എൽഡിഎഫ് സ്ഥാനാർത്ഥിയെ ചുറ്റിപ്പറ്റിയുള്ള വിവാദങ്ങളിൽ പ്രതികരണവുമായി സിപിഎം പോളിറ്റ് ബ്യൂറോ അംഗം എ വിജയരാഘവൻ. ജോ ജോസഫ് സിപിഐഎം അംഗമാണെന്നും ഒന്നും പറയാനില്ലാത്തതിനാലാണ് സഭയുമായി ബന്ധപ്പെട്ട ആരോപണങ്ങൾ ഉന്നയിക്കുന്നതെന്നും അദ്ദേഹം ആരോപിച്ചു.
തൃക്കാക്കര ഉപതിരഞ്ഞെടുപ്പിലെ എൽ.ഡി.എഫ് സ്ഥാനാർത്ഥി നിർണയവുമായി ബന്ധപ്പെട്ട വിവാദങ്ങളിൽ കോൺഗ്രസിനെതിരെ രൂക്ഷവിമർശനവുമായി പി.വി അൻവർ എം.എൽ.എ. ആറൻമുളയിൽ പ്രയോഗിച്ച അതേ തന്ത്രങ്ങളാണ് തൃക്കാക്കരയിലും യു.ഡി.എഫ് ഇപ്പോൾ പ്രയോഗിക്കുന്നതെന്ന് അൻവർ ആരോപിച്ചു.
നീറ്റ് പി.ജി പരീക്ഷ മാറ്റിവെച്ചു. പരീക്ഷ ജൂലൈ 9ലേക്ക് മാറ്റി. മെയ് 21നാണ് പരീക്ഷ നടത്താൻ തീരുമാനിച്ചിരുന്നത്. നീറ്റ് പിജി പരീക്ഷ മാറ്റിവയ്ക്കണമെന്ന് ആവശ്യപ്പെട്ട് 15,000 ത്തിലധികം വിദ്യാർത്ഥികളാണ് പ്രധാനമന്ത്രി നരേന്ദ്ര മോദിക്ക് കത്തയച്ചത്. ഇതേ തുടർന്നാണ് നടപടി.
പണിമുടക്കിയ കെ.എസ്.ആർ.ടി.സി ജീവനക്കാർക്കെതിരെ നടപടിയുണ്ടാകുമെന്ന് സൂചന നൽകി ഗതാഗത മന്ത്രി ആന്റണി രാജു. 10ന് ശമ്പളം നൽകാമെന്ന വാഗ്ദാനം സ്വീകരിക്കാതെയാണ് സമരം നടത്തിയതെന്നും ശമ്പളം അതേ ദിവസം തന്നെ നൽകണമോയെന്ന് മാനേജ്മെന്റ് തീരുമാനിക്കട്ടെയെന്നും മന്ത്രി പറഞ്ഞു.
വ്ളോഗർ റിഫ മെഹ്നുവിന്റെ മൃതദേഹം പോസ്റ്റുമോർട്ടത്തിനായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ശനിയാഴ്ച രാവിലെ 11 മണിയോടെ പാവണ്ടൂർ ജുമാമസ്ജിദ് കബർസ്ഥാനിൽ നിന്ന് സബ് കളക്ടർ അടക്കമുള്ളവരുടെ സാന്നിധ്യത്തിലാണ് മൃതദേഹം പുറത്തെടുത്തത്.
സംസ്ഥാന സർക്കാരിന്റെ മുൻനിര പദ്ധതികളിലൊന്നായ കെ-ഫോണിന്റെ കണക്ഷൻ വീടുകളിലേക്ക് എത്തുന്നു. ഇത് ജൂൺ മുതൽ നടപ്പാക്കുമെന്നാണ് പ്രതീക്ഷിക്കുന്നത്. കേബിളുകൾ ഇതിനകം പലയിടത്തും സ്ഥാപിച്ചിട്ടുണ്ട്. ആദ്യഘട്ടത്തിൽ ഒരു മണ്ഡലത്തിലെ 500 ബിപിഎൽ കുടുംബങ്ങൾക്ക് കെ-ഫോൺ സേവനം സൗജന്യമായി ലഭിക്കും.
കത്തോലിക്കാ സഭയ്ക്ക് ഇടത് സ്ഥാനാര്‍ഥിയായി ഡോ. ജോ ജോസഫിനെ നിശ്ചയിച്ചതിനു പിന്നിൽ പങ്കുണ്ടെന്ന കോൺഗ്രസ് വാദം തള്ളി രമേശ് ചെന്നിത്തല. സഭ സ്ഥാനാര്ഥിയെ നിശ്ചയിക്കുമെന്ന് കരുതുന്നില്ലെന്നും കര്‍ദിനാള്‍ ജോര്‍ജ് ആലഞ്ചേരി ഇത്തരം ഇടപെടലുകള്‍ നടത്തിയിട്ടില്ലെന്നും ചെന്നിത്തല പറഞ്ഞു.
രാജ്യത്ത് പ്രതിദിന കൊവിഡ് കേസുകൾ വീണ്ടും ഉയരുന്നു. കഴിഞ്ഞ 24 മണിക്കൂറിനുള്ളിൽ 3,805 പുതിയ കേസുകളാണ് ഇന്ത്യയിൽ റിപ്പോർട്ട് ചെയ്തത്. ആരോഗ്യ മന്ത്രാലയത്തിൻ്റെ കണക്കുകൾ പ്രകാരം 22 പേർ രോഗം ബാധിച്ച് മരിച്ചു. 3168 പേർ രോഗമുക്തി നേടി.
സംസ്ഥാനത്ത് ഡിസ്റ്റിലറി, ബ്രൂവറികൾ എന്നിവ അനുവദിച്ചതിനെതിരെ രമേശ് ചെന്നിത്തല നൽകിയ ഹർജി നിലനിൽക്കില്ലെന്ന സർക്കാർ വാദം കോടതി തളളി. തിരുവനന്തപുരം വിജിലൻസ് പ്രത്യേക കോടതി ജഡ്ജി ആർ.ഗോപകുമാറാണ് വാദം തള്ളിയത്.ഹർജി നിലനിൽക്കില്ലെന്നും തള്ളണമെന്നും പ്രോസിക്യൂട്ടർ ഇന്ന് വാദം കേൾക്കുന്നതിനിടെ പറഞ്ഞിരുന്നു.
ഇടത് സ്ഥാനാർത്ഥി ജോ ജോസഫിനെതിരെ യു.ഡി.എഫ് നുണപ്രചാരണം നടത്തിയെന്ന് മന്ത്രി പി.രാജീവ്. സഭയെ ഇതിലേക്ക് കൊണ്ടുവന്നുവെന്നും എൽഡിഎഫ് ചെലവിൽ സഭാനേതൃത്വത്തെ പരിഹസിക്കാനാണ് പ്രതിപക്ഷം ശ്രമിക്കുന്നതെന്നും അദ്ദേഹം ആരോപിച്ചു.