മതവിദ്വേഷ പ്രസംഗക്കേസിൽ ജാമ്യം റദ്ദാക്കിയ കോടതി ഉത്തരവിനെതിരെ പി.സി ജോർജ് നൽകിയ ഹർജി ഹൈക്കോടതി ഇന്ന് പരിഗണിക്കും. മൂന്ന് ഹർജികളാണ് പരിഗണിക്കുക. ജസ്റ്റിസ് സിയാദ് റഹ്മാന്റെ നേതൃത്വത്തിലുള്ള ബഞ്ചാണ് ഹർജികൾ പരിഗണിക്കുന്നത്.
തിരുവനന്തപുരം കിഴക്കേകോട്ടയിൽ നടത്തിയ മതവിദ്വേഷ പ്രസംഗവുമായി ബന്ധപ്പെട്ട് പി.സി ജോർജിൻറെ ജാമ്യം മജിസ്ട്രേറ്റ് കോടതി റദ്ദാക്കിയിരുന്നു. കോടതി ഉത്തരവ് ചോദ്യം ചെയ്തുള്ള ഹർജി ഇന്ന് രാവിലെ 10.30ൻ പരിഗണിക്കും.
സമാനമായ കേസിൽ ജോർജിൻറെ ജാമ്യാപേക്ഷയും വെണ്ണല കേസിൽ പി.സി ജോർജിൻറെ മുൻകൂർ ജാമ്യാപേക്ഷയും ഇന്ന് ഉച്ചയോടെ പരിഗണിക്കും.