ജീവിതം എന്നും അധ്വാനത്തിന്റേതാണെന്നും ഒരു കാര്യവും എളുപ്പമാണെന്ന് വിശ്വസിക്കുന്നില്ലെന്നും തൃക്കാക്കര എല്‍ഡിഎഫ് സ്ഥാനാര്‍ഥി ജോ ജോസഫ്. അധ്വാനത്തിലൂടെ മാത്രമേ നേട്ടമുണ്ടാക്കാൻ കഴിയൂ. പൊതുപ്രവര്‍ത്തനവും അതിന്റെ ഭാഗമാണ്. തിരഞ്ഞെടുപ്പില്‍ വിജയിക്കുമെന്ന് നൂറ് ശതമാനം പ്രതീക്ഷയുണ്ടെന്നും ജോ ജോസഫ് പറഞ്ഞു.
സെപ്റ്റംബറിൽ ഹാങ്‌ഷൗവിൽ നടക്കാനിരിക്കുന്ന ഏഷ്യൻ ഗെയിംസ് മാറ്റിവച്ചു. ഒളിമ്പിക് കൗൺസിൽ ഓഫ് ഏഷ്യയെ ഉദ്ധരിച്ച് ചൈനീസ് സ്റ്റേറ്റ് മീഡിയയാണ് ഇത് റിപ്പോർട്ട് ചെയ്തത്. തീയതി മാറ്റിയതിനു കാരണമൊന്നും പറഞ്ഞിട്ടില്ലെങ്കിലും ചൈനയിൽ കോവിഡ് കേസുകൾ കൂടുന്നതിനിടെ ആണ് പ്രഖ്യാപനം.
തൃക്കാക്കരയിലെ ഇടതു സ്ഥാനാർഥി ഡോ.ജോ ജോസഫ് മെയ് 9നു നാമനിർദേശ പത്രിക സമർപ്പിക്കും. തിരഞ്ഞെടുപ്പു കൺവൻഷൻ 12നു പാലാരിവട്ടം മെഡിക്കൽ സെന്ററിനടുത്ത് ഗ്രൗണ്ടിൽ നടക്കും. തിരഞ്ഞെടുപ്പു കമ്മിറ്റി ഓഫിസ് ഉദ്ഘാടനം അന്നുതന്നെ പാലാരിവട്ടം ബൈപാസ് ജംക്‌ഷനു സമീപം നടക്കും. ലോക്കൽ കൺവൻഷനുകൾ…
കോവിഡ് കാലത്ത് ഉപയോഗിക്കാതിരുന്ന 1736 ബസുകളിൽ 816 ബസുകൾ സർവീസിന് ഉപയോഗിക്കുമെന്നു കെഎസ്ആർടിസി ഹൈക്കോടതിയെ അറിയിച്ചു. 620 ബസുകൾ പൊളിക്കും. മിൽമയുടെ ഉൾപ്പെടെ സ്റ്റാളുകൾക്കായി 300 എണ്ണം ‘ഷോപ് ഓൺ വീൽ’ ആക്കി മാറ്റും.
കര്‍ണാടകയിലെ പേരട്കയിൽ ക്രിസ്ത്യൻ പള്ളിക്ക് നേരെ ആക്രമണം. പള്ളിയുടെ വാതില്‍ തകര്‍ത്ത് അകത്തുകയറിയ സംഘം കുരിശ് നശിപ്പിച്ച് തല്‍സ്ഥാനത്ത് കാവിക്കൊടി നാട്ടി. പള്ളിയിലെ പുരോഹിതൻ നൽകിയ പരാതിയിൽ കടബ പൊലീസ് കേസെടുത്തു. സംഘം പള്ളിയിൽ ഹനുമാന്റെ ഛായാചിത്രം സ്ഥാപിച്ചതായും പരാതിയിൽ പറയുന്നു.
ടൂറിസം മേഖലയുടെ സുസ്ഥിര വികസനത്തിനു മറ്റു സംസ്ഥാനങ്ങളുമായുള്ള സഹകരണം പ്രധാനമാണെന്ന് ഗവർണർ ആരിഫ് മുഹമ്മദ് ഖാൻ. രാജ്യത്തെ ഏറ്റവും വലിയ ടൂറിസം മേളയായ കേരള ട്രാവൽ മാർട്ടിന്റെ 11-ാം ലക്കം കൊച്ചിയിൽ ഓൺലൈനായി ഉദ്ഘാടനം ചെയ്യുകയായിരുന്നു അദ്ദേഹം.
ലോകത്ത് ഏറ്റവും കൂടുതൽ കോവിഡ് മരണങ്ങൾ ഇന്ത്യയിലെന്ന ലോകാരോഗ്യ സംഘടനയുടെ റിപ്പോർട്ട് തള്ളി കേന്ദ്ര സർക്കാർ. മറുപടിയായി, ലോകാരോഗ്യ സംഘടനയുടെ വിവര ശേഖരണ സംവിധാനം അവ്യക്തവും അശാസ്ത്രീയവുമാണെന്ന രൂക്ഷ വിമർശനമാണ് കേന്ദ്രം ഉന്നയിച്ചത്.
സൗരവ് ഗാംഗുലിയെ ബിജെപി മുൻനിരയിൽ നിർത്തിയേക്കുമെന്ന അഭ്യൂഹങ്ങൾക്കിടെ കേന്ദ്ര ആഭ്യന്തര മന്ത്രി അമിത് ഷായും മുൻ ഇന്ത്യൻ ക്രിക്കറ്റ് ടീം ക്യാപ്റ്റനും തമ്മിലുള്ള കൂടിക്കാഴ്ച ഇന്ന് നടക്കും. മൂന്ന് ദിവസത്തെ ബംഗാൾ സന്ദർശനത്തിനെത്തിയ അമിത് ഷാ കൊൽക്കത്തയിലെ വസതിയിൽ ഗാംഗുലിയുമായി കൂടിക്കാഴ്ച…
കേരളത്തിലെ കോൺഗ്രസിന് ഏകാധിപത്യ സ്വഭാവമെന്ന് മുതിർന്ന കോൺഗ്രസ്സ് നേതാവ് കെ.വി തോമസ്. തൃക്കാക്കരയിൽ ആരെ പിന്തുണയ്ക്കുമെന്ന് ഈ മാസം 10ന് പ്രഖ്യാപിക്കും. തൃക്കാക്കരയിൽ പ്രചാരണത്തിന് യു.ഡി.എഫ് തന്നെ ക്ഷണിച്ചിട്ടില്ലെന്നും കെ.വി തോമസ് പറഞ്ഞു.
ഇന്ത്യയിൽ 24 മണിക്കൂറിനിടെ 3,545 പേർക്ക് കോവിഡ് സ്ഥിരീകരിച്ചു. കഴിഞ്ഞ ദിവസത്തെ അപേക്ഷിച്ച് ഇന്ന് 8.2% വർദ്ധനവാണ് ഉണ്ടായിരിക്കുന്നത്. ഇന്നലെ 27 മരണങ്ങൾ കൂടി റിപ്പോർട്ട് ചെയ്തതോടെ രാജ്യത്തെ ആകെ മരണസംഖ്യ 5,24,002 ആയി ഉയർന്നു. പുതിയ കേസുകളിൽ 38.5 ശതമാനവും…