നേതാക്കളും പ്രവർത്തകരും ഒരുമിച്ച് നിന്ന് പാർട്ടിയെ പുനരുജ്ജീവിപ്പിക്കാൻ ആഹ്വാനം ചെയ്ത് കോൺഗ്രസ് അധ്യക്ഷ സോണിയാ ഗാന്ധി. പാർട്ടി ആസ്ഥാനത്ത് ചേർന്ന പ്രവർത്തക സമിതി യോഗത്തിൽ പാർട്ടിയുടെ നിലവിലെ അവസ്ഥയെക്കുറിച്ചും അതിൻറെ പുരോഗതിയെക്കുറിച്ചും സോണിയ വിശദമായി സംസാരിച്ചു.
സർക്കാരിനെതിരെ പ്രതിഷേധം ഉയർന്നതിനെ തുടർന്ന് പ്രധാനമന്ത്രി മഹിന്ദ രജപക്സെ രാജിവെച്ചതിന് പിന്നാലെ ശ്രീലങ്കയിൽ ആഭ്യന്തര യുദ്ധം മുറുകുന്നു. പ്രതിഷേധക്കാർ മഹിന്ദ രാജപക്സെയുടെ വീടിന് തീയിട്ടു. കലാപത്തിനിടെ ഭരണകക്ഷിയിലെ ഒരു പാർലമെൻറ് അംഗത്തെ മരിച്ച നിലയിൽ കണ്ടെത്തി.
മുന്നണികൾ തിരഞ്ഞെടുപ്പ് പ്രചാരണം ശക്തമാക്കുമ്പോഴും തൃക്കാക്കരയിൽ എൽ.ഡി.എഫിൻറെ തിരഞ്ഞെടുപ്പ് പ്രചാരണം ശക്തമാക്കാൻ മുഖ്യമന്ത്രിയും എത്തുകയാണ്. 12ന് വൈകിട്ട് പാലാരിവട്ടം ബൈപ്പാസ് ജംഗ്ഷനിൽ നടക്കുന്ന എൽ.ഡി.എഫ് തിരഞ്ഞെടുപ്പ് കൺവെൻഷൻ പിണറായി വിജയൻ ഉദ്ഘാടനം ചെയ്യും.
രൂപയുടെ മൂല്യം എക്കാലത്തെയും താഴ്ന്ന നിലയിലേക്ക് കൂപ്പുകുത്തി. തിങ്കളാഴ്ച ഡോളറിനെതിരെ 77.44 എന്ന നിലയിലാണ് വ്യാപാരം അവസാനിപ്പിച്ചത്. ചൈനയിലെ ലോക്ക്ഡൗൺ, റഷ്യ-ഉക്രൈൻ യുദ്ധം, ഉയർന്ന പലിശ നിരക്കുകളുടെ ഭയം എന്നിവയാണ് രൂപയുടെ മൂല്യത്തെ ബാധിച്ചത്.
ദേശീയപാതാ വികസന പദ്ധതിയുടെ ഭാഗമായി നഷ്ടപരിഹാരമായി 21,583 കോടി രൂപ നൽകിയതായി പൊതുമരാമത്ത് വകുപ്പ് മന്ത്രി പി. എ. മുഹമ്മദ് റിയാസ്. സമീപകാലത്ത് സംസ്ഥാനത്തെ ഏറ്റവും ഉയർന്ന ഭൂമി ഏറ്റെടുക്കൽ പദ്ധതിയാണ് ദേശീയപാതാ വികസന പദ്ധതി. 51,780 പേർക്ക് നഷ്ടപരിഹാരം ലഭിച്ചതായും…
നടിയെ ആക്രമിച്ച കേസിലും ദിലീപ് പ്രതിയായ കൊലക്കേസ് ഗൂഢാലോചന കേസിലും ഉയർന്ന ആരോപണങ്ങൾ നിഷേധിച്ച് നടി കാവ്യ മാധവൻ. ഇന്ന് നടത്തിയ ചോദ്യം ചെയ്യലിൽ തനിക്കെതിരായ ആരോപണങ്ങൾ കാവ്യ നിഷേധിച്ചു.ഈ കേസുമായി ബന്ധപ്പെട്ട് നേരത്തെ കാവ്യയുടെ മൊഴി രേഖപ്പെടുത്തിയിരുന്നു.
ശ്രീലങ്കൻ പ്രധാനമന്ത്രി മഹിന്ദ രജപക്സെ രാജിവെച്ചതിന്റെ പിന്നാലെ ആഭ്യന്തര കലാപം രൂക്ഷമാകുന്നു. കലാപത്തിനിടെ ഭരണകക്ഷിയിലെ ഒരു പാർലമെൻറ് അംഗത്തെ മരിച്ച നിലയിൽ കണ്ടെത്തി. സംഘർഷത്തിനിടെ അമരകീർത്തി അത്തുകോറള എന്ന എം.പിയാണ് കൊല്ലപ്പെട്ടത്.
വസ്തുതാപരമായി കേരളത്തില്‍ ലവ് ജിഹാദ് ഉണ്ടെന്ന് എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ബിജെപി സ്ഥാനാര്‍ത്ഥി എ.എന്‍. രാധാകൃഷ്ണനെ സന്ദര്‍ശിച്ച ശേഷമായിരുന്നു അദ്ദേഹത്തിന്റെ പ്രതികരണം. തൃക്കാക്കരയില്‍ നടക്കുന്നത് ത്രികോണ മത്സരമാണെന്നും വെള്ളാപ്പള്ളി നടേശന്‍ പറഞ്ഞു.
നാറ്റോ രാജ്യങ്ങൾ റഷ്യയെ ആക്രമിക്കില്ലെന്ന് ഉക്രൈൻ പ്രസിഡൻറിൻറെ ഉപദേഷ്ടാവ് മിഷേലോ പൊഡോൽയാക്ക്. ഉക്രൈൻ ക്രിമിയയെ ആക്രമിക്കാൻ പോകുന്നില്ല. റഷ്യൻ സൈന്യം മരിക്കുകയാണ്.രോഗാതുരമായ സാമ്രാജ്യത്വ താൽപര്യമല്ലാതെ യുദ്ധത്തിന് ന്യായമായ ഒരു കാരണവും ഇല്ല എന്നും അദ്ദേഹം പറഞ്ഞു.
കായംകുളത്ത് ബിഎസ്എൻഎൽ ടവറിൽ കയറി യുവതി ആത്മഹത്യയ്ക്ക് ശ്രമിച്ചു. കുട്ടിയെ വിട്ടുകിട്ടണമെന്നാവശ്യപ്പെട്ടാണ് യുവതി ടവറിൽ കയറിയത്. ടവറിലെ കടന്നലിൻറെ കൂട് ആടിയുലഞ്ഞതിനെ തുടർന്ന് സ്ത്രീ താഴേക്ക് ചാടി. എന്നാൽ, ഫയർഫോഴ്സ് സ്ഥാപിച്ച വലയിലാണ് യുവതി വീണത്. യുവതിയെ ആശുപത്രിയിലേക്ക് കൊണ്ടുപോയി.