കെ.എസ്.ആർ.ടി.സി ബഡ്ജറ്റ് ടൂറിസത്തിന്റെ ഭാഗമായി മെയ് 26ന് വാഗമൺ വഴി മൂന്നാറിലേക്ക് പിക്നിക് നടത്തുന്നു. കൊല്ലം കെ.എസ്.ആർ.ടി.സി ഡിപ്പോയിൽ യാത്രയ്ക്കുള്ള ബുക്കിംഗ് ആരംഭിച്ചു. രാവിലെ 5.10ൻ ബസ് പുറപ്പെടും.1150 രൂപയാണ് ടിക്കറ്റ് നിരക്ക്
വീഡിയോ ഗെയിമുകൾ കളിക്കാൻ ശരാശരിയിൽ കൂടുതൽ സമയം ചെലവഴിക്കുന്ന കുട്ടികളുടെ ബുദ്ധിശക്തി കൂടുന്നതായി പഠനം. സയന്റിഫിക് റിപ്പോർട്ട്‌സ് ജേണലിലാണ് പഠനം പ്രസിദ്ധീകരിച്ചിരിക്കുന്നത്. കരോളിൻസ്ക ഇൻസ്റ്റിറ്റ്യൂട്ടും വൃജേ യൂണിവേഴ്സിറ്റിയും നടത്തിയ പഠനത്തിലാണ് ഇത് വ്യക്തമായത്.
ഛത്തീസ്ഗഡ് സർക്കാരിന്റെ ഹെലികോപ്റ്റർ തകർന്ന് വീണ് രണ്ട് പൈലറ്റുമാർ മരിച്ചു. റായ്പൂരിലെ സ്വാമി വിവേകാനന്ദ അന്താരാഷ്ട്ര വിമാനത്താവളത്തിലെ റൺവേയിലാണ് ഹെലികോപ്റ്റർ തകർന്നുവീണത്. ക്യാപ്റ്റൻ ഗോപാൽ കൃഷ്ണ പാണ്ഡ, ക്യാപ്റ്റൻ എ പി ശ്രീവാസ്തവ എന്നിവരാണ് മരിച്ചത്.
വാരണാസിയിലെ ഗ്യാന്‍വാപി മസ്ജിദ് പരിസരത്ത് നടക്കുന്ന സർവേ തുടരാമെന്ന് സുപ്രീം കോടതി. പള്ളി വളപ്പിൽ ഹിന്ദു വിഗ്രഹങ്ങൾ ഉണ്ടോയെന്ന് കണ്ടെത്താൻ സർവേ തുടരാമെന്നും ഇത് സംബന്ധിച്ച റിപ്പോർട്ട് മെയ് 17 നകം സമർപ്പിക്കണമെന്നും കോടതി പറഞ്ഞു.
കെ വി തോമസ് നടപടി അർഹിക്കുന്നുവെന്ന് ഷാഫി പറമ്പിൽ എംഎൽഎ. കെ.വി. തോമസ് ‘സ്വയം നശിക്കുന്ന മോഡ്’ ഓണാക്കി കാത്തിരിക്കുകയായിരുന്നെന്നും നേരത്തെ തയ്യാറാക്കിയ സ്ക്രിപ്റ്റ് അനുസരിച്ചാണ് അദ്ദേഹം പ്രവർത്തിച്ചിരുന്നതെന്നും ഷാഫി പറഞ്ഞു.
പാർട്ടിയിൽ നിന്ന് പുറത്താക്കിയ കെവി തോമസിനെതിരെ പ്രവർത്തകരുടെ പ്രതിഷേധം. കുമ്പളങ്ങിയിലെ പാർട്ടി ഓഫീസിന് മുന്നിൽ സ്ഥാപിച്ചിരുന്ന ഫ്ളക്സിൽ നിന്ന് കെവി തോമസിന്റെ ചിത്രം പ്രവർത്തകർ നീക്കം ചെയ്ത് തീയിട്ടു. തോമസിനെ പാർട്ടിയിൽ നിന്ന് പുറത്താക്കിയതായി കെപിസിസി പ്രസിഡന്റ് അറിയിച്ചു.
തൃക്കാക്കരയിൽ മത്സരിക്കുന്ന സ്ഥാനാർത്ഥികളുടെ സ്വത്തുക്കളുടെ വിശദാംശങ്ങൾ പുറത്ത്. എൽ.ഡി.എഫ് സ്ഥാനാർത്ഥി ഡോ.ജോ ജോസഫിന് 2.19 കോടി രൂപയുടെയും യു.ഡി.എഫ് സ്ഥാനാർത്ഥി ഉമാ തോമസിന് 70 ലക്ഷം രൂപയുടെയും എൻഡിഎ സ്ഥാനാർത്ഥി എഎൻ രാധാകൃഷ്ണന് 95 ലക്ഷം രൂപയുടെയും ആസ്ഥിയുണ്ട്.
മുതിർന്ന കോൺഗ്രസ് നേതാവും മുന്‍ കേന്ദ്രമന്ത്രിയുമായ കെ.വി.തോമസിനെ കോണ്‍ഗ്രസില്‍നിന്നു പുറത്താക്കിയതായി കെപിസിസി അധ്യക്ഷൻ കെ.സുധാകരൻ. തൃക്കാക്കര എൽഡിഎഫ് തിരഞ്ഞെടുപ്പ് കൺവൻഷനിൽ പങ്കെടുത്തതിനു പിന്നാലെയാണ് ഈ നടപടി. എഐസിസിയുടെ അനുമതിയോടെയാണ് നടപടിയെന്ന് സുധാകരൻ അറിയിച്ചു.
കെ.എസ്.ഇ.ബി. സേവനങ്ങളുടെ ഗുണനിലവാരം സംബന്ധിച്ച് ഉപഭോക്താക്കളിൽ നിന്ന് അഭിപ്രായം തേടി കെ.എസ്.ഇ.ബി ലിമിറ്റഡ് ഓൺലൈൻ സർവേ ആരംഭിച്ചു. ഉപഭോക്തൃ സേവന വെബ്സൈറ്റ് വഴിയാണ് സർവേ നടത്തുന്നത്. രജിസ്റ്റർ ചെയ്ത ഉപഭോക്താക്കൾക്ക് സൈറ്റിൽ പ്രവേശിക്കാനും അഭിപ്രായങ്ങൾ രേഖപ്പെടുത്താനും കഴിയും.
നിർബന്ധമായും തോക്കുകൾ കൈവശം വയ്ക്കാൻ കൊൽക്കത്ത ട്രാഫിക് പൊലീസ് ഉദ്യോഗസ്ഥർക്ക് നിർദ്ദേശം. നൈറ്റ് ഡ്യൂട്ടിയിലുണ്ടായിരുന്ന ഉദ്യോഗസ്ഥർക്കാണ് നിർദ്ദേശങ്ങൾ നൽകിയത്. ലാൽബസാറിലെ കൊൽക്കത്ത പൊലീസ് ആസ്ഥാനമാണ് ഇത് സംബന്ധിച്ച വിജ്ഞാപനം പുറപ്പെടുവിച്ചത്. പൊലീസിൻറെ സുരക്ഷ കണക്കിലെടുത്താണ് പുതിയ തീരുമാനം.