അടച്ചുപൂട്ടിയ കേരളത്തിലെ മദ്യവിൽപ്പന ശാലകൾ തുറക്കാൻ സംസ്ഥാന സർക്കാർ ഉത്തരവിട്ടു. സംസ്ഥാന സർക്കാരിന്റെ പുതിയ മദ്യനയത്തിന്റെ ഭാഗമായാണ് മദ്യശാലകൾ തുറക്കാൻ ഉത്തരവിറക്കിയത്. യു.ഡി.എഫ് സർക്കാരിന്റെ കാലത്ത് അടച്ചുപൂട്ടിയ മദ്യശാലകളും ജനങ്ങളുടെ പ്രതിഷേധത്തെ തുടർന്ന് ദേശീയപാതയിൽ നിന്ന് മാറ്റിയ മദ്യവിൽപ്പന ശാലകളും വീണ്ടും തുറക്കാൻ സർക്കാർ അനുമതി നൽകി.
കേരളത്തിലുടനീളം 68 മദ്യശാലകൾ അടഞ്ഞുകിടക്കുകയാണ്. ഏപ്രിൽ ഒന്നിൻ പ്രാബൽയത്തിൽ വന്ന പുതിയ മദ്യനയം അനുസരിച്ച് 68 മദ്യശാലകൾ തുറന്ന് പ്രവർത്തിക്കും. അതേസമയം, ഇത് സംബന്ധിച്ച ശുപാർശ ബെവ്കോ സർക്കാരിൻ സമർപ്പിച്ചിരുന്നു. തിരക്ക് ഒഴിവാക്കാൻ അടച്ചിട്ട ഔട്ട്ലെറ്റുകൾ പ്രമിയം ഔട്ട്ലെറ്റുകളായി തുറക്കണമെന്ന് ബെവ്കോ ആവശ്യപ്പെട്ടിരുന്നു.
ഈ ശുപാർശയെ തുടർന്നാണ് അടച്ചുപൂട്ടിയ ഔട്ട്ലെറ്റുകൾ തുറക്കാനുള്ള സർക്കാർ ഉത്തരവ് ഇപ്പോൾ പുറത്തുവന്നിരിക്കുന്നത്. എന്നിരുന്നാലും, അടച്ചിട്ട ഔട്ട്ലെറ്റുകൾക്ക് ലൈസൻസ് നൽകിയ താലൂക്കുകളിൽ, കടകൾ വീണ്ടും തുറക്കാൻ കഴിയുന്നില്ലെങ്കിൽ, മറ്റൊരു താലൂക്കിലും തുറക്കാൻ സർക്കാർ അനുമതി നൽകിയിട്ടുണ്ട്.