റെയിൽവേ ബാസ്കറ്റ്ബോൾ താരം കെ.സി ലിതാരയുടെ മരണത്തിൽ ക്രൈംബ്രാഞ്ച് അന്വേഷണം ആവശ്യപ്പെട്ട് ആർ.ജെ.ഡി പാർട്ടി മുഖ്യമന്ത്രി നിതീഷ് കുമാറിന് നിവേദനം നൽകി. ലിതാരയുടെ മരണവുമായി ബന്ധപ്പെട്ട് കോച്ച് രവി സിങ്ങിനെതിരെ ആത്മഹത്യാ പ്രേരണാക്കുറ്റത്തിന് കേസെടുത്തിട്ടുണ്ടെങ്കിലും ആരെയും അറസ്റ്റ് ചെയ്തിട്ടില്ലെന്നും ഹർജിയിൽ പറയുന്നു.
റെയിൽവേയിൽ നിന്ന് സസ്പെൻഡ് ചെയ്യപ്പെട്ട രവി സിംഗ് ഒളിവിലാണ്. നിലവിലെ അന്വേഷണം തൃപ്തികരമല്ലെന്ന് ചൂണ്ടിക്കാട്ടി ക്രൈംബ്രാഞ്ച് അന്വേഷണം വേണമെന്ന് അനു ചാക്കോ ആവശ്യപ്പെട്ടു. കേസിൽ അടിയന്തരമായി ഇടപെടണമെന്ന് ആവശ്യപ്പെട്ട് ആർജെഡി അധ്യക്ഷൻ ലാലു യാദവിനും പ്രതിപക്ഷ നേതാവ് തേജസ്വി യാദവിനും ചാക്കോ കത്തയച്ചു.