ലോക ഏഴാം നമ്പർ താരമായ സിന്ധുവിനെതിരെ ബിംഗ് ജിയാവോ മികച്ച പ്രകടനമാണ് പുറത്തെടുത്തത്. മത്സരം ഒരു മണിക്കൂർ നീണ്ടുനിന്നു. കഴിഞ്ഞ മാസം നടന്ന ഇന്തോനേഷ്യൻ ഓപ്പണിന്‍റെ ആദ്യ റൗണ്ടിൽ ബിങ് ജിയാവോയോട് സിന്ധു പരാജയപ്പെട്ടിരുന്നു. അതിനുള്ള മധുരപ്രതികാരം കൂടിയായിരുന്നു ഈ വിജയം. സ്കോർ: 21-13, 17-21, 21-15.
പുരുഷ സിംഗിൾസിൽ സായ് പ്രണീത് ഗ്വാട്ടിമാലയുടെ കെവിൻ കോർഡണിനെ അനായാസം മറികടന്നു. സ്കോർ: 21-8, 21-9. മത്സരം 26 മിനിറ്റ് മാത്രമാണ് നീണ്ടുനിന്നത്.
മറ്റൊരു മത്സരത്തിൽ പി കശ്യപ് ഇന്തോനേഷ്യയുടെ ടോമി സുഗിയാർട്ടോയെ മൂന്ന് ഗെയിമുകൾക്ക് പരാജയപ്പെടുത്തി. ആദ്യ ഗെയിം തോറ്റതിന് ശേഷം രണ്ട് ഗെയിമുകൾ ജയിച്ച് രണ്ടാം റൗണ്ടിലേക്ക് മുന്നേറി. സ്കോർ: 16-21, 21-16, 21-16, 21-16.