വെഡ്ഡിംഗ് ഫോട്ടോഷൂട്ടുകൾ ഇനി കൊച്ചി മെട്രോയിൽ നടത്താം. മെട്രോയിൽ നേരത്തെ സിനിമ, പരസ്യ ചിത്രീകരണങ്ങൾക്ക് അനുമതി നൽകിയിരുന്നു. നിലവിൽ വിവാഹ ഫോട്ടോഷൂട്ടുകൾക്ക് അനുമതിയുണ്ട്. സിനിമ, പരസ്യ ഫോട്ടോഷൂട്ടുകൾക്ക് നൽകിയതിനേക്കാൾ കുറവായിരിക്കും ഇതിനുള്ള തുക. രണ്ട് മണിക്കൂറിനു 5,000 രൂപ നൽകണം.
ഈ അധ്യയന വർഷം മുതൽ അധ്യാപകർക്കും അധ്യാപന രംഗത്ത് മികവ് തെളിയിക്കേണ്ടി വരും. വിദ്യാർത്ഥികളുടെ പഠന നിലവാരം മെച്ചപ്പെടുത്താനുള്ള ശ്രമങ്ങളുടെ ഭാഗമായി കർശന പഠന ക്രമീകരണങ്ങൾ സർക്കാർ ഏർപ്പെടുത്തും. സംസ്ഥാനത്തെ അധ്യാപകരുടെ ഗുണനിലവാരം ഓരോ 3 മാസത്തിലും വിലയിരുത്തുമെന്ന് മന്ത്രി വി.ശിവൻകുട്ടി…
റിഫ മെഹ്നുവിന്റേത് തൂങ്ങിമരണമെന്ന് പോസ്റ്റ്മോർട്ടം റിപ്പോർട്ട്. ദുബായിൽ മരിച്ച നിലയിൽ കണ്ടെത്തിയ റിഫയുടെ മൃതദേഹം രണ്ട് മാസത്തിന് ശേഷമാണ് പുറത്തെടുത്ത് പോസ്റ്റ്മോർട്ടം നടത്തിയത്. റിഫയുടെ കഴുത്തിൽ കണ്ടെത്തിയ പാടുകൾ തൂങ്ങിമരിച്ചതിന്റെ പാടുകളാണെന്ന് പോസ്റ്റുമോർട്ടത്തിൽ സ്ഥിരീകരിച്ചു.
കേരളത്തിൽ ഒറ്റപ്പെട്ട സ്ഥലങ്ങളിൽ ഇടിമിന്നലോട് കൂടിയ ശക്തമായ മഴ തുടരാൻ സാധ്യത. നാല് ജില്ലകളിൽ ഓറഞ്ച് അലർട്ടും 10 ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. അറബിക്കടലിലെ ശക്തമായ പടിഞ്ഞാറൻ കാറ്റും ബംഗാൾ ഉൾക്കടലിൽ തമിഴ്നാട് തീരത്ത് രൂപപ്പെട്ട ചുഴലിക്കാറ്റുമാണ് മഴയ്ക്ക് കാരണം.
ഉത്തരേന്ത്യയിൽ താപനിലയിൽ നേരിയ ശമനം. രാജസ്ഥാൻ, പഞ്ചാബ്, മധ്യപ്രദേശ്, ഡൽഹി, ഹരിയാന എന്നിവിടങ്ങളിൽ ഇന്ന് മുതൽ അടുത്ത 4 ദിവസത്തേക്ക് ഉഷ്ണതരംഗം അനുഭവപ്പെടില്ലെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഡൽഹിയിലെ പരമാവധി താപനില ഇന്ന് 41 ഡിഗ്രി സെൽഷ്യസിലേക്ക് താഴും.
തൃശ്ശൂര്‍ പൂരം വെടിക്കെട്ട് മഴ ശമിച്ചാൽ അടുത്ത ദിവസം തന്നെ നടത്തുമെന്ന് അധികൃതർ. മഴ ശക്തമായാൽ, അവ തകർത്ത് നശിപ്പിക്കാൻ തീരുമാനിക്കും. മഴയെ തുടർന്ന് പൂരം വെടിക്കെട്ട് മാറ്റിയിട്ടുണ്ടെങ്കിലും ഇതാദ്യമായാണ് ഇത്രയും ദിവസം വൈകുന്നത്. ഇത്തവണ 3 തവണയാണ് വെടിക്കെട്ട് മാറ്റിയത്.
കുടുംബശ്രീ രൂപീകൃതമായിട്ട് ഇന്നേക്ക് 25 വർഷം. ഈ 25 വർഷം കൊണ്ട് സമൂഹത്തിൽ കുടുംബശ്രീയിലെ ശക്തരായ സ്ത്രീകൾ വരുത്തിയ മാറ്റങ്ങൾ ചെറുതല്ല. ദാരിദ്ര്യ നിർമ്മാർജ്ജനവും സ്ത്രീ ശാക്തീകരണവും ലക്ഷ്യമിട്ട് ആരംഭിച്ച പദ്ധതിയിൽ ഇന്ന് 45 ലക്ഷത്തിലധികം അംഗങ്ങളുണ്ട്.
നടിയെ ആക്രമിച്ച കേസിൽ ദിലീപിന്റെ സുഹൃത്ത് ശരത്തിനെ തെളിവ് നശിപ്പിച്ചതിന് അറസ്റ്റ് ചെയ്തു. തുടർ അന്വേഷണത്തിലെ ആദ്യത്തെ അറസ്റ്റാണിത്. നടിയെ ആക്രമിക്കുന്നതിന്റെ ദൃശ്യങ്ങൾ ദിലീപിന്റെ വീട്ടിൽ എത്തിച്ചത് ശരത്താണെന്നാണ് ക്രൈംബ്രാഞ്ചിന്റെ കണ്ടെത്തൽ.
നിർമ്മാണത്തിലിരിക്കുന്ന കൂളിമാട് പാലത്തിന്റെ ബീം ചരിഞ്ഞത് ഹൈഡ്രോളിക് ജാക്കികളിലൊന്നിന്റെ തകർച്ച മൂലമാണെന്ന് ഊരാളുങ്കൽ സർവീസ് സൊസൈറ്റി. അത് നിർമ്മാണ പരാജയമോ അശ്രദ്ധയോ ആയിരുന്നില്ല, മറിച്ച് നിർമ്മാണത്തിന് ഉപയോഗിച്ച യന്ത്രത്തിലെ തകരാർ മാത്രമായിരുന്നുവെന്ന് സൊസൈറ്റി വ്യക്തമാക്കി.
കെ-റെയിൽ കല്ലിടുന്നത് സർക്കാർ അവസാനിപ്പിച്ചു. കല്ലിടലിനെതിരെ സംസ്ഥാനത്ത് നടന്ന പ്രതിഷേധങ്ങളുടെ പശ്ചാത്തലത്തിലാണ് തീരുമാനം. ഇനി മുതൽ സാമൂഹികാഘാത പഠനങ്ങൾക്ക് ജിപിഎസ് സംവിധാനം ഉപയോഗിക്കാൻ റവന്യു വകുപ്പ് ഉത്തരവിറക്കി. കല്ലുകൾ ഇടുന്നതിനുപകരം ജിയോ ടാഗ് സംവിധാനം ഉപയോഗിക്കും.