സംസ്ഥാനത്തെ സർക്കാർ മേഖലയിൽ നടത്തിയ രണ്ടാമത്തെ കരൾ മാറ്റിവയ്ക്കൽ ശസ്ത്രക്രിയയും വിജയകരമാണെന്ന് ആരോഗ്യമന്ത്രി വീണാ ജോർജ്. കരൾ മാറ്റിവയ്ക്കൽ ശസ്ത്രക്രിയയ്ക്ക് ശേഷം കോട്ടയം മെഡിക്കൽ കോളേജ് ആശുപത്രിയിൽ ചികിത്സയിൽ കഴിഞ്ഞിരുന്ന രോഗിയെ ഡിസ്ചാർജ് ചെയ്തു. രണ്ടാഴ്ചത്തെ ചികിത്സയ്ക്ക് ശേഷമാണ് ഡിസ്ചാർജ് ചെയ്തത്.
ആശുപത്രി സൂപ്രണ്ട് ഡോ. ജയകുമാറിന്റെ നേതൃത്വത്തിലുള്ള സർജിക്കൽ ഗ്യാസ്ട്രോ സംഘമാണ് രോഗിയെ കൊണ്ടുപോയത്. ഇയാൾക്ക് കൂടുതൽ ചികിത്സയും കുറച്ച് ദിവസം വിശ്രമവും ആവശ്യമാണ്. കരൾ ദാനം ചെയ്ത സഹോദരി ഒരാഴ്ച മുമ്പാണ് ഡിസ്ചാർജ് ആയത്.
കരൾ മാറ്റിവയ്ക്കൽ ശസ്ത്രക്രിയയ്ക്ക് നേതൃത്വം നൽകിയ സർജിക്കൽ ഗ്യാസ്ട്രോ വിഭാഗം മേധാവി ഡോ.സിന്ധു ഉൾപ്പെടെ എല്ലാ ടീം അംഗങ്ങളെയും മന്ത്രി അഭിനന്ദിച്ചു.