ഗോതമ്പ് ഉത്പാദിപ്പിക്കുന്ന സംസ്ഥാനങ്ങളോടും കേന്ദ്രഭരണ പ്രദേശങ്ങളോടും ഗോതമ്പ് സംഭരിക്കുന്നത് തുടരാൻ കേന്ദ്രം ആവശ്യപ്പെട്ടു. സംഭരണത്തിനുള്ള അവസാന തീയതി നേരത്തെ അവസാനിക്കുന്നതിനാൽ മെയ് 31 വരെ ഗോതമ്പ് സംഭരിക്കാൻ ആവശ്യപ്പെട്ടിട്ടുണ്ട്.
ഐ.എസ്.ആർ.ഒ ചാരക്കേസിലെ ഗൂഢാലോചനയിൽ പ്രതിയായ മുൻ ഡി.ജി.പി സിബി മാത്യൂസിന് നൽകിയ മുൻകൂർ ജാമ്യം റദ്ദാക്കണമെന്ന് സി.ബി.ഐ. മുൻകൂർ ജാമ്യത്തിനുള്ള സമയപരിധി റദ്ദാക്കിയ ഹൈക്കോടതി ഉത്തരവിനെതിരെയാണ് അപ്പീൽ. എന്നാൽ ഗൂഢാലോചന തെളിയിക്കാൻ സിബി മാത്യൂസിനെ കസ്റ്റഡിയിൽ ചോദ്യം ചെയ്യണമെന്നാണ് സി.ബി.ഐയുടെ നിലപാട്.
കേരളത്തിൽ കനത്ത മഴ മുന്നറിയിപ്പ് തുടരുകയാണ്. എറണാകുളം, ഇടുക്കി, തൃശൂർ, കോഴിക്കോട്, കണ്ണൂർ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. മത്സ്യത്തൊഴിലാളികൾ കടലിൽ പോകരുതെന്ന് നിർദേശം നൽകിയിട്ടുണ്ട്. സംസ്ഥാനത്ത് നാല് ദിവസം കൂടി മഴ തുടരും.
സിൽവർലൈൻ പദ്ധതിയുടെ സാമൂഹിക ആഘാത പഠനത്തിനായി അതിർത്തി നിർണയിക്കാൻ കല്ലിടുന്നത് നിർത്താൻ സർക്കാർ തീരുമാനം. സർവേയ്ക്കായി ജിപിഎസ് സംവിധാനം ഏർപ്പെടുത്താനാണ് നീക്കം. ഇത് സംബന്ധിച്ച് റവന്യൂ വകുപ്പ് ഉത്തരവിറക്കിയിട്ടുണ്ട്. കല്ലിടൽ വിവാദമായ സാഹചര്യത്തിലാണ് സർക്കാരിന്റെ നീക്കം.
സിൽവർ ലൈൻ പദ്ധതിയോടുള്ള എതിർപ്പ് വീണ്ടും ശക്തമാക്കി ബിജെപി നേതാവ് ഇ ശ്രീധരൻ. സംസ്ഥാനത്ത് നിലവിലുള്ള റെയിൽവേ ലൈൻ മെച്ചപ്പെട്ട രീതിയിൽ വികസിപ്പിച്ചാലും സിൽവർ ലൈനിന് ബദലായി വേഗത്തിലുള്ള യാത്ര സാധ്യമാകുമെന്നും അദ്ദേഹം അവകാശപ്പെട്ടു.
കനത്ത മഴയെ തുടർന്ന് അസമിൽ ട്രെയിനിൽ കുടുങ്ങിയ 119 യാത്രക്കാരെ ഇന്ത്യൻ വ്യോമസേന രക്ഷപ്പെടുത്തി. സിൽചാർ-ഗുവാഹത്തി എക്സ്പ്രസിലെ യാത്രക്കാരെയാണ് സൈന്യം രക്ഷപ്പെടുത്തിയത്. മഴയെത്തുടർന്ന് അങ്ങോട്ടും ഇങ്ങോട്ടും ഓടാൻ കഴിയാത്തതിനാൽ ട്രെയിൻ ചാച്ചൽ പ്രദേശത്ത് കുടുങ്ങുകയായിരുന്നു.
ലാഹോർ: പാകിസ്താനിൽ രണ്ട് സിഖ് ബിസിനസുകാരെ കൊലപ്പെടുത്തിയ സംഭവത്തിൻറെ ഉത്തരവാദിത്തം ഏറ്റെടുത്ത് ഇസ്ലാമിക് സ്റ്റേറ്റ്. മെയ് 15 ഞായറാഴ്ച രണ്ട് ബിസിനസുകാർ വെടിയേറ്റ് മരിച്ചു. വടക്കുപടിഞ്ഞാറൻ ഖൈബർ പഖ്തൂൺഖ്വ പ്രവിശ്യയിലാണ് സിഖ് യുവാക്കളെ അജ്ഞാതരായ തോക്കുധാരികൾ വെടിവച്ച് കൊന്നത്. ബൈക്കിലെത്തിയ രണ്ട്…
മുൻ എം.എൽ.എ പി.സി.ജോർജിൻറെ മുൻകൂർ ജാമ്യാപേക്ഷ പരിഗണിക്കുന്നത് ബുധനാഴ്ചത്തേക്ക് മാറ്റി. എറണാകുളം ജില്ലാ സെഷൻസ് കോടതിയാണ് ജാമ്യാപേക്ഷ പരിഗണിക്കുന്നത് മാറ്റിവച്ചത്. ഒരു വിഭാഗം ആളുകൾക്കെതിരെ പ്രകോപനപരമായ പരാമർശം നടത്തിയതിനാണ് ഇദ്ദേഹത്തിനെതിരെ കേസെടുത്തിരിക്കുന്നത്.
സംസ്ഥാന സർക്കാർ നടപ്പാക്കിയ കെ-സ്വിഫ്റ്റ് പദ്ധതി വൻ വിജയമാണെന്ന് ഗതാഗതമന്ത്രി ആന്റണി രാജു. ദീർഘദൂര സംസ്ഥാന, അന്തർസംസ്ഥാന യാത്രകൾക്കായി സംസ്ഥാന സർക്കാർ ആരംഭിച്ച സ്വപ്ന പദ്ധതി ഒരു മാസം പിന്നിടുമ്പോൾ വരുമാനം 3 കോടിയിലധികം രൂപയിലെത്തിയതായി മന്ത്രി ആന്റണി രാജു പറഞ്ഞു.
മണ്ണാർക്കാട് കല്ലാംകുഴി ഇരട്ടക്കൊലപാതക കേസിലെ 25 പ്രതികൾക്കും ജീവപര്യന്തം തടവും 50,000 രൂപ പിഴയും. പാലക്കാട് അഡീഷണൽ ജില്ലാ കോടതിയാണ് വിധി പ്രഖ്യാപിച്ചത്. നാലാം പ്രതിയായ ഹംസപ്പ വിചാരണയ്ക്കിടെ മരിച്ചിരുന്നു. പ്രതികളിൽ ഒരാൾ കുറ്റകൃത്യം നടക്കുമ്പോൾ പ്രായപൂർത്തിയായ ആളായിരുന്നില്ല.