നടിയെ ആക്രമിച്ച കേസിൽ നിർണായക നീക്കവുമായി സംസ്ഥാന സർക്കാർ. കേസിൽ അതിജീവിതയ്ക്ക് താൽപ്പര്യമുള്ള അഭിഭാഷകനെ സ്പെഷ്യൽ പബ്ലിക് പ്രോസിക്യൂട്ടറായി നിയമിക്കും. ആരെ പ്രോസിക്യൂട്ടറായി നിയമിക്കണമെന്ന് തീരുമാനിക്കാൻ അതിജീവിച്ച വ്യക്തിയോട് സർക്കാർ ആവശ്യപ്പെട്ടതായാണ് റിപ്പോർട്ടുകൾ.
ഒരു സമ്പൂർണ്ണ പൂര ആഘോഷത്തിനായുള്ള രണ്ട് വർഷത്തെ കാത്തിരിപ്പിന് വിരാമമായി. മഴമേഘങ്ങൾ ആശങ്കയുളവാക്കുന്നുണ്ടെങ്കിലും പൂരം പൊടിപൂരമാകുമെന്ന പ്രതീക്ഷയിലാണ് തൃശ്ശൂർക്കാർ. ലോകത്തിൻറെ വിവിധ ഭാഗങ്ങളിൽ നിന്നുള്ള സന്ദർശകർ തൃശ്ശൂരിലെത്തിയിട്ടുണ്ട്.
വിദേശത്ത് ഒളിവിൽ കഴിയുന്ന, നടിയെ പീഡിപ്പിച്ച കേസിലെ പ്രതി വിജയ് ബാബു എവിടെയാണെന്ന് ഇനിയും കണ്ടെത്താനായിട്ടില്ല. ഇൻറർപോളിൻറെ സഹായത്തോടെ വിജയ് ബാബുവിനെ അറസ്റ്റ് ചെയ്യാനുള്ള നടപടികൾ പൊലീസ് വേഗത്തിലാക്കിയിട്ടുണ്ട്.
ആലപ്പുഴ: സർക്കാർ സംഘടിപ്പിച്ച തൊഴിൽ മേളയിൽ തൊഴില്‍ദാതാക്കളായെത്തിയതില്‍ തട്ടിപ്പുകമ്പനിയുമെന്നു പരാതി. ശസ്ത്രക്രിയാ ഉപകരണങ്ങൾ വിൽക്കാനെന്ന വ്യാജേന ഉദ്യോഗാർത്ഥികളെ നിയമിച്ചിരുന്ന ഒരു സ്വകാര്യ കമ്പനി വീടുവീടാന്തരം കയറിയിറങ്ങി മുളകുപൊടിയും മല്ലിപ്പൊടിയും വിൽക്കാൻ വിട്ടു. ഇതോടെയാണ് സംഭവം വിവാദമായത്.
മുൻ മന്ത്രിയും ആർഎസ്പി നേതാവുമായ ഷിബു ബേബി ജോണിൻറെ കൊല്ലത്ത് വീട്ടിൽ മോഷണം. തമിഴ്നാട് സ്വദേശി രമേഷ് എന്ന രാസാത്തി രമേശിനെയാണ് പൊലീസ് അറസ്റ്റ് ചെയ്തത്. ഇയാളിൽ നിന്ന് 50 പവനോളം സ്വർണം പിടിച്ചെടുത്തു. 35 പവൻ സ്വർണാഭരണങ്ങളും 15 പവൻ…
മംഗളൂരു: രണ്ട് ദിവസം മുമ്പ് വിനോദ സഞ്ചാരികൾക്കായി തുറന്നുകൊടുത്ത മാൽപെ ബീച്ചിലെ ഒഴുകുന്ന പാലം തകർന്നുവീണു. പരീക്ഷണാടിസ്ഥാനത്തിൽ 15 ദിവസത്തേക്ക് തുറന്ന പാലം ഞായറാഴ്ച വൈകുന്നേരമാണ് കനത്ത മഴയിലും തിരമാലയിലും തകർന്നത്. പാലത്തിൻറെ ചില ഭാഗങ്ങൾ കടലിൽ ഒലിച്ചുപോയി.
2005ലെ കോഴിക്കോട് സമാന്തര ടെലിഫോൺ എക്‌സ്‌ചേഞ്ച് കേസിൽ വിധി ഇന്ന്. കോഴിക്കോട് സിജെഎം കോടതിയാണ് വിധി പറയുക.കോഴിക്കോട്ടെ സമാന്തര ടെലിഫോൺ എക്‌സ്‌ചേഞ്ചിന് രാജ്യാന്തര ബന്ധമുണ്ടെന്ന് കണ്ടെത്തിയിരുന്നു. കോഴിക്കോട് ചിന്താവളപ്പ് റോഡിലാണ് സമാന്തര ടെലിഫോൺ എക്‌സ്‌ചേഞ്ച് പ്രവർത്തിക്കുന്നതായി കണ്ടെത്തിയത്.
നടിയെ ആക്രമിച്ച കേസിലെ ദൃശ്യങ്ങൾ ചോർന്നോ എന്ന് അന്വേഷിക്കണമെന്ന് ആവശ്യപ്പെട്ട് ചീഫ് ജസ്റ്റിസിന് അതിജീവിതയുടെ കത്ത്. വിചാരണക്കോടതിയുടെ കൈവശമുള്ള മെമ്മറി കാർഡിൽ കൃത്രിമം നടന്നിട്ടുണ്ടോയെന്ന് അന്വേഷിക്കണം. കുറ്റക്കാർക്കെതിരെ കർശന നടപടി വേണമെന്നും കത്തിൽ ആവശ്യപ്പെടുന്നു.
വിദേശ രാജ്യങ്ങളിൽ ജോലിക്ക് ഇനി പൊലീസ് ക്ലിയറൻസ് ലഭിക്കില്ല. സ്വഭാവം നല്ലതാണ് എന്ന സര്‍ട്ടിഫിക്കറ്റ് നൽകാൻ കേന്ദ്ര സർക്കാരിന് മാത്രമേ അവകാശമുള്ളൂ എന്ന ഹൈക്കോടതി ഉത്തരവിൻറെ പശ്ചാത്തലത്തിലാണ് തീരുമാനം. ഡി.ജി.പി അനിൽകാന്താണ് ഇതു സംബന്ധിച്ച സർക്കുലർ പുറത്തിറക്കിയത്.
രണ്ടാഴ്ചയിലേറെ നീണ്ട ചികിത്സയ്ക്ക് ശേഷം മുഖ്യമന്ത്രി പിണറായി വിജയൻ അമേരിക്കയിൽ നിന്ന് മടങ്ങിയെത്തി. യുഎസിൽ ചികിത്സയിൽ കഴിഞ്ഞ ശേഷം മറ്റ് ചില വിദേശ രാജ്യങ്ങളിലേക്ക് പോകേണ്ടിയിരുന്നെങ്കിലും തൃക്കാക്കര ഉപതിരഞ്ഞെടുപ്പ് കണക്കിലെടുത്ത് മുഖ്യമന്ത്രി കേരളത്തിലേക്ക് മടങ്ങുകയായിരുന്നു.