ഇടവ മാസപൂജകൾക്കായി ശബരിമല നട ശനിയാഴ്ച വൈകീട്ട് അഞ്ചിന് തുറക്കും. ക്ഷേത്രം തന്ത്രി കണ്ഠരര് മഹേഷ് മോഹനർ മുഖ്യകാർമികത്വം വഹിക്കും. മെയ് 19ന് രാത്രി 10 മണിക്ക് ക്ഷേത്രം അടയ്ക്കും. വെർച്വൽ ക്യൂ ബുക്കിംഗിലൂടെ ഇത്തവണയും ഭക്തർക്ക് ദർശനം നടത്താൻ കഴിയും.
എൻഡോസൾഫാൻ ദുരിതബാധിതർക്ക് അഞ്ച് വർഷം കഴിഞ്ഞിട്ടും നഷ്ടപരിഹാരം നൽകാത്തത് എന്തുകൊണ്ടാണെന്ന് സുപ്രീം കോടതി ചോദിച്ചു. ജനങ്ങളുടെ ക്ഷേമം ലക്ഷ്യമിടുന്ന ഒരു സർക്കാരിന് ഇരകളെ അവഗണിക്കാൻ കഴിയില്ല. നഷ്ടപരിഹാരം ലഭിക്കാതെ എത്രപേർ മരിച്ചുണ്ടാകുമെന്നും കോടതി ചോദിച്ചു.
യു.എ.ഇ പ്രസിഡൻറും അബുദാബി ഭരണാധികാരിയുമായ ഷെയ്ഖ് ഖലീഫ ബിൻ സായിദ് അൽ നഹ്യാൻറെ നിര്യാണത്തിൽ പ്രതികരണവുമായി മുൻ മന്ത്രി കെ.ടി ജലീൽ. ഇന്ത്യയുമായും മലയാളികളുമായും അടുത്ത ബന്ധം പുലർത്തിയിരുന്ന വ്യക്തിയാണ് അദ്ദേഹമെന്നും കെടി ജലീൽ പറഞ്ഞു.
ആദിവാസി മേഖലകളിലെ സമഗ്ര ആരോഗ്യ വികസനത്തിനായി വിദഗ്ധ പരിശീലനം സംഘടിപ്പിക്കുമെന്ന് ആരോഗ്യമന്ത്രി വീണാ ജോർജ് പറഞ്ഞു. ആദിവാസി മേഖലകളിലെ എല്ലാ ഉപകേന്ദ്രങ്ങളുടെയും ശാക്തീകരണമാണ് ഇതിലൂടെ ലക്ഷ്യമിടുന്നത്. ആദിവാസി മേഖലയിലെ ഒരു ഉപകേന്ദ്രവുമായി ബന്ധപ്പെട്ട എല്ലാ ജീവനക്കാരെയും ഈ പരിശീലനത്തിൽ ഉൾക്കൊള്ളിക്കും.
പോക്സോ കേസിൽ പ്രതിയായ മലപ്പുറത്തെ അധ്യാപകൻ കെ.വി ശശികുമാറിനെതിരെ കർശന നടപടി സ്വീകരിക്കുമെന്ന് വിദ്യാഭ്യാസ മന്ത്രി വി.ശിവൻകുട്ടി. ഇക്കാര്യത്തിൽ അടിയന്തിര റിപ്പോർട്ട് സമർപ്പിക്കാൻ ഡിഡിക്ക് നിർദ്ദേശം നൽകി. റിപ്പോർട്ട് ലഭിച്ചാലുടൻ നടപടി സ്വീകരിക്കുമെന്നും മന്ത്രി പറഞ്ഞു.
മോദി സർക്കാരിനെ വിമർശിച്ച് സോണിയാ ഗാന്ധി. മോദി സർക്കാരിന്റെ ഭരണം വിഭജനത്തിൽ അധിഷ്ഠിതമാണെന്ന് സോണിയാ ഗാന്ധി പറഞ്ഞു. മോദി സർക്കാർ ജനങ്ങളെ നിരന്തരമായ ഭയത്തിലും അരക്ഷിതാവസ്ഥയിലും ജീവിക്കാൻ നിർബന്ധിക്കുന്നു. ഇത് രാജ്യത്തെ നിരന്തരമായ ധ്രുവീകരണത്തിന്റെ അവസ്ഥയിൽ നിലനിർത്തുന്നുവെന്നും സോണിയ ഗാന്ധി വിമർശിച്ചു.
കേരള തീരം ഉൾപ്പെടെ ഇന്ത്യയുടെ പടിഞ്ഞാറൻ തീരത്ത് കാലവർഷത്തിൽ മഴയുടെ സ്വഭാവം മാറുന്നതായി പഠനം. കഴിഞ്ഞ 2 ദശകങ്ങളായി മഴയിൽ വലിയ മാറ്റങ്ങൾ ഉണ്ടായതായി ഗവേഷകർ കണ്ടെത്തി. മഴമേഘങ്ങളുടെ ഘടനയിലുണ്ടായ മാറ്റമാണ് ഇതിന് കാരണം. അതിനാൽ, മൺസൂൺ കൂടുതൽ ശക്തിയുള്ളതാവൻ സാധ്യതയുണ്ടെന്ന്…
ഉദയ്പൂര്‍ ചിന്തന്‍ ശിബിരത്തിന് ശേഷം രാഹുൽ ഗാന്ധി കോൺഗ്രസ് അധ്യക്ഷ സ്ഥാനം ഏറ്റെടുത്തേക്കും. രാഹുൽ ഗാന്ധിക്ക് പാർട്ടി അധ്യക്ഷസ്ഥാനം നൽകണമെന്നാണ് ഭൂരിഭാഗം നേതാക്കളുടെയും ആവശ്യം. കേരളത്തിൽ നിന്നുള്ള എല്ലാ നേതാക്കളും ഈ നിലപാടുള്ളവരാണ്.
സോളാർ പീഡനക്കേസിൽ ഹൈബി ഈഡൻ എം.പിയെ സി.ബി.ഐ ചോദ്യം ചെയ്തു. കൊച്ചിയിലെ കേന്ദ്ര സർക്കാർ ഗസ്റ്റ് ഹൗസിൽ വച്ചാണ് മണിക്കൂറുകൾ നീണ്ട ചോദ്യം ചെയ്യൽ നടന്നത്. കേസ് അന്വേഷിക്കുന്ന സിബിഐയുടെ തിരുവനന്തപുരം സ്പെഷ്യൽ യൂണിറ്റിലെ ഉദ്യോഗസ്ഥരാണ് ഹൈബിയെ ചോദ്യം ചെയ്തത്.
കോടതികൾ ദീർഘകാല അവധിയിൽ പ്രവേശിക്കുന്നതിനെതിരെ സംവിധായകൻ അൽഫോൺസ് പുത്രൻ രംഗത്ത്. കോടതിക്ക് അവധിയുണ്ടെങ്കിൽ, ഓരോ തൊഴിലാളിക്കും അവധി നൽകണം. തന്നെ സംബന്ധിച്ചിടത്തോളം, കോടതിയേക്കാൾ പ്രധാനമാണ് ഭക്ഷണം. അതിൽ വിഷാംശം കലർത്തുന്ന പ്രശ്നങ്ങൾ ഉണ്ടെങ്കിൽ അത് പരിഹരിക്കേണ്ടത് കോടതിയാണെന്നും അദ്ദേഹം പറഞ്ഞു.