ലോക സിനിമാപ്രേമികൾ കാത്തിരിക്കുന്ന ചിത്രം അവതാർ 2വിൻ്റെ മലയാളം ട്രെയിലർ പുറത്തിറങ്ങി. ‘അവതാർ: ദി വേ ഓഫ് വാട്ടർ’ എന്നാണ് ചിത്രത്തിന് പേരിട്ടിരിക്കുന്നത്. സോ സൽദാന, സാം വർത്തിംഗ്ടൺ, കേറ്റ് വിൻസ്ലെറ്റ്, വിൻ ഡീസൽ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
അസാനി ചുഴലിക്കാറ്റ് ആന്ധ്രാപ്രദേശ് തീരത്തോട് അടുക്കുന്ന സാഹചര്യത്തിൽ വിശാഖപട്ടണത്ത് നിന്നുള്ള എല്ലാ വിമാന സർവീസുകളും ബുധനാഴ്ച വരെ റദ്ദാക്കി. ജാഗ്രതാ നിർദേശത്തിൻറെ ഭാഗമായാണ് തീരുമാനം. നിലവിലെ സാഹചര്യം കണക്കിലെടുത്ത് ആന്ധ്രാപ്രദേശ് തീരത്ത് റെഡ് അലർട്ട് പ്രഖ്യാപിച്ചിട്ടുണ്ട്.
മുൻ അമേരിക്കൻ പ്രസിഡൻറ് ഡൊണാൾഡ് ട്രംപിനെ ട്വിറ്ററിൽ തിരിച്ചെത്താൻ അനുവദിക്കുമെന്ന് എലോൺ മസ്ക്. ക്യാപിറ്റോള്‍ ആക്രമണത്തിന് ശേഷം ട്വിറ്ററിൽ നിന്ന് ട്രംപിനെ വിലക്കിയത് പുനഃപരിശോധിക്കുമെന്ന് മസ്ക് അറിയിച്ചു. താൻ ട്വിറ്റർ സ്വന്തമാക്കിയിട്ടില്ല, അതിനാൽ ഉടനെ വിലക്ക് നീക്കാനാവില്ലെന്നും മസ്ക് പറഞ്ഞു.
തൃക്കാക്കര ഉപതിരഞ്ഞെടുപ്പിൽ കെ.വി തോമസിനെതിരെ പ്രതികരണവുമായി രമേശ് ചെന്നിത്തല. വരാനിരിക്കുന്ന ഉപതിരഞ്ഞെടുപ്പിൽ കെ.വി തോമസിൻറെ സാന്നിധ്യം എൽഡിഎഫിന് ദോഷം ചെയ്യുമെന്ന് അദ്ദേഹം പറഞ്ഞു. കെ.വി തോമസിനെ ആരും കോൺഗ്രസിൽ നിന്ന് പുറത്താക്കില്ല. അദ്ദേഹത്തിന് വേണമെങ്കിൽ സ്വയം പുറത്തുപോകാമെന്നും അദ്ദേഹം പറഞ്ഞു.
ചാണകത്തിൽ നിന്ന് പ്രകൃതി വാതകം ഉത്പാദിപ്പിക്കാനുള്ള തയ്യാറെടുപ്പിലാണ് ഉത്തർപ്രദേശ്. ഉത്തർ പ്രദേശിലെ ബറേലിയിൽ ഗ്യാസ് പ്ലാൻറ് സ്ഥാപിക്കും. ചാണകം ശേഖരിക്കാൻ കർഷകർക്ക് കിലോയ്ക്ക് 1.5 രൂപ നൽകും. ഇത് കർഷകർക്ക് നല്ല വരുമാനം കൊണ്ടുവരുമെന്ന് യുപി സർക്കാർ അവകാശപ്പെടുന്നു.
ബാങ്ക് ഇതര സാമ്പത്തിക സ്ഥാപനങ്ങളെ നിയന്ത്രിക്കാൻ കേരള സർക്കാരിന് കഴിയില്ലെന്ന് സുപ്രീം കോടതി വിധി. ഇതോടെ ഈ ധനകാര്യ സ്ഥാപനങ്ങൾക്ക് കേരള മണി ലെന്റേർസ് ആക്ട് ബാധകമാകില്ല. ആർബിഐ നിയമ ഭേദഗതി പ്രകാരം രജിസ്റ്റർ ചെയ്ത ബാങ്ക് ഇതര ധനകാര്യ സ്ഥാപനങ്ങൾക്ക്…
ഫിഫ ലോകകപ്പിൻറെ വേദികളിലൊന്നായ അൽ റയ്യാനിലെ അഹമ്മദ് ബിൻ അലി സ്റ്റേഡിയം വിദേശകാര്യ സഹമന്ത്രി വി മുരളീധരൻ സന്ദർശിച്ചു. സ്റ്റേഡിയത്തിലെ സൗകര്യങ്ങളെക്കുറിച്ച് ഉദ്യോഗസ്ഥർ കേന്ദ്രമന്ത്രിയെ ധരിപ്പിച്ചു.
സർക്കാരിതര സംഘടനകൾക്ക് വിദേശ ധനസഹായം ലഭിച്ചതിലെ അഴിമതി മറച്ചുവയ്ക്കാൻ കൈക്കൂലി വാങ്ങിയ കേസിൽ സർക്കാർ ഉദ്യോഗസ്ഥർ ഉൾപ്പെടെ നിരവധി പേരെ സി.ബി.ഐ അറസ്റ്റ് ചെയ്തു. വിദേശ ഫണ്ട് തിരിമറി നടത്തിയെന്നാരോപിച്ച് രാജ്യത്തിൻറെ വിവിധ ഭാഗങ്ങളിൽ സി.ബി.ഐ റെയ്ഡ് നടത്തുകയും 10 പേരെ…
ഐ ലീഗിൽ ശ്രീനിധി ഡെക്കാൻ എഫ് സി ഗോകുലം കേരള എഫ് സിയെ 3-1ന് തോൽപ്പിച്ചു.കിരീടം നേടാൻ ഒരു പോയിൻറ് മാത്രം ആവശ്യമുള്ള ഗോകുലം കേരള എഫ് സിക്ക് ഇനിയുള്ള അവസാന മത്സരം നിർണായകമാണ്.
കെ.എസ്.ആർ.ടി.സിയിൽ പരമ്പരാഗതമായി ഡിപ്പോ അടിസ്ഥാനത്തിൽ നടത്തിയിരുന്ന സർവീസുകൾ ക്ലസ്റ്റർ തലത്തിലേക്ക് മാറ്റുന്നു. ഒരേ സമയം ഒന്നിലധികം സർവീസുകൾ നടത്തുക, യഥാക്രമം സർവീസ് നടത്താതിരിക്കുക എന്നിവയെ തുടർന്നാണ് നടപടി. വരുമാനം കുറയ്ക്കാനും ഇന്ധനചിലവ് കുറയ്ക്കാനുമാണ് നടപടിയെന്ന് കെ.എസ്.ആർ.ടി.സി അറിയിച്ചു.