കഴിഞ്ഞ സീസണോടെ ഫ്രഞ്ച് ക്ലബ്ബ് പി.എസ്.ജിയുമായുള്ള കരാര്‍ അവസാനിച്ച അര്‍ജന്റീന താരം ഏയ്ഞ്ചല്‍ ഡി മരിയ ഇറ്റാലിയന്‍ ക്ലബ്ബ് യുവന്റസിൽ. 34 കാരനായ ഡി മരിയ ഏഴ് വർഷത്തിനിടെ പി.എസ്.ജിക്ക് വേണ്ടി 295 മത്സരങ്ങളിൽ നിന്ന് 92 ഗോളുകൾ നേടിയിട്ടുണ്ട്. 2015 ൽ മാഞ്ചസ്റ്റർ യുണൈറ്റഡിൽ നിന്നാണ് അദ്ദേഹം ഫ്രഞ്ച് ക്ലബിൽ ചേർന്നത്.
പി.എസ്.ജി വിട്ട ഡി മരിയയെ വാങ്ങാനുള്ള മത്സരത്തിലായിരുന്നു ബാഴ്സലോണയും. അവരെ മറികടന്നാണ് യുവന്‍റസ് ഇപ്പോൾ അദ്ദേഹത്തെ ടീമിലെത്തിച്ചിരിക്കുന്നത്.