മധ്യപ്രദേശിലെ പന്ന ജില്ലയിലാണ് വീട്ടമ്മ 2.08 കാരറ്റ് വജ്രം കണ്ടെത്തിയത്. നല്ല ഗുണനിലവാരമുള്ള കൽൽ കണ്ടെത്തിയെന്നും ലേലത്തിൽ ഏകദേശം 10 ലക്ഷം രൂപ വില വരുമെന്നും അധികൃതർ പറഞ്ഞു. വീട്ടമ്മയായ ചമേലി ബായിയാണ് വജ്രം കണ്ടെത്തിയത്. കർഷകനായ ഭർത്താവിനൊപ്പം പാട്ടത്തിനെടുത്ത ഭൂമിയിൽ നിന്നാണ് വജ്രം കണ്ടെത്തിയത്. ലേലത്തിൽ നല്ല വില ലഭിച്ചാൽ നഗരത്തിൽ ഒരു പുതിയ വീട് വാങ്ങുമെന്ന് ചമേലി ബായി പറഞ്ഞു.
സർക്കാർ നടപടിക്രമങ്ങൾ പാലിച്ച ശേഷം ഉടൻ ലേലത്തിൽ വജ്രം വിൽപ്പനയ്ക്ക് വയ്ക്കുമെന്ന് അധികൃതർ അറിയിച്ചു. നികുതിയും റോയൽറ്റിയും സർക്കാർ ഏറ്റെടുത്ത ശേഷം തുക വീട്ടമ്മയ്ക്ക് കൈമാറും. ഈ വർഷം മാർച്ചിലാണ് കൃഷ്ണ-കൽയാൺപൂർ പാഡി പ്രദേശത്ത് വജ്ര ഖനനം നടത്താൻ വീട്ടമ്മയും ഭർത്താവ് അരവിന്ദ് സിംഗും തീരുമാനിച്ചത്. ഏകദേശം 12 ലക്ഷം കാരറ്റ് വജ്ര നിക്ഷേപമുള്ള ജില്ലയാണ് പന്ന.
ഇംഗ്ലീഷ് സംഗ്രഹം: മധ്യപ്രദേശിലെ ഖനിയിൽ 10 ലക്ഷം രൂപ വിലമതിക്കുന്ന വജ്രം കണ്ടെത്തി