വിവിഡിഎൻ ടെക്നോളജീസ് എംഇഐടിവൈ പ്രധാന ഗവേഷണ വികസന സംഘടനയായ സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിംഗുമായി (സി-ഡാക്ക്) ഒരു കരാർ ഒപ്പിട്ടതായി പ്രഖ്യാപിച്ചു. ഇന്ത്യയിലെ ആദ്യത്തെ തദ്ദേശീയമായി രൂപകൽപ്പന ചെയ്ത ഹൈ-പെർഫോമൻസ് കമ്പ്യൂട്ടിംഗ് (എച്ച്പിസി) സെർവറുകളുടെ നിർമ്മാണത്തിനായാണ് കരാർ.
സി-ഡാക് രൂപകൽപ്പന ചെയ്ത ‘രുദ്ര’ എച്ച്പിസി സെർവറുകൾ നാഷണൽ സൂപ്പർ കംപ്യൂട്ടിംഗ് മിഷന്‍റെ കീഴിൽ വിവിഡിഎൻ നിർമ്മിക്കുകയും സി-ഡാക്കിന്‍റെ സൂപ്പർ കമ്പ്യൂട്ടറുകളുടെ ‘പരം’ സീരീസിൽ ഉപയോഗിക്കാൻ പദ്ധതിയിടുകയും ചെയ്യും. ഹൈ പെർഫോമൻസ് കമ്പ്യൂട്ടിംഗ് (എച്ച്പിസി) സിസ്റ്റങ്ങൾ, ഹൈപ്പർസ്കെയിൽ ഡാറ്റാ സെന്‍ററുകൾ, എഡ്ജ് കമ്പ്യൂട്ടിംഗ്, ബാങ്കിംഗ് & കൊമേഴ്സ്, മാനുഫാക്ചറിംഗ്, ഓയിൽ & ഗ്യാസ് വ്യവസായം, ഹെൽത്ത് കെയർ എന്നിവയുൾപ്പെടെയുള്ള മേഖലകളുടെ വിശാലമായ സ്പെക്ട്രം തദ്ദേശീയമായി നിർമ്മിച്ച സെർവറിൽ നിന്ന് പ്രയോജനം നേടും.
850 മില്ലീമീറ്റർ x 560 മില്ലീമീറ്റർ വരെ ബോർഡ് വലുപ്പം കൈകാര്യം ചെയ്യാൻ കഴിവുള്ള എസ്എംടി ലൈനുകളുള്ള ഒരു സമ്പൂർണ്ണ മാനുഫാക്ചറിംഗ് സെറ്റപ്പ് വിവിഡിഎൻ സ്ഥാപിച്ചിട്ടുണ്ട്. ടൂളിംഗ്, ഇഞ്ചക്ഷൻ മോൾഡിംഗ്, ഷീറ്റ് മെറ്റൽ ഫാബ്രിക്കേഷൻ, സമർപ്പിത അസംബ്ലി ലൈനുകൾ, ശക്തമായ പരിശോധന, വാലിഡേഷൻ, വിശ്വാസ്യത സജ്ജീകരണം എന്നിവയുള്ള ഒരു വലിയ മെക്കാനിക്കൽ ഇൻഫ്രാസ്ട്രക്ചറും കമ്പനിക്കുണ്ട്. റാക്ക് സ്റ്റോറേജ് സെർവറുകൾ, കമ്മ്യൂണിക്കേഷൻ സെർവറുകൾ മുതലായ സെർവറുകളുടെ രൂപകൽപ്പന, വികസനം, നിർമ്മാണം എന്നിവയിൽ വിവിഡിഎൻ വൈദഗ്ധ്യം നേടിയിട്ടുണ്ട്. ഡാറ്റാ സെന്റർ സ്പേസിൽ പ്രവർത്തിക്കുമ്പോൾ, വിവിഡിഎന്നിൻ നെറ്റ്വർക്ക് കമ്പ്യൂട്ടിംഗിനായി ഒവിഎസിനും എസ്എസ്എല്ലിനും അതിന്‍റെ ഐപികളുണ്ട്.