കേന്ദ്ര ആഭ്യന്തരമന്ത്രി അമിത് ഷായ്ക്ക് അത്താഴവിരുന്ന് ഒരുക്കുന്നതിൽ രാഷ്ട്രീയം കാണേണ്ട ആവശ്യമില്ലെന്ന് ബിസിസിഐ പ്രസിഡൻറ് സൗരവ് ഗാംഗുലി. രാഷ്ട്രീയമായി ചർച്ച ചെയ്യാൻ ഒന്നുമില്ല. പശ്ചിമ ബംഗാൾ മുഖ്യമന്ത്രി മമതാ ബാനർജിയുമായി തനിക്ക് വളരെ അടുത്ത ബന്ധമാണുള്ളതെന്നും ഗാംഗുലി പറഞ്ഞു.
ബിവറേജസ് കോർപ്പറേഷനിൽ ബയോമെട്രിക് പഞ്ചിംഗ് ഏർപ്പെടുത്തി ഉത്തരവിറക്കി. കോർപ്പറേഷൻറെ ആസ്ഥാന മന്ദിരത്തിലാണ് ഇത് ആദ്യം നടപ്പാക്കിയത്. 270 കടകളിലും 23 വെയർഹൗസുകളിലും മെഷീൻ സ്ഥാപിക്കുന്നതിനുള്ള ജോലികൾ പുരോഗമിക്കുകയാണെന്ന് അധികൃതർ അറിയിച്ചു.
ഐപിഎൽ മത്സരത്തിൽ ലക്ന‌ൗവിനെതിരെ കൊൽക്കത്തയ്ക്ക് 177 റൺസ് വിജയലക്ഷ്യം. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ലക്നൗ സൂപ്പർ ജയ്ന്റ്സ് 20 ഓവറിൽ ഏഴു വിക്കറ്റ് നഷ്ടത്തിലാണ് 176 റൺസ് എടുത്തത്. ഓപ്പണർ ക്വിൻൻ ഡികോക്ക്, ദീപക് ഹൂഡ എന്നിവരുടെ ബാറ്റിങ് മികവിലാണ് ലക്നൗ…
പ്രളയത്തിൽ നിന്ന് ജില്ലയെ രക്ഷിക്കാൻ രൂപകൽപ്പന ചെയ്ത ഓപ്പറേഷൻ ജലധാര പദ്ധതിയുടെ പൂർത്തീകരണം മെയ് 15ന് മുമ്പ് പൂർത്തിയാക്കണമെന്ന് തിരുവനന്തപുരം ജില്ലാ കളക്ടർ നവജ്യോത് ഖോസ നിർദ്ദേശം നൽകി. ജില്ലയിലെ പ്രധാന നദികളിൽ കാലവർഷത്തിന് മുന്നോടിയായി അടിഞ്ഞുകൂടിയ ചെളിയും മറ്റ് അവശിഷ്ടങ്ങളും…
കാസർകോട് ചെറുവത്തൂരിൽ നിന്ന് ശേഖരിച്ച ഷവർമ സാമ്പിളിന്റെ ഭക്ഷ്യസുരക്ഷാ പരിശോധനാ ഫലം പ്രസിദ്ധീകരിച്ചു. ചിക്കൻ ഷവർമയിൽ സാൽമൊണെല്ല, ഷിഗെല്ല എന്നീ രോഗകാരികളുടെയും കുരുമുളക് പൊടിയിൽ സാൽമൊണെല്ലയുടെയും സാന്നിദ്ധ്യം കണ്ടെത്തിയതായി ആരോഗ്യമന്ത്രി വീണാ ജോർജ് പറഞ്ഞു.
കേരള വനിതാ ലീഗിലും ഇന്ത്യന്‍ ലീഗിലുമായി 143 ഗോളുകൾ നേടി ഗോകുലം വനിതകള്‍. 11 ഗോള്‍വീതം നേടിയ എചെയംപോങ് എല്‍ഷദായിയും മനീഷാ കല്യാണുമാണ് ഇന്ത്യന്‍ ലീഗില്‍ ഗോകുലത്തിന്റെ ഗോള്‍വേട്ടയ്ക്ക് ചുക്കാന്‍ പിടിക്കുന്നത്. ഘാനക്കാരിയായ എല്‍ഷദായിക്ക് ഇരട്ടഹാട്രിക്കുണ്ട്.
തുടർച്ചയായ രണ്ട് തോൽവികൾക്ക് ശേഷം രാജസ്ഥാൻ റോയൽസ് വിജയവഴിയിൽ തിരിച്ചെത്തി. പഞ്ചാബ് കിങ്സിനെ ആറ് വിക്കറ്റിന് തോൽപ്പിച്ച് സഞ്ജുവും സംഘവും പ്ലേ ഓഫ് പ്രതീക്ഷകൾ സജീവമാക്കി. രാജസ്ഥാന്‍ രണ്ട് പന്തുകള്‍ ബാക്കി നില്‍ക്കെ നാല് വിക്കറ്റ് നഷ്ടത്തില്‍ 190 റണ്‍സെടുത്ത് വിജയം ഉറപ്പാക്കുകയായിരുന്നു.
കേരള ബാസ്കറ്റ്ബോൾ താരം കെ.സി.ലിതാരയുടെ ആത്മഹത്യയെക്കുറിച്ച് അന്വേഷിക്കാൻ ബിഹാർ പൊലീസ് പ്രത്യേക അന്വേഷണ സംഘത്തിന് രൂപം നൽകി. ലിതാരയുടെ ബന്ധുക്കളുടെ പരാതിയെ തുടർന്ന് കോച്ച് രവി സിങ്ങിനെതിരെ ആത്മഹത്യാ പ്രേരണക്കുറ്റത്തിന് കേസെടുത്തു.
സംസ്ഥാനത്തെ വിദ്യാഭ്യാസ മേഖലയിലെ സംഘടനകൾ ഉന്നയിക്കുന്ന പ്രശ്നങ്ങൾക്ക് അടിയന്തര പരിഹാരം കാണുമെന്ന് മന്ത്രി വി ശിവൻകുട്ടി പറഞ്ഞു. 2012ന് ശേഷം ആരംഭിച്ച പ്രീ-പ്രൈമറി മേഖലയുടെ അംഗീകാരം, അധ്യാപകരുടെ ശമ്പളം എന്നിവയുൾപ്പെടെയുള്ള കാര്യങ്ങളിൽ രാഷ്ട്രീയ തീരുമാനങ്ങൾ എടുക്കുമെന്നും മന്ത്രി പറഞ്ഞു.
തൃക്കാക്കരയിലെ യു.ഡി.എഫ് സ്ഥാനാർത്ഥിയായ ഉമാ തോമസ് തിരഞ്ഞെടുപ്പ് പ്രചാരണത്തിനായി സീറോ മലബാർ ആസ്ഥാനത്തെത്തി. ഉമാ തോമസ് വൈദികരെ കണ്ട് വോട്ടഭ്യർഥിച്ചു. അനുഗ്രഹം തേടിയാണ് താൻ സീറോ മലബാർ സഭാ ആസ്ഥാനത്ത് എത്തിയതെന്ന് ഉമാ തോമസ് പറഞ്ഞു. സഭയുടെ വോട്ട് ഉറപ്പാണെന്നും ഉമാ…