാണ് ആക്ഷൻ പ്ലാൻ തയ്യാറാക്കുക.
ലോകാത്ഭുതങ്ങളിലൊന്നായ താജ്മഹൽ വീണ്ടും തുറക്കണമെന്ന ഹർജിയിൽ രൂക്ഷ വിമർശനവുമായി രംഗത്തെത്തി അലഹബാദ് ഹൈക്കോടതി . താജ്മഹലിലെ അടച്ചിട്ടിരിക്കുന്ന 20 മുറികൾ തുറക്കണമെന്നാവശ്യപ്പെട്ടുള്ള ഹർജി പരിഗണിക്കുകയായിരുന്നു കോടതി. ബിജെപി നേതാവ് രജനീത് സിംഗിനെയാണ് കോടതി വിമർശിച്ചത്.
താജ്മഹലിന്റെ അടച്ചിട്ട 20 മുറികൾ തുറക്കണമെന്ന് ആവശ്യപ്പെട്ട് ബിജെപി നേതാവ് രജനീഷ് സിംഗ് സമർപ്പിച്ച ഹർജി അലഹബാദ് ഹൈക്കോടതിയുടെ ലഖ്നൗ ബെഞ്ച് തള്ളി. പൊതുതാൽപര്യ ഹർജികൾ സമർപ്പിക്കാനുള്ള അവകാശം പരിഹാസ്യമാക്കരുതെന്ന് കോടതി പറഞ്ഞു.
തൃക്കാക്കര ഉപതിരഞ്ഞെടുപ്പിൽ ഇടത് പക്ഷത്തെ പിന്തുണയ്ക്കുമെന്നും എൽഡിഎഫ് സ്ഥാനാർത്ഥി ജോ ജോസഫിന് വേണ്ടി പ്രചാരണത്തിനിറങ്ങുമെന്നും പറഞ്ഞ കെ വി തോമസിനെ വിമർശിച്ച് പത്മജ വേണുഗോപാൽ. തോമസിനെ അടുത്തറിയുന്ന ഒരു വ്യക്തിയെന്ന നിലയിൽ ഇങ്ങനെ പെരുമാറിയതിൽ തനിക്ക് അതിശയിക്കാനില്ലെന്ന് പത്മജ പറഞ്ഞു.
ഐപിഎല്ലിൽ ഇന്ന് ചെന്നൈ സൂപ്പര്‍ കിംഗ്‌സ്-മുംബൈ ഇന്ത്യന്‍സ് പോരാട്ടം. ഇന്ന് തോറ്റാല്‍ പ്ലേഓഫിലെത്താനുള്ള ചെന്നൈയുടെ നേരിയ സാങ്കേതിക സാധ്യത പോലും അവസാനിക്കും. ഐപിഎൽ ചരിത്രത്തിലെ അതികായരാണെങ്കിലും മുംബൈയും ചെന്നൈയും മറക്കാനാഗ്രഹിക്കുന്ന സീസണ്‍ ആണിത്. മുംബൈ പത്തും ചെന്നൈ ഒൻപതും സ്ഥാനങ്ങളിൽ നില്‍ക്കുന്നു.…