ജനങ്ങളെ വഞ്ചിക്കുന്നത് കേന്ദ്രം അവസാനിപ്പിക്കണമെന്ന് രാഹുൽ ഗാന്ധി. റെക്കോർഡ് പണപ്പെരുപ്പത്തിൽ നിന്നാണ് ആളുകൾക്ക് സ്വാതന്ത്ര്യം വേണ്ടതെന്ന് പറഞ്ഞ അദ്ദേഹം കഴിഞ്ഞ രണ്ട് വർഷത്തിനിടെ പെട്രോൾ വിലയിലുണ്ടായ വർദ്ധനവിനെ കുറിച്ചും ട്വീറ്റ് ചെയ്തു.
ഇന്ധനവില കുറച്ചത് മോദി സർക്കാരിൻറെ രാഷ്ട്രീയ നാടകമാണെന്ന് കോൺഗ്രസ്സ് ആവർത്തിച്ച് പറയുന്നു. ഇന്ധനവില കുറച്ചത് ജനങ്ങളുടെ കണ്ണിൽ പൊടിയിടാനുള്ള ബി.ജെ.പിയുടെ ശ്രമമാണെന്നും കോൺഗ്രസ്സ് ആരോപിച്ചു. അടുത്ത രണ്ട് വർഷത്തേക്ക് പെട്രോളിൻറെയും ഡീസലിൻറെയും എക്സൈസ് തീരുവ വർദ്ധിപ്പിക്കില്ലെന്ന് പറയാൻ സർക്കാരിൻ ധൈര്യമുണ്ടോയെന്ന് കോൺഗ്രസ് വക്താവ് ഗൗരവ് വല്ലഭ് ചോദിച്ചു. മോദി സർക്കാർ ജനങ്ങളോട് ആത്മാർത്ഥത പുലർത്തുകയാണെങ്കിൽ എക്സൈസ് തീരുവ യുപിഎ സർക്കാരിൻറെ കാലത്തേതിൻ തുൽയമായി കുറയ്ക്കണമെന്നാണ് കോൺഗ്രസ്സ് ആവശ്യപ്പെടുന്നത്. അതേസമയം, പ്രതിപക്ഷം ഭരിക്കുന്ന എല്ലാ സംസ്ഥാനങ്ങളും നികുതി കുറയ്ക്കണമെന്ന് ബിജെപി ആവശ്യപ്പെട്ടു.