തോർ: മാർവൽ കോമിക്സ് കഥാപാത്രമായ തോറിനെ അടിസ്ഥാനമാക്കി വരാനിരിക്കുന്ന അമേരിക്കൻ സൂപ്പർഹീറോ ചിത്രമാണ് ‘തോർ ലവ് ആൻഡ് തണ്ടർ’. ഇപ്പോൾ ചിത്രത്തിന്റെ പുതിയ പ്രമോ പുറത്ത് വിട്ടിരിക്കുകയാണ്. തോർ: റാഗ്നറോക്കിന്റെ (2017),നേരിട്ടുള്ള തുടർച്ചയും, മാർവൽ സിനിമാറ്റിക് യൂണിവേഴ്സിലെ 29-ാമത്തെ ചിത്രവുമാണിത്. ടെസ്സ തോംസൺ, നതാലി പോർട്ട്മാൻ, ക്രിസ്റ്റ്യൻ ബെയ്ൽ, ക്രിസ് പ്രാറ്റ്, ജെയ്മി അലക്സാണ്ടർ, പോം ക്ലെമൻറീഫ്, ഡേവ് ബൗട്ടിസ്റ്റ, കാരെൻ ഗ്ലെമെൻറ, ജെന്നിഫർ കെയ്റ്റിൻ റോബിൻസൺ എന്നിവർക്കൊപ്പം തോർ ആയി ക്രിസ് ഹെംസ്വർത്ത് അഭിനയിച്ച ചിത്രം ടൈക വൈറ്റിറ്റിയാണ് സംവിധാനം ചെയ്യുന്നത്. ജൂലൈ 8 ന് ചിത്രം പ്രദർശനത്തിനെത്തും. എന്നിരുന്നാലും, ഇന്ത്യയിൽ, ചിത്രം ജൂലൈ 7ന് പ്രദർശനത്തിനെത്തും. മാർവൽ സ്റ്റുഡിയോസ് ഇന്ത്യ തങ്ങളുടെ ഔദ്യോഗിക ഇൻസ്റ്റഗ്രാം അക്കൗണ്ടിലൂടെയാണ് ഇക്കാര്യം അറിയിച്ചത്.