നടി ആക്രമിക്കപ്പെട്ട കേസിൽ നടനും നിർമ്മാതാവുമായ വിജയ് ബാബു കേരള ഹൈക്കോടതിയെ സമീപിച്ചു. ജാമ്യാപേക്ഷ പരിഗണിച്ചാൽ തിങ്കളാഴ്ച കൊച്ചിയിലേക്ക് മടങ്ങുമെന്ന് വിജയ് ബാബു ഹൈക്കോടതിയെ അറിയിച്ചു. തനിക്കെതിരെ കേസ് രജിസ്റ്റർ ചെയ്തതറിയാതെയാണ് ദുബായിലേക്ക് പോയതെന്ന് വിജയ് ബാബു ഹൈക്കോടതിയെ അറിയിച്ചു. മുൻകൂർ ജാമ്യാപേക്ഷ പരിഗണിക്കവെയാണ് വിജയ് ബാബുവിൻറെ പരാമർശം. അതേസമയം, വിജയ് ബാബുവിൻറെ അവകാശവാദങ്ങൾ സംസ്ഥാന സർക്കാർ തള്ളി.
പരാതിക്കാരിയുടെ അമ്മയെ വിളിച്ച് വിജയ് ബാബു ഭീഷണിപ്പെടുത്തിയതായി സർക്കാർ ഹൈക്കോടതിയെ അറിയിച്ചു. ഏപ്രിൽ 22ന് കേസ് രജിസ്റ്റർ ചെയ്യുകയും രണ്ട് ദിവസത്തിന് ശേഷം ഏപ്രിൽ 24ന് വിജയ് ബാബു രാജ്യം വിടുകയും ചെയ്തു. വ്യക്തമായ ബോധ്യത്തോടെയാണ് വിജയ് ബാബുവിൻറെ നീക്കമെന്ന് പ്രോസിക്യൂഷൻ വാദിച്ചു. ഇരയുടെ പേർ വെളിപ്പെടുത്തിയെന്നും പ്രോസിക്യൂഷൻ ചൂണ്ടിക്കാട്ടി.