അടുത്ത അഞ്ച് വർഷത്തിനുള്ളിൽ രാജ്യത്തെ തേയില കയറ്റുമതി 300 ദശലക്ഷം കിലോഗ്രാമായി വളരുമെന്ന് ടീ ബോർഡ് ഓഫ് ഇന്ത്യ അറിയിച്ചു. 2023-24 സാമ്പത്തിക വർഷത്തിൽ ഇന്ത്യയുടെ തേയില കയറ്റുമതി 240 ദശലക്ഷം കിലോഗ്രാമായി ഉയരും. നിലവിലുള്ള തേയിലയെക്കുറിച്ച് കൂടുതൽ പര്യവേക്ഷണങ്ങൾ നടത്താനും ഉൽപാദനം വർദ്ധിപ്പിക്കാനുമാണ് ടീ ബോർഡ് ഓഫ് ഇന്ത്യ ലക്ഷ്യമിടുന്നത്.
ആഗോളതലത്തിൽ തേയില ഉത്പാദിപ്പിക്കുന്ന രണ്ടാമത്തെ രാജ്യമാണ് ഇന്ത്യ. തേയില കയറ്റുമതി ചെയ്യുന്ന അഞ്ചാമത്തെ വലിയ രാജ്യം കൂടിയാണിത്. കയറ്റുമതിയിൽ രണ്ടാം സ്ഥാനത്തുള്ള ശ്രീലങ്കയിലെ സാമ്പത്തിക പ്രതിസന്ധി കാരണം ആഗോള വിപണിയിൽ സൃഷ്ടിച്ച വിടവ് നികത്താൻ ഇന്ത്യയ്ക്ക് കഴിയുമെന്ന് ടീ ബോർഡ് ഡെപ്യൂട്ടി ചെയർമാൻ സൗരവ് പഹാരി പറഞ്ഞു. തേയില കയറ്റുമതി രംഗത്ത് കെനിയയുമായും ശ്രീലങ്കയുമായും ഇന്ത്യ കടുത്ത മത്സരം നേരിടുന്നുണ്ടെന്നും അടുത്ത അഞ്ച് വർ ഷത്തിനുള്ളിൽ കയറ്റുമതി 300 ദശലക്ഷം കിലോഗ്രാമായി ഉയർത്തുകയാണ് ലക്ഷ്യമെന്നും അദ്ദേഹം കൂട്ടിച്ചേർത്തു.
ഇത് തേയിലയുടെ ഗാർഹിക ഉപഭോഗം വർ ദ്ധിപ്പിക്കുകയും യുവാക്കൾക്ക് ചായയുടെ സ്വാദ് നൽകുകയും ചെയ്യുമെന്ന് അദ്ദേഹം പറഞ്ഞു. ഗുണനിലവാരം ഉറപ്പാക്കുകയും മികച്ച സാധനങ്ങൾ കയറ്റുമതി ചെയ്യുകയും ചെയ്യും. ഇന്ത്യൻ തേയിലയുടെ രുചി ആഗോളതലത്തിൽ വ്യാപിപ്പിക്കുമെന്നും അദ്ദേഹം കൂട്ടിച്ചേർത്തു.