ഫ്രഞ്ച് വാഹന നിർമാതാക്കളായ റെനോ ജനപ്രിയ കാറുകളിലൊന്നായ റെനോ 4 നെയിംപ്ലേറ്റ് പുനരുജ്ജീവിപ്പിക്കാനുള്ള തയ്യാറെടുപ്പിലാണെന്ന് റിപ്പോർട്ട്. ഈ എൻട്രി-ലെവൽ ഹാച്ച്ബാക്ക് 1960 കളുടെ ആരംഭം മുതൽ 1990 കളുടെ മധ്യം വരെ തിരഞ്ഞെടുത്ത അന്താരാഷ്ട്ര വിപണികളിൽ വിൽപ്പനയ്ക്കുണ്ടായിരുന്നു. ഇപ്പോൾ ഈ മോഡൽ തിരിച്ചെത്തുകയാണ്.
ഏറ്റവും പുതിയ റിപ്പോർട്ടുകൾ പ്രകാരം, ഇലക്ട്രിക് പവറുമായി വരുന്ന പുതിയ റെനോ 4 ഈ വർഷം ഒക്ടോബർ 17 ന് ആഗോള തലത്തിൽ അരങ്ങേറ്റം കുറിക്കും. റെനോ 4 കൺസെപ്റ്റിന്‍റെ പുതിയ ടീസർ ചിത്രങ്ങൾ കമ്പനി പുറത്തുവിട്ടു.
ഇലക്ട്രിക് ക്രോസ്ഓവർ ആയിരിക്കും പുതിയ മോഡൽ. കൂടാതെ, ജ്വലന എഞ്ചിൻ ഉണ്ടാവില്ല. റെനോ 4 മാത്രമല്ല, ഫ്രഞ്ച് വാഹന നിർമാതാക്കൾ 5 ഹാച്ച്ബാക്കും വീണ്ടും അവതരിപ്പിക്കും. എന്നിരുന്നാലും, എസ്‌യുവി ക്രേസിൽ പണം സമ്പാദിക്കാനുള്ള കൂടുതൽ സാഹസിക വാഹനമായി റെനോ 4 മാറും.