രാജ്യദ്രോഹ നിയമം സ്റ്റെ ചെയ്ത് സുപ്രീംകോടതി. പുനഃപരിശോധന വരെ പുതിയ കേസുകൾ റെജിസ്റ്റർ ചെയ്യരുത്. ജയിലിലുള്ളവർക്ക് ജാമ്യത്തിന് കോടതിയെ സമീപിക്കാം. 124 എ വകുപ്പ് താല്‍ക്കാലികമായി സ്റ്റേ ചെയ്യരുതെന്ന കേന്ദ്രത്തിൻ്റെ അവശ്യം തള്ളിക്കൊണ്ടാണ് സുപ്രീംകോടതി നിര്‍ണായകമായ ഈ ഉത്തരവ് പുറപ്പെടുവിച്ചിരിക്കുന്നത്.
മുൻ ശ്രീലങ്കൻ പ്രധാനമന്ത്രി മഹിന്ദ രാജപക്സെ ഉൾപ്പെടെയുള്ളവർ ഇന്ത്യയിലേക്ക് കടന്നതായി വ്യാപക പ്രചരണം. നേതാക്കൾ ഇന്ത്യയിൽ രാഷ്ട്രീയ അഭയം തേടിയെന്ന വാർത്തകൾ വ്യാപകമായതോടെ ശ്രീലങ്കയിൽ നിന്നുള്ള നേതാക്കൾക്കോ കുടുംബാംഗങ്ങൾക്കോ ഇന്ത്യ അഭയം നൽകിയിട്ടില്ലെന്ന് കൊളംബോയിലെ ഇന്ത്യൻ ഹൈക്കമ്മിഷൻ വ്യക്തമാക്കി.
കോവിഡ് ലംഘനത്തിന്റെ പേരിൽ മാറ്റിവെച്ച ബ്രസീൽ-അർജന്റീന ലോകകപ്പ് യോഗ്യത മത്സരം വീണ്ടും കളിച്ചേ പറ്റുവെന്ന് ഫിഫ. ലോകകപ്പ് യോഗ്യത ഉറപ്പിച്ചിരിക്കുന്ന സാഹചര്യത്തിൽ മത്സരം മാറ്റിവെക്കണമെന്ന ഇരുടീമുകളുടെയും ആവശ്യം നിരസിച്ച ഫിഫ സെപ്റ്റംബറിൽ മത്സരം നടത്തണമെന്ന് ആവശ്യപ്പെട്ടു.
കെ.എസ്.ആർ.ടി.സി ശമ്പള പ്രതിസന്ധിയിൽ മുഖ്യമന്ത്രി ഇടപെടണമെന്ന് സി.ഐ.ടി.യു ആവശ്യപ്പെട്ടു. കെ.എസ്.ആർ.ടി.സിയുടെ മുഴുവൻ സാമ്പത്തിക പ്രതിസന്ധിയും മുഖ്യമന്ത്രിയെ കണ്ട് അറിയിക്കാൻ ശ്രമിക്കുമെന്ന് കെ.എസ്.ആർ.ടി.സി വ്യക്തമാക്കി. വിഷയത്തിൽ സർക്കാരിനെതിരെ പ്രതിപക്ഷവും രംഗത്തെത്തിയിട്ടുണ്ട്.
ചൈനീസ് പ്രസിഡൻറ് ഷി ജിൻ പിങ് മസ്തിഷ്ക രോഗത്തിന് ചികിത്സ തേടിയതായി റിപ്പോർട്ട്. മസ്തിഷ്കത്തെ ബാധിക്കുന്ന ‘സെറിബ്രല്‍ അന്യൂറിസം’ എന്ന രോഗാവസ്ഥയാണ് അദ്ദേഹത്തെ ബാധിച്ചിരിക്കുന്നത് എന്നാണ് റിപ്പോർട്ട്. ശസ്ത്രക്രിയ നടത്തുന്നതിനു പകരം പരമ്പരാഗത ചൈനീസ് ചികിത്സാ രീതി പിന്തുടരാനാണ് പ്രസിഡന്റിന്റെ തീരുമാനം.
വേദിയിൽ വെച്ച് പെൺകുട്ടിയെ അപമാനിച്ച സമസ്ത നേതാവിനെതിരെ വിമർശനവുമായി കെ.ടി ജലീൽ. ചില ആളുകൾ നിശ്ശബ്ദത പാലിക്കുന്നതാണ് അപമാനം ഒഴിവാക്കാൻ നല്ലതെന്നും വിവാദത്തിൽ ലീഗ് നിലപാട് വ്യക്തമാക്കണമെന്നും കെ.ടി ജലീൽ ഫേസ്ബുക്ക് പോസ്റ്റിൽ പറഞ്ഞു.
കേരള സർവകലാശാല പരീക്ഷാ നടത്തിപ്പിൽ നടപടി എടുക്കാൻ സിൻഡിക്കേറ്റിൻറെ തീരുമാനം. അധ്യാപകനെ ഡീബാർ ചെയ്യാൻ സിൻഡിക്കേറ്റ് തീരുമാനിച്ചു. പരീക്ഷാ നടത്തിപ്പിനായി ചെലവഴിക്കുന്ന പണം അധ്യാപകരിൽ നിന്ന് ഈടാക്കും. പ്രോ വൈസ് ചാൻസലറുടെ അന്വേഷണ റിപ്പോർട്ടിന്റെ അടിസ്ഥാനത്തിലാണ് തീരുമാനം.
ഇടത് പക്ഷത്തോടൊപ്പമെന്ന് നിലപാട് വ്യക്തമാക്കി കെവി തോമസ്. തൃക്കാക്കര ഉപതെരഞ്ഞെടുപ്പിൽ ജോ ജോസഫിനൊപ്പം എൽഡിഎഫ് പ്രചരണത്തിൽ പങ്കെടുക്കുമെന്ന് അദ്ദേഹം വ്യക്തമാക്കി. താൻ കോൺഗ്രസുകാരനായി തുടരുമെന്നും അദ്ദേഹം കൂട്ടിചേർത്തു.
ക്വട്ടേഷൻ പ്രകാരം നടിയെ തട്ടിക്കൊണ്ടു പോയി പീഡിപ്പിച്ച ദൃശ്യങ്ങൾ ചോർന്നെന്ന പരാതിയിൽ കാവ്യാ മാധവൻ്റെ പനമ്പിള്ളി നഗറിലെ സ്വകാര്യ ബാങ്കിന്റെ ലോക്കർ പൊലീസ് പരിശോധിച്ചു. നടിയെ പീഡിപ്പിച്ച സംഭവത്തിനു ശേഷം ദിലീപിന്റെ നിർദേശപ്രകാരം നടി തുറന്ന ലോക്കറാണു പരിശോധിച്ചതെന്നു ബാങ്ക് ജീവനക്കാർ…
കേരളത്തിലെ കമ്യൂണിസ്റ്റ് വിപ്ലവനായിക കെ.ആർ. ഗൗരിയമ്മയുടെ ഓർമകൾക്ക് ഇന്ന് ഒരു വയസ്സ്. 2021 മേയ് 11നാണ് സ്ത്രീമുന്നേറ്റ ചരിത്രത്തെ അടയാളപ്പെടുത്തിയ ഗൗരിയമ്മ വിടവാങ്ങിയത്. കേരളത്തിലെ ആദ്യ കമ്യൂണിസ്റ്റ് മന്ത്രിസഭയിലെ ഏക വനിത അംഗമായിരുന്ന ഗൗരിയമ്മയാണ് ചരിത്രപ്രധാനമായ ഭൂപരിഷ്‍കരണ നിയമം നടപ്പാക്കിയത്.