മൂന്നാറിൽ വിജയകരമായ എ.സി സ്ലീപ്പർ ബസ് സംവിധാനം വയനാട്ടിലേക്കും വ്യാപിപ്പിക്കാനൊരുങ്ങി കെ.എസ്.ആർ.ടി.സി. വിവിധ ഡിപ്പോകളിൽ നിന്ന് വയനാട്ടിലേക്ക് വാരാന്ത്യ ടൂർ സീരിസുകൾ നടത്താനാണ് കോർപറേഷൻ പദ്ധതിയിടുന്നത്. 16 പേർക്ക് യാത്ര ചെയ്യാവുന്ന ബസിൽ വൈദ്യുതി, വെള്ളം, ശൗചാലയങ്ങൾ തുടങ്ങിയ സൗകര്യങ്ങൾ ഉണ്ടായിരിക്കും.
നീലഗിരിയിലെ പ്രധാന വിനോദസഞ്ചാര കേന്ദ്രങ്ങളിലെല്ലാം സന്ദർശകരുടെ ഒഴുക്ക്. ഊട്ടി ബൊട്ടാണിക്കൽ ഗാർഡൻ, റോസ് ഗാർഡൻ, ബോട്ട് ഹൗസ്, ബിക്കര ബോട്ട് ഹൗസ്, ഉച്ചിമല വ്യൂപോയിന്റ് എന്നിവിടങ്ങളിലേക്കെല്ലാം വിനോദ സഞ്ചാരികളുടെ നിലയ്ക്കാത്ത പ്രവാഹമാണ്. നിലവിൽ കോവിഡ് നിയന്ത്രണങ്ങളെല്ലാം പിൻവലിച്ചിരിക്കുകയാണ് ഇവിടെ.
നാണയപ്പെരുപ്പം രൂക്ഷമായതിനാൽ ബ്രിട്ടാനിയ ഇൻഡസ്ട്രീസ് തങ്ങളുടെ ഉത്പന്നങ്ങളുടെ അളവ് കുറയ്ക്കാൻ ഒരുങ്ങുന്നു. വർധിച്ചു വരുന്ന പണപ്പെരുപ്പത്തെ നേരിടാൻ വില വർധിപ്പിക്കുന്നതിന് പകരമാണ് ഉത്പന്നത്തിന്റെ അളവിൽ കുറവ് വരുത്തുന്നത്.
ഖാലിസ്ഥാൻ ഭീകര സംഘടനകൾക്ക് പാക് രഹസ്യാന്വേഷണ ഏജൻസിയായ ഇന്റർ സർവീസസ് ഇന്റലിജൻസുമായി ബന്ധമുണ്ടെന്ന് കേന്ദ്ര രഹസ്യാന്വേഷണ ഏജൻസികൾ. ഐഎസ്ഐയുടെ സഹായത്തോടെ ഇവർ ഇന്ത്യയിൽ നിരവധി ആക്രമണങ്ങൾക്കും പല സംസ്ഥാനങ്ങളിലെയും രാഷ്ട്രീയ നേതാക്കളെ വധിക്കാനും പദ്ധതിയിടുന്നതായും റിപ്പോർട്ടിൽ പറയുന്നു.
തൃക്കാക്കര ഉപതിരഞ്ഞെടുപ്പില്‍ ഡോ. ജോ ജോസഫ് എല്‍.ഡി.എഫ്. സ്ഥാനാര്‍ഥി. കൊച്ചിയില്‍ എല്‍.ഡി.എഫ്. കണ്‍വീനര്‍ ഇ.പി. ജയരാജനാണ് സ്ഥാനാര്‍ഥിയെ പ്രഖ്യാപിച്ചത്. വാഴക്കാല സ്വദേശിയായ ഡോ. ജോ ജോസഫ് എറണാകുളം ലിസി ആശുപത്രിയിലെ കാര്‍ഡിയോളജിസ്റ്റാണ്.
യൂറോപ്പ് പര്യടനം ഇന്ന് അവസാനിക്കെ പ്രധാനമന്ത്രി നരേന്ദ്രമോദിയുടെ 30 വർഷം പഴക്കമുള്ള ഫോട്ടോ വൈറലാകുന്നു. 1993ൽ അമേരിക്കയിൽ നിന്ന് മടങ്ങുകയായിരുന്ന മോദി ജർമ്മനിയിലെ ഫ്രാങ്ക്ഫർട്ട് സന്ദർശിച്ചിരുന്നു. അവിടെ നിന്ന് എടുത്ത ചിത്രം 30 വർഷത്തിന് ശേഷമാണ് സോഷ്യൽ മീഡിയ ഏറ്റെടുത്തിരിക്കുന്നത്.
മുട്ടിൽ മരംമുറി കേസിലെ പ്രതികളായ വില്ലേജ് ഓഫീസർ കെ.കെ അജി, സ്പെഷ്യൽ വില്ലേജ് ഓഫീസർ കെ.ഒ സിന്ധു എന്നിവര്‍ക്ക് മുന്‍കൂര്‍ ജാമ്യം നല്കാനാകില്ലെന്ന് സുപ്രീം കോടതി. സ്ഥിരം ജാമ്യത്തിനായി സമീപിക്കാനും കോടതി നിര്‍ദേശിച്ചു. ഇതേ തുടർന്ന് ഇരുവരും സുപ്രീം കോടതിയിൽ സമർപ്പിച്ച…
കെ.എസ്.ആർ.ടി.സി.യുടെ ദീർഘദൂര ഷെഡ്യൂളുകൾ സർക്കാർ പുതുതായി രൂപീകരിച്ച കെ-സ്വിഫ്റ്റ് ഏറ്റെടുക്കുകയാണ്. ഇതുവരെ 27 ദീർഘദൂര ഷെഡ്യൂളുകളാണ് സ്വിഫ്റ്റിന് കൈമാറിയത്. കെ.എസ്.ആർ.ടി.സി കണ്ണൂർ-തിരുവനന്തപുരം, തിരുവനന്തപുരം-കണ്ണൂർ ഡീലക്സ് സൂപ്പർ സർവീസുകൾ എന്നിവ കൈമാറി.
ഹേമ കമ്മിറ്റി റിപ്പോര്‍ട്ട് പുറത്തുവിടണമെന്ന ഡബ്ല്യുസിസി ആവശ്യത്തിന് പിന്നില്‍ മറ്റ് ഉദ്ദേശ്യമെന്ന സജി ചെറിയാന്റെ വാദത്തിന് മറുപടിയുമായി ബീനാ പോള്‍. നിര്‍ദേശങ്ങള്‍ ഏത് ഡാറ്റയുടെ പിന്‍ബലത്തിലാണെന്ന് അറിയണമെന്നും സര്‍ക്കാരിനോട് ചേര്‍ന്ന് ഈ മേഖല നന്നാകണമെന്നാണ് ആഗ്രഹിക്കുന്നതെന്നും ബീനാ പോള്‍ പറഞ്ഞു.
യൂറോപ്യൻ സന്ദർശനത്തിന് ശേഷം ഡെൻമാർക്കിൽ ഇന്ന് നടക്കുന്ന രണ്ടാമത് ഇന്ത്യ-നോർഡിക് ഉച്ചകോടിയിൽ പ്രധാനമന്ത്രി നരേന്ദ്രമോദി പങ്കെടുക്കും. ഉച്ചകോടിയിൽ വിവിധ രാഷ്ട്രത്തലവന്മാരുമായി പ്രധാനമന്ത്രി ആശയവിനിമയം നടത്തും. ഇന്ത്യയിലേക്ക് കൂടുതൽ നിക്ഷേപം കൊണ്ടുവരിക എന്നതാണ് പ്രധാന ലക്ഷ്യം.