തേർഡ് പാർട്ടി മോട്ടോർ വെഹിക്കിൾ ഇൻഷുറൻസ് നിരക്കുകൾ കൂട്ടി കേന്ദ്രം

തേർഡ് പാർട്ടി മോട്ടോർ വെഹിക്കിൾ ഇൻഷുറൻസിന്റെ അടിസ്ഥാന പ്രീമിയം നിരക്കുകൾ കേന്ദ്രം വർദ്ധിപ്പിച്ചു. പുതുക്കിയ നിരക്കുകൾ 2022 ജൂൺ 1 മുതൽ പ്രാബല്യത്തിൽ വരും. നേരത്തെ 2019-20 സാമ്പത്തിക വർഷത്തിലാണ് നിരക്കുകൾ പരിഷ്കരിച്ചത്. കോവിഡ് -19 മഹാമാരിയുടെ സമയത്ത് നിരക്കുകൾ മാറ്റമില്ലാതെ നിലനിർത്തിയിരുന്നു. 

പുതിയ നിരക്കുകൾ അനുസരിച്ച്, 1000 സിസിയിൽ കവിയാത്ത സ്വകാര്യ കാറുകളുടെ തേർഡ് പാർട്ടി ഇൻഷുറൻസിൻറെ വാർഷിക നിരക്ക് 2,094 രൂപയാണ്. 2019-20ൽ ഇത് 2,072 രൂപയായിരുന്നു. 1000 സിസി മുതൽ 1500 സിസി വരെ എൻജിൻ ശേഷിയുള്ള സ്വകാര്യ കാറുകളുടെ തേർ ഡ് പാർ ട്ടി ഇൻ ഷുറൻ സ് 3,221 രൂപയിൽ നിന്ന് 3,416 രൂപയായി ഉയർ ത്തി. അതേസമയം, 1500 സിസിക്ക് മുകളിൽ എൻജിൻ ശേഷിയുള്ള വലിയ സ്വകാര്യ വാഹനങ്ങളുടെ പ്രീമിയം 7,890 രൂപയിൽ നിന്ന് 7,897 രൂപയായി കുറയും.

150 സിസിക്ക് മുകളിലുള്ളതും എന്നാൽ 350 സിസിയിൽ കവിയാത്തതുമായ ഇരുചക്ര വാഹനങ്ങളുടെ ഇൻഷുറൻസ് പ്രീമിയം 1,366 രൂപയും 350 സിസിക്ക് മുകളിലുള്ള ഇരുചക്ര വാഹനങ്ങൾക്ക് ഇൻഷുറൻസ് പ്രീമിയം 2,804 രൂപയുമാണ്. വിജ്ഞാപനത്തിൽ മൂന്ന് വർഷത്തെ സിംഗിൾ പ്രീമിയം നിരക്കുകളും ഉൾപ്പെടുന്നു. 1000 സിസിയിൽ കവിയാത്ത പുതിയ കാറുകൾക്ക് 6,521 രൂപയും 1000 സിസിക്കും 1500 സിസിക്കും ഇടയിലുള്ള കാറുകൾക്ക് 10,640 രൂപയുമാണ് സിംഗിൾ പ്രീമിയം തുക. 1500 സിസിയിൽ കൂടുതലുള്ള പുതിയ സ്വകാര്യ വാഹനങ്ങൾക്ക് 24,596 രൂപയ്ക്ക് മൂന്ന് വർഷത്തേക്ക് ഇൻഷ്വർ ചെയ്യാം.