‘കഭി ഈദ് കഭി ദീവാലി’ സൽമാൻ ഖാൻ ആരാധകർ ഏറ്റവും ആകാംക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ്. സൽമാൻറെ അതുല്യ ഗെറ്റപ്പിലൂടെ ഇതിനകം വാർത്തകളിൽ ഇടം നേടിയ ചിത്രത്തെക്കുറിച്ചുള്ള പുതിയ വിവരങ്ങളാണ് പുറത്ത് വന്നിരിക്കുന്നത്.
തെലുങ്ക് യുവ സൂപ്പർ സ്റ്റാർ രാം ചരൺ തേജയും ചിത്രത്തിൽ സൽമാനോടൊപ്പം പ്രത്യക്ഷപ്പെടുമെന്നാണ് റിപ്പോർട്ടുകൾ. രാം ചരൺ ഒരു ഗാനരംഗത്തിൽ പ്രത്യക്ഷപ്പെടുമെന്ന് ഒരു വാർത്താ ഏജൻസി റിപ്പോർട്ട് ചെയ്തു. ഈ ഗാനം ചിത്രത്തിൻറെ ഒരു പ്രധാന ഭാഗമാകുമെന്നാണ് റിപ്പോർട്ടുകൾ .
ആർആർആറിന് ശേഷം ഉത്തരേന്ത്യയിൽ രാം ചരണിൻറെ ജനപ്രീതി കണക്കിലെടുത്താണ് സൽമാൻ ചിത്രത്തിൽ രാം ചരണിനെ ഉൾപ്പെടുത്തിയിരിക്കുന്നത്. തെലുങ്ക് നടൻ വെങ്കിടേഷ് ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. പൂജ ഹെഗ്ഡെയാണ് നായിക.