കേരളത്തിൽ സുരക്ഷിതമായ ഭക്ഷണം ലക്ഷ്യമിട്ട് നടപടികൾ കടുപ്പിച്ച് ആരോഗ്യവകുപ്പ്. കേരളത്തിലെ ഹോട്ടലുകളിൽ ഭക്ഷ്യസുരക്ഷാ ലൈസൻസ് നിർബന്ധമാക്കുമെന്ന് ആരോഗ്യമന്ത്രി വീണാ ജോർജ് അറിയിച്ചു. ‘നല്ല ഭക്ഷണം നാടിന്റെ അവകാശം’ എന്ന ആരോഗ്യ വകുപ്പിന്റെ കാമ്പയിന്റെ ഭാഗമായാണ് പുതിയ നടപടികൾ.
വെഡ്ഡിംഗ് ഫോട്ടോഷൂട്ടുകൾ ഇനി കൊച്ചി മെട്രോയിൽ നടത്താം. മെട്രോയിൽ നേരത്തെ സിനിമ, പരസ്യ ചിത്രീകരണങ്ങൾക്ക് അനുമതി നൽകിയിരുന്നു. നിലവിൽ വിവാഹ ഫോട്ടോഷൂട്ടുകൾക്ക് അനുമതിയുണ്ട്. സിനിമ, പരസ്യ ഫോട്ടോഷൂട്ടുകൾക്ക് നൽകിയതിനേക്കാൾ കുറവായിരിക്കും ഇതിനുള്ള തുക. രണ്ട് മണിക്കൂറിനു 5,000 രൂപ നൽകണം.
ഈ അധ്യയന വർഷം മുതൽ അധ്യാപകർക്കും അധ്യാപന രംഗത്ത് മികവ് തെളിയിക്കേണ്ടി വരും. വിദ്യാർത്ഥികളുടെ പഠന നിലവാരം മെച്ചപ്പെടുത്താനുള്ള ശ്രമങ്ങളുടെ ഭാഗമായി കർശന പഠന ക്രമീകരണങ്ങൾ സർക്കാർ ഏർപ്പെടുത്തും. സംസ്ഥാനത്തെ അധ്യാപകരുടെ ഗുണനിലവാരം ഓരോ 3 മാസത്തിലും വിലയിരുത്തുമെന്ന് മന്ത്രി വി.ശിവൻകുട്ടി…
റിഫ മെഹ്നുവിന്റേത് തൂങ്ങിമരണമെന്ന് പോസ്റ്റ്മോർട്ടം റിപ്പോർട്ട്. ദുബായിൽ മരിച്ച നിലയിൽ കണ്ടെത്തിയ റിഫയുടെ മൃതദേഹം രണ്ട് മാസത്തിന് ശേഷമാണ് പുറത്തെടുത്ത് പോസ്റ്റ്മോർട്ടം നടത്തിയത്. റിഫയുടെ കഴുത്തിൽ കണ്ടെത്തിയ പാടുകൾ തൂങ്ങിമരിച്ചതിന്റെ പാടുകളാണെന്ന് പോസ്റ്റുമോർട്ടത്തിൽ സ്ഥിരീകരിച്ചു.
ആളൊഴിഞ്ഞ വീട്ടിൽ നിന്ന് മോഷ്ടിക്കാൻ പോയ മോഷ്ടാവ് കിണറ്റിൽ വീണു. നിലവിളിയും ബഹളവും കേട്ട് അയൽവാസികളും അഗ്നിരക്ഷാസേനയും ചേർന്ന് ഒടുവിൽ മോഷ്ടാവിനെ കരയിലെത്തിച്ച് പൊലീസിൽ ഏൽപ്പിച്ചു. കണ്ണൂർ എരമം-കുറ്റൂർ പഞ്ചായത്തിലെ തുമ്പത്തടത്ത് ഇന്നലെ രാത്രിയാണ് സംഭവം.
ലൈഫ് ഭവന പദ്ധതിയിൽ ഉൾപ്പെടുത്തി നിർമ്മിച്ച വീടുകളുടെ താക്കോൽദാനം ഇന്ന് നടക്കും. തിരുവനന്തപുരം കഠിനംകുളത്ത് പുതുതായി നിർമ്മിച്ച 20,808 വീടുകളുടെ താക്കോൽ വിതരണത്തിൻറെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ നിർവ്വഹിക്കും.
കേരളത്തിൽ ഒറ്റപ്പെട്ട സ്ഥലങ്ങളിൽ ഇടിമിന്നലോട് കൂടിയ ശക്തമായ മഴ തുടരാൻ സാധ്യത. നാല് ജില്ലകളിൽ ഓറഞ്ച് അലർട്ടും 10 ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. അറബിക്കടലിലെ ശക്തമായ പടിഞ്ഞാറൻ കാറ്റും ബംഗാൾ ഉൾക്കടലിൽ തമിഴ്നാട് തീരത്ത് രൂപപ്പെട്ട ചുഴലിക്കാറ്റുമാണ് മഴയ്ക്ക് കാരണം.
നടിയെ ആക്രമിച്ച കേസിന്റെ പുനരന്വേഷണത്തിൽ അറസ്റ്റിലായ നടൻ ദിലീപിന്റെ സുഹൃത്ത് ശരത് ജി നായർ നടിയെ ആക്രമിക്കുന്നതിന്റെ ദൃശ്യങ്ങൾ കൈക്കലാക്കിയെന്നും പിന്നീട് പലതവണ കണ്ട ശേഷം അത് നശിപ്പിച്ചുവെന്നും ക്രൈംബ്രാഞ്ച്. ഈ വസ്തുത സാധൂകരിക്കുന്ന അഭിഭാഷകരുടെ ഫോൺ കോളും തെളിവായി.
നടിയെ ആക്രമിച്ച കേസിലെ പ്രതി വിജയ് ബാബുവിനെ തിരികെ കൊണ്ടുവരാനുള്ള കേരള പൊലീസിൻറെ ശ്രമം പരാജയപ്പെട്ടു. വിജയ് ബാബുവിനെ നാടുകടത്താനുള്ള നീക്കം കേന്ദ്ര ആഭ്യന്തര മന്ത്രാലയത്തിൻറെ സഹകരണത്തോടെ വേണം. എന്നാൽ, കേന്ദ്ര ഏജൻസികളിൽ നിന്ന് വേണ്ടത്ര സഹകരണം ലഭിക്കുന്നില്ലെന്നാണ് പരാതി.
ഉത്തരേന്ത്യയിൽ താപനിലയിൽ നേരിയ ശമനം. രാജസ്ഥാൻ, പഞ്ചാബ്, മധ്യപ്രദേശ്, ഡൽഹി, ഹരിയാന എന്നിവിടങ്ങളിൽ ഇന്ന് മുതൽ അടുത്ത 4 ദിവസത്തേക്ക് ഉഷ്ണതരംഗം അനുഭവപ്പെടില്ലെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഡൽഹിയിലെ പരമാവധി താപനില ഇന്ന് 41 ഡിഗ്രി സെൽഷ്യസിലേക്ക് താഴും.