ലോകേഷ് കനകരാജ് സംവിധാനം ചെയ്ത കൈതിയിൽ കാർത്തിയാണ് പ്രധാന കഥാപാത്രത്തെ അവതരിപ്പിച്ചത്. 2019 ൽ പുറത്തിറങ്ങിയ ചിത്രം വൻ ഹിറ്റായിരുന്നു. ഇപ്പോൾ ചിത്രം ഹിന്ദിയിലേക്ക് റീമേക്ക് ചെയ്യാനുള്ള തയ്യാറെടുപ്പിലാണ്. അജയ് ദേവ്ഗൺ ആണ് ചിത്രം സംവിധാനം ചെയ്യുന്നത്.
അജയ് തന്നെയാണ് ഈ സന്തോഷവാർത്ത ആരാധകരുമായി പങ്കുവെച്ചത്. ‘ആക്ഷൻ പറയാൻ സമയമായി’ എന്ന അടിക്കുറിപ്പോടെയാണ് താരം ക്യാമറയ്ക്ക് പിന്നിൽ നിന്നുള്ള ചിത്രം പങ്കുവച്ചത്. ഭോല എന്ന് പേരിട്ടിരിക്കുന്ന ചിത്രം 2023 ഓഗസ്റ്റ് 30 നു പ്രദർശനത്തിനെത്തും. കാർത്തി അവതരിപ്പിക്കുന്ന ഡില്ലി എന്ന കഥാപാത്രത്തെ അജയ് ദേവ്ഗൺ അവതരിപ്പിക്കും. നടി തബുവും ചിത്രത്തിൽ ഒരു പ്രധാന വേഷത്തിൽ പ്രത്യക്ഷപ്പെടും.