ലോകാരോഗ്യ സംഘടന പുറത്തുവിട്ട ഇന്ത്യയുടെ കോവിഡ് കണക്കുകൾക്ക് പിന്നിൽ ചില ഫാർമസ്യൂട്ടിക്കൽ കമ്പനികളെന്ന് സംശയം. ഇന്ത്യയിൽ അനുമതി നിഷേധിച്ച ചില കോവിഡ് വാക്സിൻ നിർമ്മാതാക്കളാണോ ഇത്തരമൊരു റിപ്പോർട്ടിൻ പിന്നിലെന്ന് സംശയിക്കുന്നതായി കേന്ദ്ര സർക്കാർ വൃത്തങ്ങൾ പറയുന്നു.
തൃശൂർ പൂരത്തിന്റെ ഭാഗമായുള്ള വെടിക്കെട്ട് വീണ്ടും മാറ്റിവെച്ചു. തൃശ്ശൂർ നഗരത്തിൽ കനത്ത മഴ തുടരുന്ന സാഹചര്യത്തിലാണ് വെടിക്കെട്ട് മാറ്റിയത്. ഞായറാഴ്ച വൈകീട്ട് വെടിക്കെട്ട് നടത്താൻ കഴിയുമോ എന്നാണ് ഇപ്പോൾ പരിശോധിക്കുന്നത്. ബുധനാഴ്ച വൈകിട്ട് 7 മണിക്ക് നടത്താനായിരുന്നു നേരത്തെ തീരുമാനിച്ചിരുന്നത്.
ഞായറാഴ്ച വരെ സംസ്ഥാനത്ത് ഒറ്റപ്പെട്ട കനത്ത മഴ തുടരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് ആറ് ജില്ലകളിലും നാളെ നാല് ജില്ലകളിലും യെല്ലോ അലർട്ട് പ്രഖ്യാപിച്ചു. ഇടിമിന്നലിനും ശക്തമായ കാറ്റിനും സാധ്യതയുണ്ട്. അതേസമയം,ആന്ധ്രാപ്രദേശ് തീരത്തേക്ക് നീങ്ങുന്ന അസനി ചുഴലിക്കാറ്റിന്റെ ശക്തി…
ഇന്ത്യൻ ബാസ്കറ്റ്ബോൾ താരം കെ സി ലിതാരയുടെ മരണത്തിൽ സിബിഐ അന്വേഷണം ആവശ്യപ്പെട്ട് പട്ന ഹൈക്കോടതിയിൽ ഹർജി. ഹൈക്കോടതിയുടെ മേൽനോട്ടത്തിൽ അന്വേഷണം വേണമെന്നതാണ് ആവശ്യം. കോച്ച് രവി സിങ്ങിന്റെ ശാരീരികവും മാനസികവുമായ പീഡനത്തെ തുടർന്നാണ് ലിതാര ആത്മഹത്യ ചെയ്തതെന്നാണ് ഹർജിയിലെ ആരോപണം.
പൊതുവേദിയിൽ വിദ്യാർത്ഥിയെ അപമാനിച്ച സംഭവത്തിൽ സമസ്ത പണ്ഡിതനെതിരെ പ്രതിഷേധം ശക്തമാകുകയാണ്. സ്ത്രീവിരുദ്ധ നിലപാടിനോട് യോജിക്കാനാവില്ലെന്ന് പ്രതിപക്ഷ നേതാവ് വി.ഡി സതീശൻ പറഞ്ഞു. സമസ്ത എത്ര വളർന്നാലും ഉള്ളിലിരിപ്പ് മാറില്ലെന്ന് കെഎൻഎമ്മും പ്രതികരിച്ചു.
രാജ്യത്തെ അഞ്ചിലൊന്ന് കുടുംബങ്ങളും മലമൂത്ര വിസർജ്ജനത്തിനായി തുറസ്സായ സ്ഥലങ്ങളെയാണ് ആശ്രയിക്കുന്നതെന്ന് നാഷണൽ ഫാമിലി ഹെൽത്ത് സർവേ 2019-21 വെളിപ്പെടുത്തി. എല്ലാ സൗകര്യങ്ങളുമുള്ളവർ തുറസ്സായ സ്ഥലങ്ങളിൽ മലമൂത്രവിസർജ്ജനം നടത്താൻ ഇഷ്ടപ്പെടുന്നതായും സർവേ കണ്ടെത്തി.
നടി ആക്രമിക്കപ്പെട്ട കേസിൽ നെയ്യാറ്റിൻകര ബിഷപ്പിന്റെ മൊഴിയെടുക്കും. രണ്ട് ദിവസത്തിനകം മൊഴിയെടുക്കാനാണ് ക്രൈംബ്രാഞ്ചിന്റെ തീരുമാനം.ദിലീപ് കോടതിയിൽ നൽകിയ സത്യവാങ്മൂലത്തിന്റെ അടിസ്ഥാനത്തിലാണ് മൊഴിയെടുപ്പ്. അന്വേഷണ സംഘം ബിഷപ്പ് ഹൗസിലെത്തി മൊഴി രേഖപ്പെടുത്താനാണ് സാധ്യത.
രാജ്യദ്രോഹക്കുറ്റം, കേന്ദ്രം പുനഃപരിശോധിക്കുന്നത് വരെ റദ്ദാക്കിയ സുപ്രീം കോടതിക്കെതിരെ രൂക്ഷവിമർശനവുമായി കേന്ദ്രമന്ത്രി കിരൺ റിജിജു. കോടതിയെയും അതിന്റെ സ്വാതന്ത്ര്യത്തെയും ബഹുമാനിക്കുന്നുവെന്നും എന്നാൽ ഒരു ലക്ഷ്മൺ രേഖയുണ്ടെന്നും അത് മുറിച്ചുകടക്കാൻ പാടില്ലെന്നും അദ്ദേഹം പറഞ്ഞു.
പുറത്താക്കാന്‍ മാത്രമുള്ള പ്രാധാന്യം കെ.വി.തോമസിനില്ലെന്ന് കെപിസിസി അധ്യക്ഷൻ കെ.സുധാകരന്‍. കെ.വി.തോമസിനെ സസ്പെൻഡ് ചെയ്ത ശേഷമാണ് എഐസിസിക്കു റിപ്പോർട്ട് നൽകിയത്. ഇപ്പോൾ കെ.വി.തോമസ് പാർട്ടിയിൽ ഇല്ലെന്നും സുധാകരന്‍ വ്യക്തമാക്കി.
മലപ്പുറം സ്വദേശി ഡോ.ദീപക്കിന്റെ സംഭാവനയ്ക്ക് ഫിഫ അംഗീകാരം നൽകി. സ്പോർട്സ് പേഴ്സണ് നട്ടെല്ലിന് പരിക്കേറ്റാലുള്ള ചികിത്സയെക്കുറിച്ചാണ് ഡോക്ടർ ഗവേഷണം പൂർത്തിയാക്കിയത്. ഖത്തറിൽ നടക്കുന്ന അടുത്ത ലോകകപ്പിൽ ഇത് നടപ്പാക്കുമെന്ന് മെഡിക്കൽ ചേംബർ അറിയിച്ചു.