നടൻ വിജയ് ബാബുവിൻറെ പാസ്പോർട്ട് റദ്ദാക്കിയതിൻ പിന്നാലെ വിസ റദ്ദാക്കാനുള്ള നടപടികളും ആരംഭിച്ചിട്ടുണ്ട്. 24ൻ ഹാജരാകാമെന്ന് വിജയ് ബാബു പാസ്പോർട്ട് ഓഫീസറെ അറിയിച്ചിട്ടുണ്ടെന്നും അന്നേ ദിവസം ഹാജരായില്ലെങ്കിൽ റെഡ് കോർണർ നോട്ടീസ് പുറപ്പെടുവിക്കുമെന്നും കൊച്ചി സിറ്റി പൊലീസ് കമ്മിഷണർ സി.എച്ച് നാഗരാജു പറഞ്ഞു. യു.എ.ഇക്ക് പുറത്തേക്ക് പോകാൻ സാധ്യതയുള്ള രാജ്യങ്ങൾക്കും വിജയ് ബാബു ഈ വിവരങ്ങൾ കൈമാറും. നടി ആക്രമിക്കപ്പെട്ട കേസിൽ നടനും നിർമ്മാതാവുമായ വിജയ് ബാബുവിനെതിരെ അറസ്റ്റ് വാറണ്ട് യു.എ.ഇ പോലീസിന് കൈമാറി. പ്രതികൾക്കെതിരെ റെഡ് കോർണർ നോട്ടീസ് പുറപ്പെടുവിക്കുന്നതിൻറെ ഭാഗമായാണ് കൊച്ചി സിറ്റി പൊലീസിൻറെ നടപടി. വിജയ് ബാബു യു.എ.ഇയിൽ എവിടെയാണെന്ന് കൊച്ചി പൊലീസിൻ വ്യക്തമല്ല. ഇത് കണ്ടെത്തി അറിയിക്കാനാണ് വാറണ്ട് യു.എ.ഇ പൊലീസിൻ കൈമാറിയത്. ഇവരുടെ മറുപടി ലഭിച്ച ശേഷം തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.