കോഴിക്കോട് വിമാനത്താവളത്തിൽ വലിയ വിമാനങ്ങൾ തിരിച്ചെത്തിക്കാനും ആഭ്യന്തര സർവീസുകൾ കൂടുതലായി ആരംഭിക്കാനുമായി സാധ്യമായതെല്ലാം ചെയ്യുമെന്നു പുതുതായി ചുമതലയേറ്റ ഡയറക്ടർ എസ്. സുരേഷ്. ഇന്നലെ കോഴിക്കോട് വിമാനത്താവളത്തിൽ ചുമതലയേറ്റ എസ്. സുരേഷ് തിരുപ്പതി വിമാനത്താവളം ഡയറക്ടറായിരുന്നു.
ഡൽഹിയിലെ ഷഹീൻബാഗ് ഒഴിപ്പിക്കുന്നത് സ്റ്റേ ചെയ്യണമെന്ന് ആവശ്യപ്പെട്ട് സിപിഎം സുപ്രീം കോടതിയെ സമീപിച്ചു. സിപിഎം ഡൽഹി സംസ്ഥാന സെക്രട്ടറി കെഎം തിവാരിയാണ് സുപ്രീം കോടതിയെ സമീപിച്ചത്. ചട്ടപ്രകാരം നോട്ടീസ് പോലും നൽകാതെയാണ് ഒഴിപ്പിക്കൽ നടപടിയെടുത്തതെന്ന് ഹർജിയിൽ ആരോപിക്കുന്നു.
2,500 കോടി രൂപ നൽകിയാൽ മുഖ്യമന്ത്രി പദം വാഗ്ദാനം ചെയ്ത് ഡൽഹിയിൽ നിന്നെത്തിയ ചിലർ തന്നെ സമീപിച്ചതായി കർണാടകയിൽ നിന്നുള്ള മുതിർൻന ബിജെപി എംഎൽഎയും മുൻ കേന്ദ്രമന്ത്രിയുമായ ബസനഗൗഡ പാട്ടീൽ യത്നാൽ. ബെലഗാവി ജില്ലയിലെ രാംദുർഗിൽ റാലിയെ അഭിസംബോധന ചെയ്ത് സംസാരിക്കുകയായിരുൻനു…
പതിനഞ്ചു വർഷത്തിലേറെ പഴക്കമുള്ള വാഹനങ്ങളുടെ റജിസ്ട്രേഷൻ പുതുക്കാനുള്ള ചെലവ് കുത്തനെ ഉയരുന്നു. രാജ്യതലസ്ഥാന മേഖലയിലൊഴികെ റീ റജിസ്ട്രേഷനുള്ള നിരക്ക് ഏപ്രിൽ മുതൽ എട്ടിരട്ടി വരെ ഉയർത്താനാണു കേന്ദ്ര റോഡ് ഗതാഗത, ഹൈവേ മന്ത്രാലയത്തിന്റെ നീക്കം.
കോവിഡ് മരണനിരക്ക് കണക്കാക്കാൻ ഇന്ത്യക്ക് സ്വന്തമായി ഡാറ്റാ പൂൾ സംവിധാനമുണ്ടെന്നും മറ്റ് പഠന രീതികളെ ആശ്രയിക്കേണ്ടതില്ലെന്നും ഐസിഎംആർ ഡയറക്ടർ ജനറൽ ഡോ.ബൽറാം ഭാർഗവ. ഇന്ത്യയുടെ എതിർപ്പ് പരിഗണിക്കാതെയാണ് അധികമരണം സംബന്ധിച്ച കണക്കുകൾ പുറത്തുവിട്ടതെന്ന കേന്ദ്രത്തിന്റെ വാദം ഭാർഗവ ആവർത്തിച്ചു.
തൃക്കാക്കര ഉപതിരഞ്ഞെടുപ്പിൽ സിക്സർ അടിച്ച് ഇടതുമുന്നണി സെഞ്ച്വറി പൂർത്തിയാക്കുമെന്ന് ഇടത് സ്ഥാനാർത്ഥി ഡോ. ജോ ജോസഫ്. ഇടതുപക്ഷത്തോട് അടുത്തുനിൽക്കുന്ന മനസ്സാണ് തൃക്കാക്കരയ്ക്കുള്ളത്. മുൻ പൂഞ്ഞാർ എംഎൽഎ പി.സി ജോർജുമായി ചെറിയ അടുപ്പം മാത്രമാണ് തനിക്കുള്ളതെന്നും അദ്ദേഹം പറഞ്ഞു.
കേരളത്തിൽ ഷവർമ കഴിച്ച് വിദ്യാർത്ഥിനി മരിച്ചതിൻ പിന്നാലെ അയൽസംസ്ഥാനമായ തമിഴ്നാട്ടിലും ഭക്ഷ്യവിഷബാധ. ഷവർമ കഴിച്ച് മൂന്ന് വിദ്യാർത്ഥികൾ ആശുപത്രിയിൽ ചികിത്സയിലാണ്.തഞ്ചാവൂരിലാണ് സംഭവം.മൂവരും തഞ്ചാവൂർ മെഡിക്കൽ കോളേജ് ആശുപത്രിയിൽ ചികിത്സയിലാണ്.
രാജ്യത്തെ ഫെർട്ടിലിറ്റി നിരക്ക് 2.2 ശതമാനത്തിൽ നിന്ന് രണ്ട് ശതമാനമായി കുറഞ്ഞതായി ദേശീയ കുടുംബാരോഗ്യ സർവേയുടെ അഞ്ചാമത്തെ റിപ്പോർട്ട്. ഒരു സ്ത്രീ എത്ര കുട്ടികൾക്ക് ജൻമം നൽകുന്നു എന്നതിൻറെ ശരാശരി കണക്കാണിത്. രാജ്യത്ത് കുടുംബാസൂത്രണ പദ്ധതികളുടെ വിജയത്തിൻറെ സൂചനയാണിതെന്ന് റിപ്പോർട്ടിൽ പറയുന്നു.
ബംഗാൾ ഉൾക്കടലിൽ ചുഴലിക്കാറ്റ് മുന്നറിയിപ്പ് നല്‍കി. തെക്കൻ ആൻഡമാൻ കടലിലും തെക്കുകിഴക്കൻ ബംഗാൾ ഉൾക്കടലിലും രൂപപ്പെട്ട ന്യുനമർദ്ദം നാളെ തീവ്ര ന്യുനമർദമായി മാറാൻ സാധ്യതയുണ്ട്. കേരളം ചുഴലിക്കാറ്റിൻ്റെ സഞ്ചാരപഥത്തിൽ ഇല്ല. എന്നാൽ, സംസ്ഥാനത്ത് ഞായറാഴ്ച മുതൽ പരക്കെ മഴയ്ക്ക് സാധ്യതയുണ്ട്.
തൃക്കാക്കരയിലെ യു.ഡി.എഫ് സ്ഥാനാർത്ഥിയായ ഉമാ തോമസിന് തിരഞ്ഞെടുപ്പിൽ കെട്ടിവക്കാനുള്ള തുക ഡോ. എം.ലീലാവതി നൽകും. ഇന്ന് രാവിലെയാണ് ഉമ തോമസ് എം ലീലാവതിയെ വീട്ടിലെത്തി സൻദർശിച്ചത്. അപ്പോഴാണ് ലീലാവതി ടീച്ചര്‍ തിരഞ്ഞെടുപ്പിന് പണം നൽകുമെന്ന് പ്രഖ്യാപിച്ചത്.