രാഷ്ട്രീയ പാർട്ടികളുടെ ഇടപെടലാണ് ജാതിയും മതവും എല്ലാവരിലേക്കും എത്തിക്കുന്നതെന്നും പ്രശ്നങ്ങൾ സൃഷ്ടിക്കുന്നതെന്നും മല്ലിക സുകുമാരൻ. താനൊരു കോൺഗ്രസുകാരി ആണെന്നും. എന്നാൽ, മുൻകാലങ്ങളിൽ പറഞ്ഞതുപോലെ കോൺഗ്രസ് ഒരു “മഹത്തായ പ്രസ്ഥാനം” ആണെന്ന് തനിക്ക് അഭിപ്രായമില്ലെന്നും മല്ലിക പറഞ്ഞു.
കെ.എസ്.ആർ.ടി.സിയിലെ ശമ്പള പ്രതിസന്ധിയിൽ മുഖ്യമന്ത്രി പിണറായി വിജയൻ ഇടപെടണമെന്ന ആവശ്യം യൂണിയനുകൾ ശക്തമാക്കി. കെ.എസ്.ആർ.ടി.സിയിലെ പ്രശ്നങ്ങൾ പരിഹരിക്കേണ്ട ചുമതലയുള്ള ഗതാഗത മന്ത്രി ആ ഉത്തരവാദിത്തം മറന്നിട്ടുണ്ടെങ്കിൽ മുഖ്യമന്ത്രി തൻ്റെ കടമ നിറവേറ്റണമെന്ന് ഐ.എൻ.ടി.യു.സി ആവശ്യപ്പെട്ടു.
മെയ് 15 വരെ സംസ്ഥാനത്ത് അതിശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. ‘അസാനി’ ചുഴലിക്കാറ്റിന്റെ സ്വാധീനമാണ് ഇതിന് കാരണം. ശക്തമായ മഴയ്ക്കുള്ള സാധ്യത കണക്കിലെടുത്ത് ഇടുക്കി, കോട്ടയം, എറണാകുളം, മലപ്പുറം ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു.
ദേശീയ-അന്തർദ്ദേശീയ തലത്തിൽ ബാറ്ററി കമ്പനി തുടങ്ങാനൊരുങ്ങി ടാറ്റ ഗ്രൂപ്പ്. ഭാവിയിൽ ആഗോളതലത്തിൽ കൂടുതൽ സജീവമാകാനുള്ള മാറ്റത്തിൻറെ ഭാഗമായാണ് ഈ നീക്കം. സിഐഐ ബിസിനസ് ഉച്ചകോടിയിലാണ് ടാറ്റാ സൺസ് ചെയർമാൻ എൻ ചന്ദ്രശേഖരൻ ഇക്കാര്യം അറിയിച്ചത്. .
എൽഐസിയുടെ പ്രാരംഭ ഓഹരി വിൽപ്പനയിൽ ഇടപെടാൻ വിസമ്മതിച്ച് സുപ്രീം കോടതി. ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് ഓഹരി വിൽപ്പന സ്റ്റേ ചെയ്യണമെന്ന ഹർജി തള്ളി. ഭേദഗതിയെ ചോദ്യം ചെയ്തുള്ള ഹർജിയും ധനകാര്യ ബില്ലുമായി ബന്ധപ്പെട്ട ഹർജികളും പരിഗണിക്കും.
മണിക്കൂറുകള്‍ നീണ്ട രക്ഷാപ്രവര്‍ത്തനം വിഫലം. കൊല്ലം തഴുത്തലയില്‍ കിണറ്റില്‍ കുടുങ്ങിയ മുട്ടക്കാവ് സ്വദേശി സുധീറിനെ രക്ഷിക്കാനായില്ല. 25 മണിക്കൂറോളം നീണ്ട പരിശ്രമത്തിനൊടുവില്‍ വ്യാഴാഴ്ച ഉച്ചയ്ക്കു ശേഷം രണ്ടുമണിയോടെ മൃതദേഹം പുറത്തെടുത്തു.
പി.സി ജോർജിനെ വെണ്ണലയിലെ പ്രസംഗത്തിന് ക്ഷണിച്ചതിൽ ഗൂഡാലോചനയുണ്ടെന്ന് കൊച്ചി കമ്മിഷണർ സി.എച്ച് നാഗരാജു. നിലവിൽ ഒരു സംഭവം ഉണ്ടായിരിക്കെ അത് ആവർത്തിക്കാൻ സാധ്യതയുണ്ടെന്ന് അറിഞ്ഞാണ് പ്രസംഗത്തിലേക്ക് ക്ഷണിച്ചതെന്നും സംഭവത്തിൽ കൂടുതൽ അന്വേഷണം ആവശ്യമാണെന്നും അദ്ദേഹം പറഞ്ഞു.
ശ്രീലങ്കയുടെ പുതിയ പ്രധാനമന്ത്രിയായി റനിൽ വിക്രമസിംഗെ അധികാരമേൽക്കും. മുൻ പ്രധാനമന്ത്രിയും യുഎൻപി നേതാവുമാണ് റാനിൽ വിക്രമസിംഗെ. ഇന്നു വൈകിട്ട് 6.30നാണ് സത്യപ്രതിജ്ഞ. ശ്രീലങ്കൻ പ്രസിഡന്റ് ഗോട്ടബയ രാജപക്സെയുമായി നടത്തിയ ചർച്ചയ്ക്കു പിന്നാലെയാണ് തീരുമാനം.
പൊതുചടങ്ങിൽ അവാർഡ് വിതരണം ചെയ്യാൻ പത്താംക്ലാസ് വിദ്യാർത്ഥിയെ ക്ഷണിച്ചതിലുള്ള സമസ്ത നേതാവിൻറെ പ്രതികരണത്തെ അപലപിച്ച് ആരോഗ്യമന്ത്രി വീണാ ജോർജ്. ഈ നടപടി ഒരു പരിഷ്കൃത സമൂഹത്തിൻ യോജിച്ചതല്ലെന്നും പെൺകുട്ടിയുടെ അംഗീകാരം വാങ്ങേണ്ടത് അവരാണെന്നും മറ്റാരും അത് വാങ്ങരുതെന്നും മന്ത്രി പറഞ്ഞു.
സുപ്രീം കോടതിയിൽ രാജ്യദ്രോഹ നിയമത്തിനെതിരായ നിയമപോരാട്ടം മുന്നിൽ നിന്ന് നയിച്ച പ്രമുഖ അഭിഭാഷകൻ കപിൽ സിബൽ നാളെ കോൺഗ്രസ്സ് ചിന്തൻ ശിവീറിൽ നിന്ന് വിട്ടുനിൽക്കും. കോൺഗ്രസിൽ സമൂലമായ മാറ്റം കൊണ്ടുവരുകയെന്ന ലക്ഷ്യത്തോടെയാണ് നാളെ മുതൽ ചിന്തൻ ഷിബിരം നടക്കുന്നത്.